Ole Anunsen Strøm
Ole Anunsen Strøm (1. august 1863–24. september 1932) var ein norsk, offiser og politikar frå Skoger i Buskerud.
| Ole Anunsen Strøm | |||
| Fødd | 1. august 1863 | ||
|---|---|---|---|
| Død | 24. september 1932 (69 år) | ||
| Statsborgar av | Noreg | ||
| Parti | Venstre, Frisindede Venstre | ||
| Yrke | politikar | ||
| Alle verv |
| ||
Strøm var son til ein gardbrukar i Skoger. Sjølv utdanna han seg til offiser. Han tok fyrst sersjanteksamen ved Norske Jægerkorps Underofficerskole i 1883, fem år seinare tok han eksamen ved ingeniør-underoffiserskulen. Åra 1888-93 arbeidde han på kontoret til ingeniørvåpenet. Frå 1893 budde han på Hvalsmoen i Norderhov, der han hadde ymse posisjonar ved ingeniørvåpenet sin landevernsbataljon. I 1911 vart han utnemnd til kvartermeister ved sappørbataljonen. Strøm var formann for Norges underoffisersforening i 1907-08.
Strøm var medlem av heradsstyret i Norderhov frå 1898, varaordførar 1905-07, og ordførar i Norderhov i åra 1908-16 og 1923-25. Han var stortingsrepresentant for einmannskrinsen Ringerike i Buskeruds amt perioden 1910-12. Strøm representerte Venstre i kommunestyret og Frisinna Venstre på Stortinget. På Stortinget var han medlem i militærkomiteen.
I 1928 vart Strøm Borgardådsmedaljen.
Kjelder
endre- Ola Brænden (red.): Norderhov kommune - Det kommunale sjølstyre 1837-1937-1945. Norderhov kommune 1946 (s. 70-71, digitalisert av Nasjonalbiblioteket)
- Tallak Lindstøl: Stortinget og statsraadet 1814-1914. 1ste bind, 2den del. Steen'ske Bogtrykkeri, Kristiania 1914 (s. 842, digitalisert av Nasjonalbiblioteket)
- Vilhelm Haffner: Stortinget og statsrådet 1915-1945 - Bind 1 Biografier. Oslo 1949 (s. 50, digitalisert av Nasjonalbiblioteket)