Det andre slaget ved Bloody Creek

Denne artikkelen handlar om slaget i 1757. For slaget i 1711, sjå slaget ved Bloody Creek i 1711.

Slaget ved Bloody Creek Del av den franske og indianske krigen Varde reist av Historic Sites and Monuments Board (1932) Dato 8. desember 1757 Stad dagens Carleton Corner i Nova Scotia Resultat Fransk og indiansk siger Partar Storbritannia Mi'kmaq-indianarar Akadiske motstandskjemparar Kommandantar Kaptein Peter Pigou † Kaptein David Maitland ukjend Styrkar 130 soldatar ukjend, kanskje hundrevis Tap 24 drepne og skadde 12 drepne og skadde

Den franske og indianske krigen Jumonville Glen – Fort Necessity – Fort Beauséjour – Monongahela – Lake George - Fort Bull - Fort Oswego - Kittanning – Fort William Henry – Bloody Creek - Louisbourg - German Flatts - Fort Carillon – Fort Frontenac - Fort Duquesne – Fort Ligonier – Ticonderoga – La Belle-Famille - Fort Niagara – Beauport – Quebec – Sainte-Foy – Restigouche - Thousand Islands – Signal Hill

Slaget ved Bloody Creek vart utkjempa 8. desember 1757 under den franske og indianske krigen. Militssoldatar frå Acadia og Mi'kmaq slo ei avdeling av britiske soldatar ved Bloody Creek, som munnar ut i Annapolis River ved dagens Carleton Corner i Nova Scotia. Slaget skjedde same stad som slaget i 1711 under dronning Anne-krigen.

Bakgrunn

Etter at franskmennene hadde tapt i Slaget ved Fort Beauséjour og deportasjonen av akadiarane hadde starta i 1755, danna mange akadiarar geriljagrupper i skogane, ofte i lag med dei gamle indianarane Mi'kmaq. Desse gruppene opererte på heile Nova Scotia fram til Ny-Frankrike fall. Den mest kjende av desse geriljakrigarane var Joseph Broussard, òg kjend som Beausoleil. Trass i at dei kontrollerte mange skansar som Halifax, Annapolis Royal og Fort Beausejour, klarte ikkje britane å få fred i regionen.

Den 6. desember dreiv eit arbeidslag som heldt til i Annapolis Royal, å hogge ned ved nær staden der der det første slaget fann stad i 1711. Der vart dei utsett for eit bakhaldsåtak av akadiske og Mi'kmaq styrkar. Ein mann vart drepen og sju andre vart teken til fange. Som følgje av dette vart 130 mann under kaptein Peter Pigou sendt ut for å hente attende fangane.

Slaget

Dei marsjerte til fots langs sørbreidda av Annapolis River og britane vart utsett for våte og kalde forhold før dei gav opp leitinga etter fangane. Dei kryssa ei bru over René Forêt River morgonen den 8. desember då dei vart angripe av Mi'kmaq og akadiarar. Britane heldt stand ei kort stund og leid store tap, mellom anna kaptein Pigou, før dei trekte seg attende til Annapolis Royal.

Etterverknad

Trass i sigeren klarte ikkje Mi'kmaq og akadiarane å følgje opp med eit åtak på Annapolis Royal. Det var derimot mange liknande grupper som heldt fram å angripe dei britiske styrkane i Nova Scotia og som støtta dei franske troppane gjennom krigen. René Forêt River fekk namnet Bloody Creek til ære for slaget.

Kjelder

• Denne artikkelen bygger på «Battle of Bloody Creek (1757)» frå Wikipedia på engelsk, den 12. november 2010.
  • Wikipedia på engelsk oppgav desse kjeldene:
• Faragher, John Mack (2005). A Great og Noble Scheme. New York: W. W. Norton. ISBN 0393051358.  s. 400

Sjå òg

• Omleiringa av Louisbourg i 1758

Bakgrunnsstoff

• Monument for Slaget ved Bloody Creek (1757) Arkivert 2011-04-24 ved Wayback Machine.