Torbjørn Yggeseth
Torbjørn Yggeseth (18. juni 1934–10. januar 2010) [1]) var ein norsk skihoppar, flygar og idrettsleiar frå Heggedal i Asker. Han tevla for Heggedal Idrettslag i si tid som aktiv.
| Torbjørn Yggeseth | |
 | |
| Statsborgarskap | Noreg |
| Fødd | 18. juni 1934 Asker |
| Død |
10. januar 2010 (75 år) |
| Yrke | skihoppar, flygar |
| Torbjørn Yggeseth på Commons | |
Biografi endre
Yggeseth tok examen artium i 1953 før han gjekk inn i Forsvaret der han utdanna seg til jagarflygar på flyskule i Canada. Seinare var han pilot og testflygar i SAS, der han arbeidde til han gjekk av med pensjon i 1994.
Yggeseth vann skiflygingsrennet i Kulm i 1959, og vart same året tildelt 'Sportsjournalistenes statuett' som «Årets idrettsnamn». Han vart nummer fem i hopprennet under vinter-OL 1960 i Squaw Valley. I 1963 vann Yggeseth hopprennet i Holmenkollen. Han kom på andreplass samanlagt i den tysk-austerrikske hoppveka både i 1962/63 og 1963/64, der han vann to av renna; i Bischofshofen i 1963 og i Oberstdorf 1963/64. Hans einaste NM-medalje var eit sølv i 1963, bak Torgeir Brandtzæg. Under Vinter-OL 1964 kom han på høvesvis 14. og 28. plass.
I 1965 kommenterte Yggeseth og Per Jorsett frå NM i hopp i Skuibakken. Yggeseth uttalte då at «selv for Engan er det ikke moro å hoppe etter Wirkola». Dette skal vere fyrste gongen dette uttrykket vart brukt.[1][2][3]
Besteplasseringar i internasjonale meisterskap og renn endre
- 1956: Nr 13 i Holmenkollen
- 1958: Nr 8 i Holmenkollen
- 1959: Nr 6 i Holmenkollen
- 1960: Nr 5 i OL i Squaw Valley. Nr 4 i Holmenkollen
- 1963: Siger i Bischofshofen og i Holmenkollen, nr 3 i Oberstdorf. Nr 2 i den tysk-austerrikske hoppveka
- 1963/64: Siger i Oberstdorf, nr 3 i Bischofshofen. Nr 2 i den tysk-austerrikske hoppveka
Medaljar og besteplasseringar i noregsmeisterskap endre
- Ski-NM 1958: Nr 4 i Oslo
- Ski-NM 1963: Sølvmedalje i Rælingen
- Ski-NM 1966: Nr 6 i normalbakken på Rena
- Ski-NM 1967: Nr 5 i normalbakken i Mo i Rana
Idrettsleiar. Ymse endre
Yggeseth var leiar for hoppseksjonen til Det internasjonale skiforbundet (FIS) frå 1982 til 2004. Han fekk mykje motbør då han i 2004 nekta kvinnelege hopparar å delta i skiflygingsrenn.
Yggeseth vart tildelt Holmenkollmedaljen i 1963, saman med Alevtina Koltsjina, Pavel Koltsjin og Astrid Sandvik. Han var æresmedlem av Det internasjonale skiforbundet, samt av Norges Skiforbund.
Notar endre
Bakgrunnsstoff endre
- FIS-profil Arkivert 2007-09-29 ved Wayback Machine.
- Torbjørn Yggeseth Arkivert 2012-12-13 ved Wayback Machine. – Olympiske resultater fra sports-reference.com