Snillfjord kommune
Snillfjord er ein tidlegare norsk kommune i Trøndelag fylke. Han grensa til Agdenes i nordaust, Orkdal i søraust, Hemne i sørvest og over fjorden i nord til Hitra. Administrasjonssenteret var Krokstadøra.
| Snillfjord kommune | |||
| kommune | |||
 | |||
|
|||
| Land |  Noreg
| ||
|---|---|---|---|
| Fylke | Trøndelag | ||
| Adm.senter | Krokstadøra | ||
| Areal | 508 km² | ||
| • land | 490 km² | ||
| • vatn | 18 km² | ||
| Målform | nøytral | ||
| Ordførar | John Lernes (Ap) | ||
| Kommunenr. | 5012 | ||
 Snillfjord kommune 63°25′29″N 9°26′05″E / 63.424722222222°N 9.4347222222222°E | |||
 Kart som viser Snillfjord kommune.
| |||
| Wikimedia Commons: Snillfjord | |||
| Nettstad: www.snillfjord.kommune.no | |||
1. januar 2020 vart Snillfjord delt opp og overført til andre kommunar. Norddelen rundt Sunde vart slegen saman med Hitra til nye Hitra kommune, området rundt Ytre Snillfjord (Vennastranda) vart slege saman med Hemne og Halsa på Nordmøre til Heim kommune, medan området rundt Krokstadøra vart slege saman med Orkdal, Agdenes og Meldal til nye Orkland kommune.
Personar som kjem frå tidlegare Snillfjord kommune blir kalla for snillfjording.
Kommunevåpen
endreKommunevåpenet til Snillfjords var eit sølvgreip på grønn botn som viste til handverks-, sjø- og jordbrukstradisjonar. Bakgrunnen for dette valet var at greipet i tidlegare tider vart brukt både i tradisjonelt jordbruk og til høsting av tang og tare. Greip vart i eldre tider tilverka av trevirke.
Kommunevåpenet vart utforma etter ein idékonkurranse vunnen av Jim Bye frå Hallset ved Trondheim. Kommunevåpenet vart utarbeidd etter heraldiske kriterium av lektor Einar H. Skjervold frå Trondheim. Det vart godkjend i kommunestyret i 1990, vidare i Kommunaldepartementet 17. september 1990, og endeleg bekrefta av Fylkesmannen i Sør-Trøndelag i skriv av 19. september 1990.
Kjende snillfjordingar
endre- Martin Stokken (1923–1984), skiløpar og friidrettsutøvar
- Bjørn Nilsen (f. 1934), forfattar og NRK-journalist
- Leidulf Hafsmo (f. 1934), diktar og musikar
- Oddmund Hagen (f. 1950), forfattar
- Terje Krokstad (f. 1956), skiskyttar
- Jon Reidar Øyan (f. 1981), politikar (Ap), forkjemper for homofile sine rettar
- Tore Bjørseth Berdal (f. 1988), langrennsløpar
Kjelder
endre- Denne artikkelen bygger på «Snillfjord» frå Wikipedia på bokmål, den 14. januar 2020.
