Pukekohe
Pukekohe er ein liten, men veksande landleg by i Franklin District på Nordøya på New Zealand. Han ligg heilt sør i regionen Auckland, omkring 50 km sør for Auckland City, mellom den sørlege stranda til Manukau Harbour og munningen til Waikato-elva. Åsane kring Pukekohe og dei nærliggjande Bombay Hills dannar den naturlege sørgrensa til Aucklandregionen.
| Pukekohe | |||
| by | |||
 Pukekohe Park Raceway
| |||
| Land |  New Zealand
| ||
|---|---|---|---|
| Areal | 32,06 km² | ||
| Folketal | 24 300 (30. juni 2018)[1] | ||
 Pukekohe 37°12′11″S 174°54′14″E / 37.203°S 174.904°E | |||
| Wikimedia Commons: Pukekohe | |||
Maoriordet puke-kohe tyder 'åsen med kohekohe'. Kokekohe (Dysoxylum spectabile) er eit innfødd mahogniaktig tre.
Under Newzealandkrigane vart det utkjempa eit slag i Pukekohe, seinare kjent som Forsvaret av Pukekohe East i 1863.
Byen
endrePukekohe er administrasjonssenteret i Franklindistriktet. Ved folketeljinga i 2001 var innbyggjartalet 18 825, storparten av europeisk avstamming, men med betydelege innslag av innfødde maoriar og etniske indiske og austasiatiske grupperingar. Byen er venta å få ein jamn vokster i dei komande tiåra, ettersom han ligg i utkanten av den stadig veksande Aucklandregionen.
Den grøderike vulkanske jorda og det varme, fuktige klimaet har ført til framifrå tilhøve for grønsak- og mjølkeproduksjon.
Pukekohe har ein vidaregåande skule, eit rugbystadion, ein veddeløpsbane og motorsportbanen Pukekohe Park Raceway.
Transport
endrePukekohe ligg ved jarnvegslinja North Island Main Trunk Railway, og er den sørlegaste stasjonen på forstadsbanenettet til Auckland.
Kjelder
endre- ↑ 1,0 1,1 1,2 1,3 http://nzdotstat.stats.govt.nz/wbos/Index.aspx?DataSetCode=TABLECODE7981; utgjevar: Statistics New Zealand.
- ↑ 2,0 2,1 2,2 http://nzdotstat.stats.govt.nz/wbos/Index.aspx?DataSetCode=TABLECODE8318.
- ↑ 3,0 3,1 3,2 http://nzdotstat.stats.govt.nz/wbos/Index.aspx?DataSetCode=TABLECODE7981.
- Denne artikkelen bygger på «Pukekohe» frå Wikipedia på engelsk, den 8. april 2008.