Ove Eide

Ove Lidvar Eide (fødd 1. september 1950 på Sandane) er ein norsk forfattar, bokredaktør, lektor og kulturarbeidar frå Sandane i Gloppen kommune. Han har gått inn for å formidla diktaren Jakob Sande, mellom anna gjennom ein biografi.

Ove Eide
Nasjonalitet	Noreg
Statsborgarskap	Noreg
Fødd	1. september 1950 (74 år) Sandane
Yrke	Pensjonist
Sjanger	Sakprosa og biografiar

Liv og virke

Ove Eide tok hovudfag i nordisk ved Universitetet i Bergen, der han tok for seg forfattaren Lars Rustbøle. Sidan skuledagane har han hatt eit nært tilhøve til Jakob Sande, og Eide har lenge redigert og bidrege til utgjevingane om Jakob Sande som Jakob Sande-selskapet kjem med annakvart år.

Eide sin store biografi over Jakob Sande, som kom ut i 2006, har vore eit livsprosjekt for han. Per Olav Kaldestad frå Bergens Tidende meinte at boka «fortener å bli ståande som standardverket om forfattaren». Boka fekk mykje publisitet for Eide si misnøye med Jon Eikemo sine Sande-tolkingar. Eide meinte at Eikemo hadde framstilt Sande som ein moromann, og at skodespelaren hadde fortrengt den mørke straumen av einsemd og fortaping i Sande si dikting. Dette tok media tak i og Eide måtte forklare seg nærare i både radio og aviser.

Eide har også samla idrettslaget Sandane Turn og Idrettslag si hundreårige historie mellom to permar. Boka kom ut to år etter jubileumet. Han er også mykje brukt som bokmeldar.

Eide var lektor i norsk og mediefag ved Firda vidaregåande skule på Sandane i Sogn og Fjordane, og hadde stilling som utviklings- og fornyingsleiar. Han har også har hatt ei rekkje tillitsverv i organisasjonar, mellom i anna Nordfjord Folkemuseum. Han sit dessutan i utvalet for utvikling av norskfaget, og var medlem av læreplangruppa for norsk og aktiv i arbeidet med dei nye læreplanane for norskfaget i Kunnskapsløftet. Ove Eide har også vore medlem av Språkrådet sitt fagråd for skule og offentleg forvalting.

