Wikipedia

Solveig Øye

Solveig Øye (6. mars 1912–7. mars 2006) var ein norsk lærar som hadde fleire verv innan Norges Bygdekvinnelag. Ho var europapresident for den internasjonale bondekvinneorganisasjonen Associated Country Women of the World (ACWW) frå 1974 til 1980.

Solveig Øye
Statsborgarskap Noreg
Fødd 6. mars 1912
Død

7. mars 2006 (94 år)

Yrke lærar

ACWW er den største organisasjonen for bondekvinner, og blei skipa i 1929. Noreg blei innmeldt i 1935. I 2023 har organisasjonen medlemmar i 82 land. Øye var formann i ACWW-nemnda i Norges Bondekvinnelag frå 1968 til 1974, og var dimed arrangør av ACWW sin verdskongress i Oslo i 1971. I 1982 mottok ho Norges Bondekvinnelag sitt gullmerke.

Bakgrunn, utdanning og yrkesliv endre

Solveig Øye var dotter av landbrukslæraren Hans Severin Britannius Kaldhol frå Hareid på Sunnmøre og Malene Samoline (Lina) f. Osnes frå Nordfjordeid. Ho vaks opp på Gjermundnes landbruksskule.

Øye gjekk på Fylkesskulen på Vestnes og tok middelskuleeksamen der. Deretter tok ho examen artium på engelsklinja ved Latinskulen i Ålesund i 1932. Så gjekk ho husmorskulen på Linge i 1933.[1]

Øye gifta seg med landbruksskulelæraren Asbjørn Øye på Stranda juni 1934.[2]

Etter at dei flytta til Stend jordbruksskule i 1950[3] tok ho ei førebuande prøve i filosofi ved Universitetet i Bergen. Ho tok toårig lærarskule i Bergen i 1965 og arbeidde deretter som lærar ved Kirkevoll skule.[4]

Bondekvinnelagsarbeid endre

Lokallag og fylkeslag endre

På slutten av 1930-talet var Solveig Øye ein aktiv medlem av det nystarta Vike bondekvinnelag i Romsdal, der ektemannen var landbruksskulelærar.[5]

Øye var formann i Søgne bondekvinnelag frå 1949 til 1950, då familien Øye flytta til Stend i Fana.[3] I ettertid blei tida hennar i Søgne lokallag skildra slik: «Fru Øye var ei dugande formann, og laget hadde ei rik vokster. (---) Men ho vart verande i bygda så altfor stutt ei tid.»[3] Etter flyttinga til Stend melde ho seg inn i Fana bondekvinnelag og fortsette engasjementet i organisasjonen der. I lokallaget i Fana var ho også leiar for ein brevring i over 20 år, og dei tok over 20 brevkurs. Ringen vann to landstevlingar.[6]

Øye blei etter kvart styremedlem, sekretær og nestformann i Hordaland Bondekvinnelag.[7]

Internasjonalt arbeid gjennom ACWW endre

Øye var formann i ACWW-nemnda i Norges Bondekvinnelag i ti år. Ho møtte på ACWW sine verdskonferansar i Edinburgh, i Michigan, Oslo og Perth i Australia. Ho var formann i hovudkomiteen som var vertskap då ACWW sin verdskongress blei arrangert i Oslo i 1971, med dåverande kronprinsesse Sonja som høg vaktar av kongressen.[8] Delegatar frå 65 land deltok. Kong Olav V var til stade, og statsminister Trygve Bratteli opna kongressen.[9][6]

På ACWW sin verdskonferanse i Australia i 1974 blei Øye vald som områdepresident (Area Vice-President) for Europa.[10] Ho blei attvald på verdskonferansen i Kenya i 1977,[11] og sat i vervet fram til 1980. I sin periode som områdepresident arrangerte ho blant anna det nordiske seminaret om «Kvinnen i Afrika, og hva kan vi gjøre for henne?» på Voksenåsen i Oslo hausten 1975,[10] som var SN sitt internasjonale kvinneår. På seminaret deltok representantar frå fem nordiske land.[10] Som leiar for ACWW i Europa var Øye aktiv for å spreie kunnskap om hjelpearbeidet til ACWW, der «Redd synet»-aksjonen var eit av dei mest omfattande tiltaka.[12]

