Sjøelefant
Sjøelefant eller elefantsel er ei biologisk slekt som omfattar to artar, nordleg og sørleg sjøelefant. Den nordlege arten held til langs Stillehavskysten av Nord-Amerika, medan den sørlege finst på fleire øyar og kystar sirkumpolart rundt Antarktis. Sørleg sjøelefant er den største av alle selane.
| Sjøelefant | |
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Rovpattedyr Carnivora |
| Familie: | Ekte selar Phocidae |
| Underfamilie: | Monachinae |
| Slekt: | Sjøelefant Mirounga Gray, 1827 |
Dyra har fått namnet sitt fordi hannane har ein oppblåsbar nasesekk som minner om snabelen til ein elefant. Hannane av begge artane er mykje større enn hoene. Sørlege hannar kan blir opptil 6 meter lange og 3,6 tonn tunge medan dei nordlege kan bli 5 meter og 2,7 tonn. Hoer av begge artat veg gjennomsnittleg 400-900 kg.
Sjøelefantar lever i koloniar der éin hann har kontroll over territorium med fleire hoer og ungar. Hannane slost om territorium ved hjelp av store hjørnetenner. Kosten deira er fisk og blekksprut.
Begge artane blei hardt utsett for jakt på 1700- og 1800-talet, og var truga av utrydding. Etter at jakta slutta har bestandane teke seg opp igjen.
Kjelder
endre- «sjøelefanter» i Store Norske Leksikon
- Delar av denne artikkelen bygger på «Elephant seal» frå Wikipedia på engelsk, den 21. oktober 2012.
Bakgrunnsstoff
endre- (en) Sjøelefant – oversikt og omtale av artane i WORMS-databasen
- (en) Sjøelefant i Encyclopedia of Life
- (en) Sjøelefant i Global Biodiversity Information Facility
- (en) Sjøelefant hos Fossilworks
- (en) Sjøelefant hos ITIS
- (en) Sjøelefant hos NCBI
- (en) Kategori:Mirounga – bilete, video eller lyd på Wikimedia Commons
- (en) Mirounga – galleri av bilete, video eller lyd på Wikimedia Commons
- Mirounga – detaljert informasjon på Wikispecies