Bibliografi

Bøker

• 1993 – Heimland. Novellesamling i høve avishuset Firda 75 år (Førde: Avishuset Firda)  [Red.: Ove Eide]
• 1994 – Vegar i Jakob Sandes dikting : arbeidsbok med forslag til særemneopplegg, bibliografi og ordliste (Dale: Jakob Sande-selskapet). ISBN 82-91253-01-3 I fulltekst ved nb.no  [Av: Ove Eide, Ivar Svensøy, Roar Øvrebust]
• 1994 – Jakob Sande. Årbok 1994 (Dale: Jakob Sande-selskapet). ISBN 9788291253022  [Red.: Ove Eide]
• 1994 – Magnus Henden: Muren og diktet (Hennebygda: Eigen utgjevnad)  [Red. og tilretteleggar: Ove Eide]
• 1994 – Dei lækjande urteorda ( Vestlandsforlaget). ISBN 82-91236-01-1  [Av Elling Vanberg. Utval, merknader og kommentarar ved Ove Eide]
• 1995 – Songen om dei store sletttene ( Vestlandsforlaget). ISBN 82-91236-04-6  [Av Elling Vanberg. Innskriving, redigering og tilrettelegging ved Ove Eide]
• 1996 – Ei bru mellom fortid og framtid : Sandane ungdomslag 1896-1996 (Sandane: Sandane ungdomslag). ISBN 82-994147-0-9 I fulltekst ved nb.no  [Av: Ove Eide, Ola Nyhagen]
• 1996 – Jakob Sande. Årbok 1996 (Dale: Jakob Sande-selskapet). ISBN 9788291253046  [Red.: Ove Eide]
• 1997 – Jo Foss (Jon Bergheim): Villblomar ( Eigen utgjevnad)  [Red.: Ove Eide]
• 1998 – Meir enn ein skule : Firda gymnas, Firda vidaregåande skule 1922-1997 (Sandane: Skulen)  [Hovudred.: Ove Eide]
• 1998 – Spottar og salmediktar. Jakob Sande Årbok 1998 (Dale: Jakob Sande-selskapet). ISBN 9788291253053  [Red.: Ove Eide]
• 1998 – Grunnsteinar ( Vestlandsforlaget)  [Av Elling Vanberg Red.: Ove Eide]
• 1999 – Vestland, Vestland (Oslo: Samlaget). ISBN 82-521-5495-6 I fulltekst ved nb.no  [Red.: Ove Eide, Jardar Skaadel]
• 2000 – Jakob Sande. Årbok 2000 (Dale: Jakob Sande-selskapet). ISBN 9788291253060  [Red.: Ove Eide]
• 2001 – Jo Foss (Jon Bergheim): Sagt og gjort/Etterrakster ( Eigen utgjevnad)  [Red.: Ove Eide]
• 2002 – Hundre år med STIL : Sandane Turn og Idrettslag 1900-2000 (Sandane: STIL). ISBN 82-996476-0-6 I fulltekst ved nb.no
• 2002 – Jakob Sande. Årbok 2002 (Dale: Jakob Sande-selskapet). ISBN 9788291253077  [Red.: Ove Eide]
• 2004 – Jakob Sande. Årbok 2004 (Dale: Jakob Sande-selskapet). ISBN 9788291253091  [Red.: Ove Eide]
• 2006 – Jakob Sande : liv, dikting (Oslo: Samlaget). ISBN 82-521-6497-8
• 2006 – Jakob Sande 100 år : årbok. 2006 (Førde: Selja : Jakob Sande-selskapet). ISBN 82-91722-72-2  [Red.: Ove Eide]
• 2006 – Framtidas norskfag. Språk og kultur i eit fleirkulturelt samfunn. Rapport frå Utdannings- og forskningsdepartementet ( Utdanningsdirektoratet)  [Sekretær saman med Tone Vindegg]
• 2009 – Dønningar (Førde: Selja). ISBN 978-82-8240-00-22  [Av Jon Tolaas ; etterord av Ove Eide]
• 2010 – Gamle Selje (Førde: Selja). ISBN 978-82-8240-029-9  [Av Reidar Djupedal ; red. av Ove Eide]
• 2011 – Huldra, draugen og fanden sjølv : segner frå Sogn og Fjordane (Førde: Selja). ISBN 978-82-8240-045-9  [Ill.: Finn Egil Eide]
• 2012 – Kjerringa, Askeladden og kongen sjølv : eventyr frå Sogn og Fjordane (Førde: Selja). ISBN 978-82-8240-057-2  [Red.: Ove Eide ; ill.: Finn Egil Eide]
• 2013 – Mysterium : dikt og noveller av ungdom i Sogn og Fjordane (Leikanger: Sogn og Fjordane fylkeskommune)  [Red.: Ove Eide]
• 2014 – Bodils spiskammers (Førde: Selja). ISBN 978-82-8240-081-7  [Av: Bodil Fjellestad Eikrem, Ove Eide og Ronny Solheim (foto)]
• 2014 – Dikt i utval (Skjåk: Skjåk kommune). ISBN 978-82-999543-0-3  [Av Jan Magnus Bruheim ; ved Ove Eide]
• 2014 – Vereide kyrkje : kyrkjestad og kyrkjelyd gjennom 850 år (Bergen: John Grieg forlag). ISBN 978-82-533-0310-9  [Redaktør: Ove Eide; fotograf: Ronny Solheim; bildered.: Bård Vereide]
• 2014 – Intertekst - norsk vg2 studieforberedende utdanningsprogram ( Fagbokforlaget). ISBN 9788211031129  [Medforfattar]
• 2016 – Laks, lordar og lokalmat : Sivertsens og Gloppen Hotell gjennom 150 år (Førde: Selja). ISBN 978-82-8240-109-8
• 2016 – Handbok i nabospråkundervisning ( Språkrådet). ISBN 978-82-93424-02-4  [Medredaktør. Bidrag av: Olemic Thommesen, Ove Eide, Bodil Aurstad, Torbjørg Breivik, Vidar Kristensen, Tor Egil Furevikstrand]
• 2016 – Intertekst - norsk vg3 studieforberedende utdanningsprogram ( Fagbokforlaget). ISBN 9788211031150  [Medforfattar]
• 2017 – Holvikejekta : sjøens stavkyrkje (Førde: Selja). ISBN 978-82-8240-116-6
• 2022 – Olav K. Henden : 1920-2020: selskapet, slekta, samfunnet (Førde: Selja). ISBN 9788282401814  [Foto: Ronny Solheim]
• 2023 – Frå Olden til Paris : bildekunstnaren Rolv Lorentz Muri (1921-1992) (Sandane: Nordfjord sogelag). ISBN 978-82-998213-1-5  [Etterord av Arve Henriksen]
• 2023 – Særprega hus på Sandane : ei historisk vandring gjennom Sandane sentrum (Sandane: Gloppen sogelag)  [Bidrag av: Ola Nyhagen, Ingrid Denk, Ove Eide, Sverre Folkestad]
• 2024 – Øyvind Botn: Eit liv i kunsten (Førde: Selja). ISBN 9788282402057  [Bidrag av: Elisabeth Steen, Ove Eide, Morten Johan Svendsen]

I tidsskrift - eit utval

• Lokalhistoriske artiklar Sogn og Fjordane

Kjelder

• «Ove Eide» på Wikipedia på bokmål, innhenta 4. januar 2010.
• «Ove Eide» i Allkunne, innhenta 23. juli 2010.

Bakgrunnsstoff

• Jakob Sande-selskapet
• Styreleiaren på Nordfjord folkemuseum går i protest