ACWW har nær tilknyting til SN og har konsultativ status i ein del SN-organ.[13] Øye var observatør i SN i New York på vegne av Norges Bondekvinnelag hausten 1976, etter at Norske Kvinners Nasjonalråd (NKN) hadde tilbydd henne, som representant for norske bondekvinner, og Kathrine Johnsen, som representant for norske samekvinner, å overta på deling av plassen til NKN i delegasjonen.[14] Johnsen og Øye var til stade i New York i seks veker kvar.[14] Det var under haustsesjonen i 1976 at hovudforsamlinga til SN vedtok å erklære 1979 som SN sitt internasjonale barneår.[15][16] Etter dette blei Øye ein pådrivar for å rette merksemda mot Barneåret og kva dette året skulle brukast til.[15][17] Norges Bondekvinnelag arrangerte blant anna eit landsomfattande seminar saman med NORAD i 1978, der stillinga til barn i i-land og u-land blei diskutert. Øye var ein av hovudtalarane på dette seminaret.[12]

Utmerkingar endre

  • 1982: Tildelt Norges Bondekvinnelag sitt gullmerke[6]

Kjelder endre

  1. ↑ Juul Møller, Studentene fra 1932 : biografiske opplysninger, statistikk og artikler samlet til 25 års jubileet 1957
  2. ↑ «By og bygd». TidensKrav. 18. juni 1934. «Bryllaup vert haldt på Stranda torsdag den 21. juni av frøken Solveig Kaldhold og landbrukslærar Asbjørn Øye, Gjermundnes.» 
  3. ↑ 3,0 3,1 3,2 Lagssogefor bondekvinnelaga i Vest-Agder. [Vest-Agder bondekvinnelag]. 1957. s. 49–50. 
  4. ↑ Bergens Tidende, 6. mars 2002, "Jubilant".
  5. ↑ «Organisasjonsnytt». Nationen. 12. januar 1939. «Vikebondekvinnelag i Romsdal (etter opptak av landbr.l. A. Nordang) som vart stifta hausten 1938, tek opgåva si som det skal vera. Det har no 60 lagslemar, 5 januar held dei en gild fest i ungdomshuset i Vikebukt. (---) Leidar av festen var fru landbruksskolelærar Solveig Øye, og både ho og dei som hadde med festen å gjera, skilde seg godt ifrå opgåva si.» 
  6. ↑ 6,0 6,1 6,2 Kirsti Dragsund (1995). «Kvinnegivfor bygdeliv : 50 år med Norges bondekvinnelag». www.nb.no. Henta 22. november 2023. 
  7. ↑ «Vellukka årsmøte i Hordaland Bondekvinnelag». HaugesundsDagblad. 28. april 1958. 
  8. ↑ «ACWW-kongressen og norsk rettsvesen var hovedemner på gårsdagens bondekvinnemøte». Østlands-Posten. 18. september 1969. «Manhadde besøk av justisminister Elisabeth Schweigaard Selmer og Solveig Øye, som begge kåserte. Solveig Øye snakket om ACWW og kongressen i Norge 1971. Kronprinsesse Sonja har sagt seg villig til å stille som kongressens høye beskytter. Oslo komm. vil holde en mottagelse i Rådhuset, og det vil også bli en spesiell Norges dag. Til ACWW (Associated Country Women of the World) kongressen er ventet 1100 deltakere fra 100 land. Kongressens motto vil være: Veien til fremgang. | Solveig Øye fortalte også at ACWW har 500 prosjekter i 117 land, og at det i alt er 6,5 mill. som er tilknyttet organisasjonen.» 
  9. ↑ «ACWW-kongressen nærmer seg raskt». Nationen. 23. juli 1971. s. 6. «Somformann i hovedkomiteen har ikke minst Solveig Øye hatt mye å stå i.» 
