Long Tall Sally
| «Long Tall Sally» Singel av Little Richard frå albumet 'Here's Little Richard' | ||
| B-side | ||
|---|---|---|
| Språk | engelsk | |
| Utgjeve | Mars 1956 | |
| Innspelt | 10. februar 1956, i J&M Studio | |
| Sjanger | Rock and roll | |
| Lengd | 2:10 | |
| Selskap | Specialty | |
| Komponist | Robert Blackwell, Little Richard, Enotris Johnson | |
| Tekstforfattar | Little Richard, Robert Blackwell, Enotris Johnson | |
| Låtskrivar(ar) | Enotris Johnson, Robert Blackwell, Richard Penniman | |
| Produsent | Bumps Blackwell | |
| Little Richard-kronologi | ||
| «Tutti Frutti» (1955) |
«Long Tall Sally» | «Rip It Up» (1956)
|
| «Long Tall Sally» Singel av The Kinks | ||
| B-side |
«I Took My Baby Home» (R. Davies) | |
|---|---|---|
| Språk | engelsk | |
| Utgjeve | 7. februar 1964 | |
| Innspelt | 24. januar 1964 i Pye Studios (No .1), London | |
| Sjanger | Beat | |
| Selskap | Pye 7N15611 (UK) Cameo 308 (US) | |
| Komponist | Robert Blackwell, Little Richard, Enotris Johnson | |
| Tekstforfattar | Little Richard, Robert Blackwell, Enotris Johnson | |
| Låtskrivar(ar) | Enotris Johnson, Robert Blackwell, Richard Penniman | |
| Produsent | Shel Talmy | |
| The Kinks-kronologi | ||
| --- | «Long Tall Sally» | «You Still Want Me» (1964)
|
«Long Tall Sally» er ein rock and roll-song skriven av Robert «Bumps» Blackwell, Enotris Johnson og Richard Penniman (kjend som Little Richard), og spelt inn av Little Richard. Songen vart gjeven ut som singel i mars 1956 på Specialty Records.
B-sida var «Slippin' and Slidin'». Begge songane vart seinare gjevne ut på albumet Here's Little Richard (Specialty, mars 1957). Singelen nådde førsteplassen på rhythm and blues-lista i USA, og låg på Topp 6 i 19 veker.[1] Songen vart plassert på 56. plass på lista til musikkmagasinet Rolling Stone over dei 500 største songane gjennom tidene.[2]
Han vart ein av dei mest kjende hitane til Little Richard og har vorte ein rock and roll-standard som er spelt av mange hundre andre artistar.[3]
Songen vart opphavleg kalla «The Thing».[4]
Historie
endre«Tutti Frutti» hadde vore ein stor hit for Little Richard i oktober 1955, og nådde andreplassen på R&B-lista. Utgåva til Pat Boone nådde førsteplassen på pop-lista. Sjølv om dette var ei uventa inntektskjelde for både selskapet Specialty og ein stolt Richard, valde han å skrive ein song som var så rask at Boone ikkje ville klare å spele han (Boone spelte likevel inn ei utgåve som nådde åttandeplassen).[1]
I følgje Blackwell vart han introdusert for ei jente som heitte Enortis Johnson av Honey Chile, ein populær DJ. Johnson hadde visstnok skrive songen for at Little Richard skulle spele han, slik at ho kunne betale behandlinga til den sjuke tanta hennar Mary. Songen hadde mellom anna tekstlinjene:
- Saw Uncle John with Long Tall Sally
- They saw Aunt Mary comin'
- So they ducked back in the alley
Linja «ducked back in the alley» var akkurat det Richard var på utkikk etter, og han øvde på denne linja så han kunne synge ho så raskt som mogeleg.[5]
Innspeling
endreInnspelinga av songen fann stad 10. februar 1956 ved J&M Studio i New Orleans. Med på songen var studiomusikarane Edgard Blanchard (gitar), Frank Fields (bass), Lee Allen (tenorsaksofon), Alvin «Red» Tyler (baritonsaksofon) og Earl Palmer (trommer), samt Little Richard på vokal og piano. Blackwell var produsent.
Musikken var rask med Little Richard som hamrar laus på pianoet. Richard spelte staccato oktavtonar, medan Palmer spelte ein rask shuffle. Little Richard song songen i ein særs høg toneart (F) med hans rå, aggressive og muntre stil.[3]
- Well, Long Tall Sally,
- She's built for speed,
- She's got everything that Uncle John needs.
Andre utgåver
endre- 1956 Pat Boone
- 1956 Elvis Presley
- 1963 The Tornados på Tornado Rock EP
- 1963 The Rivingtons på Doin' The Bird LP.
- 1964 The Kinks -- den første singelen deira (produsert av Shel Talmy)
- 1964 Jerry Lee Lewis på konsertalbumet Live at the Star Club, Hamburg
- 1964 Barbara Greene -- ei kvinneleg utgåve for Atlantic
- 1964 The Beatles på Long Tall Sally EP
- 1971 Cactus på deira One Way... Or Another
- 1978 Scorpions på Tokyo Tapes
- 1996 Blind Guardian på The Forgotten Tales.
The Beatles spelte ein vill versjon der Paul McCartney syng songen i G, ein heil tone høgare enn Richard i eit forsøk på overgå meisteren. The Beatles turnerte med Little Richard som oppvarmingsband i England og i Hamburg tidleg i 60-åra og vart vener med han. Han lærte dei, og særleg McCartney, eit par syngetriks. Den kjende 'oooh'-inga i «She Loves You» og andre Beatles-songar kom direkte frå dei tilsvarande lydane i «Long Tall Sally» og var eit av varemerka til Little Richard.
Bakgrunnsstoff
endre- Robert Blackwell-biografi Arkivert 2005-01-15 ved Wayback Machine.
- The Beatles «Long Tall Sally» Arkivert 2009-05-30 ved Wayback Machine.
Kjelder
endre- Denne artikkelen bygger på «Long Tall Sally» frå Wikipedia på engelsk, den 9. april 2009.
- Wikipedia på engelsk oppgav desse kjeldene:
- ↑ 1,0 1,1 «Long Tall Sally». Rolling Stone. Arkivert frå originalen 2. oktober 2007. Henta 9. april 2009.
- ↑ «The RS 500 Greatest Songs of All Time». RollingStone.com. Arkivert frå originalen 16. april 2007. Henta 9. april 2009.
- ↑ 3,0 3,1 Gillett, Charlie (1996). The Sound of the City: The Rise of Rock and Roll ((2nd Ed.) utg.). New York, N.Y.: Da Capo Press. s. 26. ISBN 0-306-80683-5.
- ↑ The Beatles - Long Tall Sally
- ↑ White, Charles (2003). The Life and Times of Little Richard. The Authorised Biography. London: Omnibus Press. s. 60–62. ISBN 0-7119-9761-6.
| 56: «Anarchy in the U.K.» The Sex Pistols |
Plassering på lista til Rolling Stone frå 2010 over dei 500 beste songane gjennom tidene 55 «Long Tall Sally» Little Richard |
54: «Louie Louie » The Kingsmen |