West Side Story
West Side Story er ein amerikansk musikal frå 1957 med musikk av Leonard Bernstein, songtekstar av Stephen Sondheim, manuskript av Arthur Laurents og dramatisering og koreografi ved Jerome Robbins.[1] Han er særleg kjend for omfattande burk av dans som det forteljande elementet, musikken til Leonard Bernstein og den tragiske slutten, som skil musikalen frå dei fleste samtidige amerikanske teaterstykke og filmar. Handlinga er ei fri tolking av William Shakespeare sitt skodespel Romeo og Julie. Ho går føre seg i eit fiktivt gjengmiljø i New York på 1950-talet. Tittelen viser til west side av Manhattan.[1]
| West Side Story | |
|---|---|
| Originaltittel | West Side Story |
| Musikk | Leonard Bernstein |
| Premiere | 26. september 1957 |
| Koreograf | Jerome Robbins |
Musikalen krinsar om kjærleikshistoria mellom Tony og Maria. Tony er med i ungdomsgjengen Jets, og forelskar seg i Maria, som er syster av leiaren av den rivaliserande puertoricanske gjengen Sharks. Dei to unge prøver at stoppa hatet mellom gjengane. Det lykkast ikkje, og historia endar med fleire drepne i begge gjengane.[1]
Leonard Bernstein sin musikk til West Side Story er blitt særs populær. Blant dei meste kjente songane kan nemnast «Maria», «America», «Tonight», «Something's Coming» og «I Feel Pretty». West Side Story hadde premiere på Broadway den 26. september 1957, og blei oppført 732 gangar, før han drog på turné i heile USA. Etterpå blei han nyoppført i London i England, og i 1961 blei han spelt inn som film.[1] Sidan er han blitt oppført ei rekkje gonger verda over.
Fyrste gong han blei framført i Noreg var i 1962 på den Norske Opera (no Folketeateret) i ei utanlandsk turnéforestilling. Fyrste gong han blei framført på norsk var i 1965 på Det norske teatret. Leonard Bernstein kom sjølv for å vera til stades på den norske premieren. Musikalen blei spilt på Det norske teatret igjen i 1982. Førestillinga har også blitt framført på Chateau Neuf i 1990, Trøndelag Teater i 1997, Oslo Nye Teater i 2006[2] og i Kilden teater- og konserthus i 2012.[3]
Kjelder
endre- ↑ 1,0 1,1 1,2 1,3 Beskrivelse på Stephen Sondheim Guide
- ↑ Musikalens offisielle hjemmeside Arkivert 2006-04-18 ved Wayback Machine., utg. The Leonard Bernstein Office. 11. juni 2006
- ↑ NRK, teateranmeldelse
- Denne artikkelen bygger på «West Side Story» frå Wikipedia på dansk, og «West Side Story» frå Wikipedia på bokmål den 25. november 2022.