  10. ↑ 10,0 10,1 10,2 «U-hjelpen må satse sterkere på "den usynlige kvinne" : Utbytterikt og givende nordisk ACWW-seminar om "Kvinnen i Afrika, og hva kan vi gjøre for henne?"». Nationen. 14. november 1975. «Seminaretvar arrangert og ble ledet av ACWWs område-president (Area Vice-President) Solveig Øye, som ble valgt til dette vervet på ACWWs verdenskongress i Australia i fjor høst. (---) Halvparten av ACWWs 8 millioner medlemmer bor i u-land, sa Solveig Øye i sin åpningstale fredag ettermiddag.» 
  11. ↑ «ACWW-tevlingene». Nationen. 7. januar 1977. «Area-visepresidentenfor Europa, vår egen Solveig Øye, ble valgt til sitt verv på kongressen i Australia i 1974, og vi går ut fra at hun vil bli gjenvalgt for en ny 3-årsperiode.» 
  12. ↑ 12,0 12,1 «Bondekvinnelaget og NORAD sammen om seminar i Gjøvik». OpplandArbeiderblad. 10. november 1978. «Alle fylker var representert med en eller to deltagere, og meningen er at de emner som ble tatt opp på seminaret nå skal føres ut blant lokallagene. (---) Deretter orienterte Solveig Øye om hva ACWW, bondekvinnenes verdensomfattende organisasjon med 74 medlemsland, har gjort og kan gjøre for barna. ACWW har over 500 prosjekter, og "redd synet"-aksjonen er en av de største og drives blant annet i India med ambulerende hjelp.» 
  13. ↑ «AssociatedCountry Women of the World» (på engelsk). Associated Country Women of the World. Henta 23. november 2023. 
  14. ↑ 14,0 14,1 «Bondekvinne og samekvinne til FN». HelgelandArbeiderblad. 8. september 1976. «Norske Kvinners Nasjonalråd har ønsket å gjøre FN's arbeid best mulig kjent blant kvinnene, og har derfor tilbudt sin observatørplass i den norske delegasjonen til Solveig Øye fra Stende ved Bergen, som Norges Bondekvinnelags representant og til programsekretær Kathrine Johnsen, ved NRK's distriktskontor i Tromsø, som samekvinnenes utsending. De to skal dekke seks uker hver av FN's høstsesjon som åpner 21. september.» 
  15. ↑ 15,0 15,1 Øye, Solveig (26. mai 1978). «1979 erklært som FNs internasjonale barneår : Barn må få lære om og av hverandre». Nationen. «(Faktaboks: Solveig Øye er Area Vise Vise President for ACWW i Europa. Hun har nylig deltatt i et europeisk møte i Irland. Emnet for møtet var: Våre barns framtid. En håper å få et liknende møte i Oslo i mai til neste år, skriver hun i Nationen.) Den 21. desember 1976 vedtok hovedforsamlingen i FN at året 1979 skulle erklæres som Det internasjonale barneåret. (---) Denne høstsesjonen i 1976 var jeg i New York som observatør ved den norske FN-delegasjonen og hadde derfor god anledning til å følge diskusjonene i komiteen.» 
  16. ↑ «Oljenasjonen ... forts. fra s. 1». NordiskTidende. 16. desember 1976. «(Bildetekst) Glimt fra Nordmanns-Forbundets møte mandag 6. desember. Øverst fra venstre observatør for norske kvinneorganisasjoner Solveig Øye, stortingsrepresentantene Hermod Eian og Thorstein Treholt (---). Bilde nr. 2 ovenfra, fra venstre Solveig Øye, og stortingsrepresentantene Finn Gustavsen, Hermod Eian og Thorstein Treholt. Bilde nr. 3 viser (---)» 
  17. ↑ «Vestlandske Bondestemna: 21.-25. mars 1977». Hardanger. 16. mars 1977. «(---)Der vil det verta omvisning og det vil verta foredrag med lysbilete av Solveig Øye som skal tala om inntrykk frå FN si hovudforsamling.» 
Henta frå «https://nn.wikipedia.org/w/index.php?title=Solveig_Øye&oldid=3538526»