Bo Diddley av Bo Diddley
| Bo Diddley Singel av Bo Diddley | ||
| B-side | ||
|---|---|---|
| Språk | engelsk | |
| Utgjeve | April 1955[1] | |
| Innspelt | 2. mars 1955 i Universal Recording Studios i Chicago i Illinois[2] | |
| Sjanger | Rhythm and blues, rock and roll | |
| Lengd | 2:27 | |
| Selskap | Checker 814 | |
| Komponist | Bo Diddley | |
| Tekstforfattar | Bo Diddley | |
| Låtskrivar(ar) | Ellas McDaniel (Bo Diddley) | |
| Produsent | Leonard Chess, Phil Chess, Bo Diddley[2] | |
| Bo Diddley-kronologi | ||
| Bo Diddley | «Diddley Daddy» (1955)
| |
«Bo Diddley» er ein rhythm and blues-song av Bo Diddley gjeve ut på Checker Records i 1955. Han vart ein stor hitsingel og låg på R&B-lista i USA i totalt 18 veker, sju veker lenger enn B-sida «I'm a Man». Han var den første plateinnspelinga som nytta afrikanske rytmar i rock and roll, og det var òg den første innspelinga og den første hitten til Bo Diddley.[3] Musikkmagasinet Rolling Stone hadde songen på 62. plass på liste over dei 500 største songane gjennom tidene.[4]
Songen er rytmisk liknande hambone, ein teknikk der ein dansar og klappar på forskjellige stader på kroppen for å danne rytme og song. Bo Diddley spelte songen med elektrisk gitar med musikarar på maracas og trommer. Denne kombinasjonen av rock and roll, afrikanske rytmar og og gitarteknikken var noko heilt nytt.[5]
Han kalla først songen «Uncle John», men før han spelte han inn endra han tittelen til sitt eige kallenamn, Bo Diddly, med ein ekstra «e».[3]
Andre versjonar
endreBuddy Holly-versjonen
endre| Bo Diddley Singel av Buddy Holly frå albumet Reminiscing | ||
| B-side |
«It's Not My Fault» | |
|---|---|---|
| Språk | engelsk | |
| Utgjeve | 1963 | |
| Innspelt | 1956 og 1962 (overdub) i Norman Petty Recording Studios i Clovis, New Mexico | |
| Sjanger | Rock and roll, rockabilly | |
| Lengd | 2:23 | |
| Selskap | Coral | |
| Komponist | Bo Diddley | |
| Tekstforfattar | Bo Diddley | |
| Låtskrivar(ar) | Ellas McDaniel a.k.a. Bo Diddley | |
| Produsent | Norman Petty | |
| Buddy Holly-kronologi | ||
| «Brown Eyed Handsome Man» (1963) |
Bo Diddley | «Wishing» (1963)
|
Buddy Holly spelte inn songen i 1956, men han kom ikkje ut før på albumet Reminiscing i 1963 og seinare på singel.
Buddy Holly song og spelte gitar på innspelinga, medan Jerry Allison spelte tromer. Dei spelte inn «Bo Diddley» på ein av dei første innspelingane med produsenten og lydteknikaren Norman Petty i studioet hans i Clovis i New Mexico, ein gong i 1956. I 1962 la Norman Petty på fleire instrumentspor på innspelinga med The Fireballs.[6]
Singelen vart ein av dei mest populære singlane til Holly på UK Singles Chart, og nådde fjerdeplassen 10. juli 1963, og låg i alt 12 veker på lista.[7] I USA nådde songen 116. plassen på Billboard si Bubbling Under Hot 100 Singles-lista.[8]
Andre versjonar
endre- The Shadows spelte inn ein versjon av songen på albumet Out of the Shadows (1962).
- Han vart òg spelt av The Animals i 1964 på det første britiske albumet deira, The Animals, som kom ut i 1964. Eit tidlegare konsertopptak av songen, frå 1963, har sidan blitt gjeven ut på fleire album til dømes In The Beginning (1965) og Live At Club A Go-Go (Hallmark, 2008).
- Bob Seger framførte songen i ein medley med «Who Do You Love?», ein annan Bo Diddley-song, under tittelen «Bo Diddley.» Den originale studioinnspelinga opnar albumet Smokin' O.P.'s frå 1972, medan eit konsertopptak med Silver Bullet Band finst på konsertalbumet Live Bullet frå 1976.
- Ein versjon av Janis Joplin finst i plateboksen Box of Pearls frå 1999.
- Steelgitaristen Robert Randolph har spelt songen på somme av konsertane sine.
- Songen vart framført av ei supergruppe som bestod av Diddley, Muddy Waters og Little Walter på Super Blues i 1967.
- The Grateful Dead akkompagnerte Diddley sjølv på songen ved Academy of Music i New York City, 25. mars 1972
- Songen er nytta i Fritz the Cat i ein scene frå Harlem.
Kjelder
endre- Denne artikkelen bygger på «Bo Diddley (song)» frå Wikipedia på engelsk, den 20. september 2008. Utvida 10. juli 2017
- Wikipedia på engelsk oppgav desse kjeldene:
- ↑ «Reviews of New R&B Records». Billboard: 46. 9. april 1955. Henta 10. juli 2017.
- ↑ 2,0 2,1 His Best (CD liner). Bo Diddley. USA: Chess Records/MCA Records. 1997. CHD-9373. Arkivert frå originalen 16. september 2011. Henta 10. juli 2017.
- ↑ 3,0 3,1 Dawson, Jim; Propes, Steve (1992). What Was the First Rock'n'Roll Record. Boston & London: Faber & Faber. s. 177-181. ISBN 0-571-12939-0.
- ↑ «The RS 500 Greatest Songs of All Time». RollingStone.com. Henta 20. september 2008.
- ↑ Erlewine; Bogdanov; Woodstra, red. (1995). All Music Guide to Rock. Miller Freeman Books. s. 244. ISBN 0-87930-376-X.
- ↑ «Album Reviews». Billboard: 25. February 16, 1963. Henta 10. juli 2017.
- ↑ «Buddy Holly - Bo Diddley». Chart Stats. 24. august 1963. Henta 10. juli 2017.
- ↑ «Bubbling Under the Hot 100». Billboard: 24. May 11, 1963. Henta 10. juli 2017.
Bakgrunnsstoff
endre| 63: «For What It's Worth» Buffalo Springfield |
Plassering på lista til Rolling Stone frå 2010 over dei 500 beste songane gjennom tidene 62 «Bo Diddley» Bo Diddley |
61: «Whole Lotta Shakin' Goin On» Jerry Lee Lewis |