Ole Christian Eidhammer
Ole Christian Eidhammer (fødd 15. april 1965) er ein norsk tidlegare skihoppar fødd i Molde. Han vann to internasjonale meisterskapsmedaljar, begge i lagtevlingar. Under Ski-VM 1987 i Oberstdorf var han på det norske firemannslaget som tok sølv. Hroar Stjernen, Ole Gunnar Fidjestøl og Vegard Opaas var dei andre på laget. Året etter, under Vinter-OL 1988 i Calgary, vart det bronsemedaljar på dei fire som hoppa for Noreg. Eidhammer og Fidjestøl hadde då selskap av Jon Inge Kjørum og Erik Johnsen. Eidhammer var medlem av Heimdal Idrettsforening.
| Ole Christian Eidhammer | |
| Statsborgarskap | Noreg |
| Fødd | 15. april 1965 (59 år) Molde kommune |
| Idrett | skihopping |
| Tok del i |
Vinter-OL 1984, Skihopping under Vinter-OL 1988 – Laghopp |
Karriere endre
Eidhammers beste plasseringar i verdscupen var to tredjeplassar. Den fyrste kom i Holmenkollrennet i 1984, bak Vladimír Podzimek og Pavel Ploc, begge frå Tsjekkoslovakia. I januar 1988 vart han nummer tre i Bischofshofen, bak den suverene vinnaren Matti Nykänen og Primoz Ulaga. I dei store meisterskapane hamna Eidhammer på 18. plass i storbakkerennet under Vinter-OL 1984 i Sarajevo, og på høvesvis 17. og 19. plass i dei to individuelle renna under Vinter-OL i Calgary i 1988. Frå NM-tevlingar fekk han med seg to sølvmedaljar, i normalbakken i 1984 og i storbakken i 1988. Nærast meisterskapstittelen var han i 1988, med sine 209,3 poeng var han 2,9 poeng bak vinnaren, Jon Inge Kjørum.
Besteplasseringar i internasjonale meisterskap og renn endre
- 1983: Nr 10 i Vikersund (skiflyging)
- 1984: Nr 3 i Holmenkollen
- 1985: Nr 25 i Bischofshofen
- 1986: Nr 8 i Lahti
- 1987: Nr 13 i Oberwiesenthal
- 1988: Nr 3 i Bischofshofen
- 1988/89: Nr 6 i Lake Placid
- 1989/90: Nr 30 i Lake Placid
Medaljar og besteplasseringar i noregsmeisterskap endre
- Ski-NM 1983: Nr 7 i storbakken på Lillehammer
- Ski-NM 1984: Sølvmedalje i normalbakken på Kongsberg
- Ski-NM 1985: Nr 9 i storbakken i Bærum
- Ski-NM 1986: Nr 4 i storbakken i Oslo
- Ski-NM 1987: Nr 5 i storbakken på Odnes
- Ski-NM 1988: Sølvmedalje i storbakken på Rena
- Ski-NM 1989: Nr 10 i storbakken på Odnes
- Ski-NM 1990: Nr 6 både i normalbakken på Fluberg og i storbakken i Meldal
Bakgrunnsstoff endre
- Ole Eidhammer i olympedia.org
- (en) Ole Christian Eidhammer – Profil og resultatoversikt hos FIS