Ordførarar i Leikanger kommune
Leikanger herad (Leikanger kommune) vart oppretta i 1837 då formannskapslovene vart vedtekne, og nedlagd 1. januar 2020 då kommunereforma tredde i kraft.
Kommunen bestod av dåverande Leikanger prestegjeld, som tidleg på 1800-talet omfatta soknene Tjugum, Fjærland, Vangsnes, Leikanger, Feios og Fresvik. I dag er dette synonymt med bygdene Leikanger, Fjærland og Balestrand (unnateke Kvamsøy), samt Tingastad-området på sørsida av Fimreitehalvøya, i Sogndal kommune på nordsida av fjorden, og bygdene Feios og Fresvik i Vik kommune, samt Frønningen-godset i Lærdal kommune, på sørsida av fjorden.
Alle dei store stortingspartia utanom FrP har vore representert i kommunestyret, men KrF greidde ikkje stilla liste i 2007 og har sidan vore ute av lokalpolitikken. Venstre, Arbeidarpartiet, Høgre og KrF har alle hatt ordførarar, men Venstre er det partiet som har hatt vervet desidert lengst. SV og Senterpartiet har aldri hatt ordførarmakt, men begge har hatt varaordførarar, og Senterpartiet har hatt klårt flest.
Ordførarar i Leikanger 1837-1849
endre| År | Namn | Yrke |
|---|---|---|
| 1838-1839 | Christian Gahrup Meidell (1780-1863) | Oberstløytnant |
| 1840-1843 | Søren Lem | Godseigar |
| 1844-1847 | Herman Brun (1804-1865) | Kjøpmann |
| 1848-1849 | Harald Ulrik Sverdrup | Kapellan |
Ordførarar i Leikanger 1849-1934
endreI 1849 vart soknene Fjærland, Tjugum og Vangsnes skilde ut frå Leikanger, og danna Balestrand kommune.
| År | Namn | Yrke |
|---|---|---|
| 1849-1851 | Herman Brun (1804-1865) | Kjøpmann |
| 1852-1853 | Hans Johannes Brun (1826-1886) | Handelsmann og hotellvert |
| 1854-1857 | Johan David Haslund (1812-1869) | Sokneprest |
| 1858-1868 | Sjur Sæterlid | Gardbrukar |
| 1868 | Hans Lem | Godseigar |
| 1868-1869 | Johan Herman Brun (1833-) | Handelsmann |
| 1870-1873 | Nils J Njøs (1835-1909) | Gardbrukar |
| 1874-1881 | Lars M Husabø (1839-1928) | Gardbrukar |
| 1882-1884 | Jakob Liv Rosted Sverdrup (1882-1884) | Sokneprest, stortingsmann og statsråd |
| 1885-1902 | Jakob Bøthun (1851-1931) | Lærar |
| 1902-1907 | Lars M Husabø (1839-1928) | Gardbrukar |
| 1908-1916 | Nils Tjønn (1860-1920) | Lærar |
| 1917-1919 | Hans N Grinde (1870-1958) | Gardbrukar |
| 1920-1922 | Hans Flesche (1882-1926) | Bankkasserar |
| 1922 | Knut Jordal | Kjøpmann |
| 1923-1934 | Hans N Grinde (1870-1958) | Gardbrukar |
Ordførarar i Leikanger 1935-1991
endreI 1935 inntok partia lokalpolitikken i Leikanger. Kommunen heldt seg samla gjennom kommunereformene på 60-talet, unnateke ei lita justering 1. januar 1964: Eitorn-grendi vart ført attende frå Balestrand til Leikanger, medan Tingastad-området vart overført til Sogndal.
| År | Parti | Namn | Yrke |
|---|---|---|---|
| 1935-1951 | V | Olav Tveit (1885-1959) | Lærar og klokkar |
| 1951-1957 | V | Per H. Bøthun (1898-1962) | Lærar |
| 1957-1961 | V | Hans Husabø (1900-1990) | Gardbrukar |
| 1961-1963 | V | Leif Loen (1899-) | Lærar |
| 1963-1975 | V | Arne Grepstad (1913-1975) | Skatterevisor |
| 1975 | KrF | Olav Straume (1909-1983) | Fylkesarbeidssjef |
| 1975-1977 | H | Lars Lefdal (1939-) | Vegsjef |
| 1978-1979 | KrF | Kåre Næss (1919-2004) | Butikkmann |
| 1979-1983 | H | Ola A Vestrheim (1925-) | Gardbrukar |
| 1983-1987 | Ap | Erling Olsen (1941-) | Kontorfunksjonær |
| 1987-1991 | H | Ola A Vestrheim (1925-) | Gardbrukar |
Ordførarar i Leikanger 1991-
endreFrå 1. januar 1992 vart sørsida med soknene Feios og Fresvik overførte til Vik, medan Frønningen-godset vart overført til Lærdal. Leikanger kommune var etter dette identisk med Leikanger sokn på nordsida av Sognefjorden.
| År | Parti | Namn | Yrke |
|---|---|---|---|
| 1991-1993 | Ap | Kjell Helleland (1946-) | HVPU-koordinator |
| 1994-1995 | Ap | Åsta Magni Hauge (1950-2019) | Vernepleiar |
| 1995-1999 | V | Nils Erling Yndesdal (1959-) | Fylkesmiljøvernsjef |
| 1999-2003 | V | Rolf Nesheim (1960-) | Kontorfunksjonær |
| 2003-2015 | Ap | Olav Lunden (1955-) | Maskinførar |
| 2015- | Ap | Jon Håkon Odd (1977-) | Kontorfunksjonær |
Leikanger kommune opphøyrde som eigen kommune 1. januar 2020 og er i dag ein del av Sogndal kommune. Ordførar Arnstein Menes, som kjem frå gamle Balestrand kommune, oppnådde prosentvis størst oppslutnad i gamle Leikanger kommune ved valet hausten 2019.