Korallsoppar

Korallsoppar eller fingersoppar er ei slekt soppar som minner om korallar eller fingerklasar. Dei kan verte like store som kålhovud og kan vege fleire kilogram. Korallsoppane høyrer til fingersoppfamilien.

Korallsoppar
Systematikk
Rike:	Soppriket Fungi
Rekkje:	Stilksporesoppar Basidiomycota
Underrekkje:	Hymeniesoppar Agaricomycotina
Klasse:	Ekte hymeniesoppar Agaricomycetes
Underklasse:	Phallomycetidae
Orden:	Gomphales
Familie:	Gomphaceae
Slekt:	Korallsoppar Ramaria Bonord., 1851

Korallsoppane kan variere i farge frå lys gul, raud eller oransje, til lilla, kvit og beige. Nokre artar kan skifte farge ved støyt. Sporane til korallsoppane er gulbrune til rustbrune. Fargen på sporane kan variere mykje.

Fleire artar, t.d. gul fingersopp, er gode matsoppar, men han er lite brukt. Årsaka er gjerne at etande korallsopp er lett å forveksle med nærskylde giftige artar, som kan vere årsak til gastroenteritt (akutt betennelse i mage/tarm). Giftkorallsopp er eit døme på ein giftig korallsopp som gir gastrointestinale symptom. Han inneheld irritasjonsstoff som påverkar mage/tarm. Toksina som er årsak til gastroenteritten er ikkje identifisert, men det er truleg at det dreiar seg om ein irriterande effekt på slimhinnene.

Kjelder

• Denne artikkelen bygger på «Korallsopper» frå Wikipedia på bokmål, og «Korallfingersvampar» frå Wikipedia på svensk den 18. oktober 2011.

Bakgrunnsstoff

• (no) Korallsoppar hos Artsdatabanken
• (en) Korallsoppar i Encyclopedia of Life
• (en) Korallsoppar i Global Biodiversity Information Facility
• (sv) Korallsoppar hos Dyntaxa
• (en) Korallsoppar hos Index Fungorum
• (en) Korallsoppar hos MycoBank
• (en) Korallsoppar hos NCBI
• (en) Kategori:Ramaria – bilete, video eller lyd på Wikimedia Commons
• Ramaria – detaljert informasjon på Wikispecies