Norman Mailer

Norman Kingsley Mailer (31. januar 1923–10. november 2007) var ein amerikansk forfattar.

Norman Mailer
Pseudonym	Andreas Wilson
Statsborgarskap	USA
Fødd	31. januar 1923 Long Branch
Død	10. november 2007 (84 år) New York by
Yrke	journalist, skodespelar, filmregissør, manusforfattar, romanforfattar, essayist, skribent, skodespelforfattar, lyrikar, filmprodusent, filmklyppar, historikar, biograf, teaterskodespelar
Språk	engelsk
Medlem av	American Academy of Arts and Letters, American Academy of Arts and Sciences, The 8th Street Club
Religion	Jødedommen
Far	Isaac Barnett Mailer
Mor	Fanny Schneider
Ektefelle	Adele Morales, Jeanne Campbell, Norris Church Mailer, Bea Silverman, Beverly Rentz Bentley, Carol Stevens
Born	Stephen Mailer, John Buffalo Mailer, Kate Mailer, Michael Mailer, Danielle Mailer, Elizabeth Anne Mailer, Maggie Alexandra Mailer, Susan Mailer
Norman Mailer på Commons

Mailer er fødd i Long Branch i New Jersey og voks opp i bydelen Brooklyn i New York. Fram til han vart innkalla til militærteneste studerte han byggjeteknikk ved Harvard-universitetet.

Erfaringane han gjorde som soldat ved stillehavsfronten i den andre verdskrigen tok han føre seg i den første romanen sin, The Naked and the Dead. I seinare verk er vilje til å nytte vald og seksuelle nevrosar sentrale tema. Mailer høyrte til den amerikanske politiske venstresida, og vart med tida ein skarp kritikar av det amerikanske samfunnet. For reportasjen om den amerikanske protestrørsla mot Vietnamkrigen; Armies of the Night fekk han i 1969 Pultizer-prisen. I 1980 fekk han igjen prisen for The Executioner's Song, ein «sak-roman» om avrettinga av ein mordar.

Mailer gav i 1973 ut ein biografi om Marilyn Monroe. Biografien var i utgangspunktet planlagd som eit essay, men utvikla seg til ein slags romanbiografi samansett av dels fakta dels fiksjon. Seinare gav han ut biografiar om Pablo Picasso og Lee Harvey Oswald.

Utover dette har Mailer vore kanditat til stillinga som borgarmeister i New York i 1969, og til tider leiar for den amerikanske delen av skribentsambandet Pen-Club på 1980-talet. Han har òg regissert fire filmar.

Norman Mailer har vore gift seks gongar, og har ni born. Han var busett i Provincetown i Cape Cod.

Verk (utval)

Romanar

• 1948 - The Naked And The Dead
• 1951 - Barbary Shore
• 1955 - The Deer Park
• 1957 - The White Negro
• 1965 - An American Dream
• 1968 - Armies Of The Night
• 1971 - Maidstone
• 1974 - Watching My Name Go By
• 1976 - Genius And Lust
• 1980 - Of A Small And Modest Malignancy
• 1980 - Of Women And Their Elegance
• 1981 - Black Messiah
• 1982 - After The White Negro
• 1983 - Ancient Evenings
• 1984 - Tough Guys Don't Dance
• 1991 - Harlot's Ghost
• 1997 - The Gospel According To The Son

Biografiar

• 1973 - Marilyn: Biography Of Marilyn Monroe
• 1994 - Marilyn: The Classic Films
• 1994 - Portrait Of Picasso As a Young Man
• 1995 - Oswald's Tale

Ymse

• 1967 - Why Are We In Vietnam?
• 1971 - The Prisoner Of Sex
• 1971 - Of A Fire On The Moon
• 1979 - The Executioner's Song
• 1985 - Huckleberry Finn: Alive at 100
• 2003 - Why Are We At War?

Filmar

Regi og manus

• 1968 - Wild 90
• 1968 - Beyond the Law
• 1970 - Maidstone
• 1987 - Tough Guys Don't Dance

Bakgrunnsstoff

• Nekrolog i Washington Post