Schleswig
- For andre tydingar av oppslagsordet, sjå Schleswig i Iowa.
Schleswig (dansk Slesvig, latin Sliaswig, nedertysk Sleswig) er hovudby i landkrinsen Kreis Schleswig-Flensburg (Slesvig-Flensborg) nord i Schleswig-Holstein ved fjorden Schlei (Slien). Fjordnamnet inngår i bynamnet, som kjem av dansk og tyder 'vika ved Slien'.
| Schleswig | |||
 | |||
|
|||
| Land |  Tyskland
| ||
|---|---|---|---|
| Region | Schleswig-Holstein | ||
| Distrikt | Schleswig-Flensburg | ||
| Areal | 2 430 km² | ||
| Folketal | 24 237 | ||
| Folketettleik | 997 / km² | ||
| Postnummer | 24837 | ||
 Schleswig 54°30′55″N 9°34′11″E / 54.515277777778°N 9.5697222222222°E | |||
 Schleswig i Tyskland
| |||
 | |||
| Wikimedia Commons: Schleswig | |||
| Nettstad: www.schleswig.de | |||
Geografi
endreKlima
endre| Vêrdata for Schleswig | |||||||||||||
|---|---|---|---|---|---|---|---|---|---|---|---|---|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
| Gjennomsnittleg maks °C | 3,2 | 3,8 | 7,1 | 12 | 16,5 | 19,1 | 21,5 | 21,4 | 17,6 | 12,7 | 7,5 | 4,4 | 12,2 |
| Døgnmiddeltemperatur °C | 1 | 1,5 | 4 | 7,8 | 11,9 | 14,8 | 17,1 | 17,1 | 13,9 | 9,7 | 5,2 | 2,3 | 8,9 |
| Gjennomsnittleg min °C | −1,1 | −0,9 | 0,9 | 3,5 | 7,2 | 10,4 | 12,7 | 12,7 | 10,2 | 6,7 | 2,9 | 0,2 | 5,5 |
| Gjennomsnittleg nedbør mm | 82,3 | 56,3 | 60,8 | 42,8 | 58,2 | 80,2 | 92,6 | 89,8 | 83,1 | 97 | 79,8 | 86,2 | 909,1 |
| Kjelde: Weather and climate in Schleswig | |||||||||||||
Historie
endreByen voks fram på nordsida av fjorden etter at vikinghandelsplassen Hedeby vart oppløyst kring 1050. Byen mista allereie i tidleg i mellomalderen statusen som handelsby til Lübeck. Trass i dette hadde byen høg politisk og religiøs status, som hovudby i regionen Slesvig. Fleire gonger vart det bygd ut forsvarsverk med borg og bymur, seinast med Gottorp Slot, som samstundes var sete for hertugane av hertugdømet Slesvig (Herzogtum Schleswig). Domkyrkja i byen, Schleswiger Dom (Sankt Petri kirke), vart bygd i i tida frå 1100-talet til 1400-talet.
Domkyrkja har frå slutten av 1800-talet hatt det høgaste kyrkjetårnet nord i Tyskland. I og ved kyrkja er det ymse gravmonument og minne om dansk-tysk samband. Kong Niels av Danmark skal vera gravlagd i kyrkja. Det finst eit dansk mindretal i Schleswig, og i byen finst det ymse lag der danskar samlar seg.
Etter den andre slesvigske krigen i 1864 vart styringa av Slesvig teke over av Preussen. Danmark måtte avstå Holstein, Lauenburg og heile hertugdømet Slesvig, slik at den dansk-tyske grensa gjekk ved Kongeå. Etter første verdskrig var det ei folkerøysting i 1920. Etter folkerøystinga vart Nord-Slesvig ein del av Danmark, medan Sør-Slesvig med byen Schleswig vart ein del av Schleswig-Holstein i Tyskland.