Te Aroha
Te Aroha er ein landleg by i Thames Valley i regionen Waikato på New Zealand. Han ligg i distriktet Matamata-Piako. Innbyggjartalet var 3 768 ved folketeljinga i 2006. Byen ligg 53 km nordaust for Hamilton og 50 km sør for Thames. Namnet Te Aroha kjem av maorinamnet på fjellet Mount Te Aroha. I ei maoriforteljing klatra Rāhiri opp på fjellet og såg heimbygda si i det fjerne, og fekk ei kjensle av kjærleik (aroha) for henne. Namnet er ofte attgjeve på engelsk som place of love ('kjærleiksstaden').
| Te Aroha | |||
| by | |||
 | |||
| Land |  New Zealand
| ||
|---|---|---|---|
| Region | Waikato | ||
| Distrikt | Matamata-Piako | ||
| Folketal | 4 470 (30. juli 2018) | ||
 Te Aroha 37°32′20″S 175°42′33″E / 37.538796°S 175.709143°E | |||
| Wikimedia Commons: Te Aroha | |||
Næringsvegar
endreTe Aroha ligg midt i eit jordbruksområde med vekt på mjølkeproduksjon, og mykje av aktiviteten i byen dreier seg om tenesteyting til denne verksemda. Turisme er også veksande i byen.
Geografi
endreWaihouelva renn gjennom Te Aroha. I nærleiken, mot aust, ligg foten til fjellrekkja Kaimai Ranges, og byen ligg under det 952 meter høge fjellet Mount Te Aroha. Mot nord ligg det sumpaktige låglandet i Hauraki Plains. Sist på 1800-talet var Te Aroha ein kjend badeby dit folk drog for å «ta vatnet». Varme kjelder og mineralvasskjelder ligg i nærleiken av bysentrum, det same også verdas einaste naturlege varme sodavass-kjelde (Mokena).
Kjelder
endre- ↑ 1,0 1,1 1,2 http://nzdotstat.stats.govt.nz/wbos/Index.aspx?DataSetCode=TABLECODE8318.
- ↑ 2,0 2,1 2,2 http://nzdotstat.stats.govt.nz/wbos/Index.aspx?DataSetCode=TABLECODE7981.
- Denne artikkelen bygger på «Te Aroha» frå Wikipedia på engelsk, den 11. mai 2008.