Let’s Spend the Night Together

«Let’s Spend the Night Together» Singel av The Rolling Stones frå albumet Between the Buttons (amerikansk utgåve)
A-side	«Ruby Tuesday» (dobbel A-side)
Språk	engelsk
Utgjeve	13. januar 1967
Innspelt	3.–11. august og 8.–26. november 1966
Sjanger	Rock and roll
Lengd	3:36
Selskap	Decca F.12546 (UK) London 45.904 (US)
Komponist	Keith Richards, Mick Jagger
Tekstforfattar	Mick Jagger, Keith Richards
Låtskrivar(ar)	Jagger/Richards
Produsent	Andrew Loog Oldham
The Rolling Stones-kronologi
«Have You Seen Your Mother, Baby, Standing in the Shadow?» (1966)	«Let’s Spend the Night Together»	«We Love You»/«Dandelion» (1967)

«Let’s Spend the Night Together» er ein song av The Rolling Stones frå 1967, skriven av Mick Jagger og Keith Richards. Han har vorte spelt av mange andre artistar, mest kjend David Bowie i 1973.

Songen vart gjeven ut på singel i januar 1967 og nådde tredjeplassen på singellista i Storbritannia. I USA vart han òg gjeven ut på den amerikanske utgåva av albumet Between the Buttons. På grunn av den då kontroversielle teksten (som omhandla eit forslag om kjønnsleg omgang), valde dei fleste radiostasjonane i staden å spele baksida av singelen, «Ruby Tuesday». Dei to songane gjekk begge inn på den amerikanske Billboard Hot 100, «Let’s Spend the Night Together» stoppa på 55. plass, medan «Ruby Tuesday» gjekk til førsteplassen. Både «Ruby Tuesday» og «Let’s Spend the Night Together» hadde med Jack Nitzsche på piano.

Songen vart sensurert då Rolling Stones framførte han på The Ed Sullivan Show i USA. Først vart dei nekta å spele songen i det heile, og Sullivan sjølv sa til Jagger at «anten går songen, eller så går du». Eit kompromiss vart at dei endra teksten til «let’s spend some time together» (i staden for «let’s spend the night together»). Jagger gjekk med på å endre teksten, men himla med augene kvar gong han song denne linja. I april 2006, under den første konserten deira i Kina, nekta styresmaktene bandet å spele songen på grunn av den «antydande teksten».

Medverkande

• Mick Jagger – solovokal, korvokal, batong, perkusjon
• Keith Richards – elektrisk gitar, bass, piano, korvokal
• Brian Jones – orgel, elektrisk gitar
• Charlie Watts – trommer
• Jack Nitzsche – piano

Salslister

Liste (1967)	Plassering
Austerrike (Ö3 austerriksk Topp 40)	3
Belgia (Ultratop 50 Flandern)	7
Tyskland (Media Control AG)	1
Irland (IRMA)	14
Noreg (VG-lista)	2
UK Singles (Official Charts Company)	3
US Billboard Hot 100	55

Andre utgjevingar

«Let’s Spend the Night Together» vart gjeven ut på følgjande studioalbum:

• Between the Buttons (1967) (USA)
• Flowers (1967)
• Through the Past, Darkly (Big Hits Vol. 2) (1969)
• Hot Rocks 1964-1971 (1972)
• Rolled Gold: The Very Best of the Rolling Stones (1975)
• Singles Collection: The London Years (1989)
• Forty Licks (2002)
• Singles 1965-1967 (2004)

Ein konsertversjon finst på Still Life (American Concert 1981) (1982).

David Bowie-utgåva

«Let’s Spend the Night Together» Singel av David Bowie frå albumet Aladdin Sane
B-side	«Lady Grinning Soul»
Språk	engelsk
Utgjeve	Juli 1973
Innspelt	Trident Studios, London 9. desember 1972 – 24. januar 1973
Sjanger	Glamrock
Lengd	3:03
Selskap	RCA
Komponist	Keith Richards, Mick Jagger
Tekstforfattar	Mick Jagger, Keith Richards
Låtskrivar(ar)	Jagger/Richards
Produsent	Ken Scott, David Bowie
David Bowie-kronologi
«Time» (1973)	«Let’s Spend the Night Together»	«Life on Mars?» (1973)

David Bowie spelte inn ei glamrock-utgåve av «Let’s Spend the Night Together» for albumet Aladdin Sane, som kom ut i april 1973. Han vart òg gjeven ut som singel i USA og Europa, men gjekk ikkje inn på singellistene.

Bowie si utgåve inkluderte ein pulserande synthesizer-effekt og han hadde lagt til eit eige vers mot slutten:

They said we were too young

Our kind of love was no fun

But our love comes from above

Let’s make... love

Forfattar Nicholas Pegg skildrar innspelinga som «raskare og råare» enn Stones-utgåva, medan NME-redaktørane Roy Carr og Charles Shaar Murray skriv at Bowie klarte det kunststykket å slå the Stones med ein av deira eigne songar.

Ei utgåve av songen finst òg på konsertalbumet Ziggy Stardust - The Motion Picture, spelt inn på Hammersmith Odeon i London i juli 1973.

Medverkande

• David Bowie – vokal, gitar, munnspel, tangentinstrument, saksofon
• Mick Ronson – gitar, piano, vokal
• Trevor Bolder – bass
• Mick «Woody» Woodmansey – trommer
• Mike Garson – piano
• Ken Fordham – saksofon
• Brian «Bux» Wilshaw – saksofon, fløyte
• Linda Lewis – korvokal
• Juanita «Honey» Franklin – korvokal
• G.A. MacCormack – korvokal

Andre versjonar

Songen er òg spelt inn av

• Den amerikanske bluesmusikaren Muddy Waters på albumet Electric Mud (1968).
• Den franske popsongaren Claudine Longet på albumet Let's Spend the Night Together (1972).
• Electric Light Orchestra spelte stundom songen på scenen kring 1973 og 1974, men spelte han aldri inn.
• Jerry Garcia spelte inn songen i 1974 på albumet Compliments.
• Tina Turner spelte inn songen på albumet Acid Queen (1975).
• Det britiske glamrockbandet Hello spelte inn songen på debutalbumet Keeps Us Off The Streets i 1975.
• Det australske glam/punkrock-bandet Supernaut spelte inn ein versjon av songen som singel i 1977.
• Songaren og gitaristen Charo på albumet Cuchi-Cuchi i 1977.
• Roger Chapman spelte inn ein versjon på singel (1979).
• Det kanadiske rockebandet Toronto spelte songen på debutalbumet Lookin' for Trouble (1980).
• Det kanadiske bandet April Wine nytta delar av songen i sin eigen song I Like To Rock (1982).
• Det amerikanske glam metal-bandet Keel gav ut ein versjon av songen på albumet Lay Down the Law (1984).
• «Weird Al» Yankovic nytta refrenget i polkaen «The Hot Rocks Polka» i 1989 på albumet UHF – Original Motion Picture Soundtrack and Other Stuff.
• Powerpop/new wave-bandet Precious Little spelte ein versjon av songen.
• Catfish Haven spelte songen i 2007.

Kjelder

• Denne artikkelen bygger på «Let's Spend the Night Together» frå Wikipedia på engelsk, den 28. februar 2009.
  • Wikipedia på engelsk oppgav desse kjeldene:

Bakgrunnsstoff

• Heile songteksten på MetroLyrics