Zarqa guvernement

Zarqa guvernement (arabisk محافظة الزرقاء‎, romanisert Muħāfazat az-Zarqāʾ, lokale dialektar ez-Zergā eller ez-Zer'a) er det tredje største guvernementet i Jordan etter folketal. Det administrative senteret og den største byen i Zarqa guvernement er byen Zarqa. Han ligg 25 km aust for den jordanske hovudstaen Amman. Den nest størte byen i guvernement er Russeifa.

Zarqa
الزرقاء
guvernement
Land	Jordan
Distrikt	4
Byar	Russeifa
Hovudstad	Zarqa
Retningsnummer	+(962)5
Urban	94.5%
Landsbygd	5.5%
Zarqa guvernement 31.8333°N 36.8333°E / 31.8333; 36.8333
Kart som viser Zarqa guvernement. Kart som viser Zarqa guvernement.
Wikimedia Commons: Az Zarqa

I Zarqa guvernement ligg dei største militær- og flybasane i Jordan.

Historie

Området som Zarqa guvernement dekkjer har vore busett sidan bronsealderen, mellom anna av ammonittane og nabatearane, som bygde fortet kalla Qasr al Hallabat, som òg vart nytta som fort av romarane, og så som ørkenpalass av omajadane. Dei viktigaste historiske stadane er ørkenpalassa til omajadane, som Qasr Amra på verdsarvlista, Qasr al Hallabat, Qasr Shabib i sentrum av Zarqa, i tillegg til Azraqborga.

Etter dei osmanske tyrkarane bygde Hedjaz-banen i byrjinga av 1900-åra, vart Zarqa eit strategisk trafikknutepunkt mellom Damaskus og Medina, og byane langs banen byrja å vekse. Den arabiske legionen frå Jordan, leia av Glubb Pasha, hadde hovudbasen sin i Zarqa.

Geografi

Zarqa guvernement grensar til Mafraq guvernement i nord og nordaust, Amman guvernement i sør og sørvest, Jerash og Balqa guvernement i vest. Det grensar òg til Saudi-Arabia heilt søraust. Det meste av guvernementet består av Den syriske ørkenen og er tett folkesett. Dei to byane Zarqa og Russeifa er høvesvis den nest og fjerde største i Jordan.

Demografi

Folketeljinga i 2004 syner at folketalet i Zarqa guvernement var 727 268. Jordansk statistikkdepartement estimerte at folketalet i 2010 var 910 800.

Administrativ inndeling

Zarqa guvernement er delt inn i tre departement:

Nahiyaer i Zarqa guvernement etter folketal (2004)

	Nahiya	Arabisk namn	Folketal (2004)	Adm. senter
1	Al-Qasaba nahiya	لواء قصبة الزرقاء	450 102	Zarqa
2	Russeifa nahiya	لواء الرصيفة	268 237	Russeifa
3	Hashemiyya nahiya	لواء الهاشمية	46 311	Hashemiyya

Galleri

• 
  Byen Russeifa.
• 
  Azraqborga.
• 
  Qasr Amra, ein verdsarvstad.
• 
  Zarqaelva.

Kjelder

• Denne artikkelen bygger på «Zarqa Governorate» frå Wikipedia på engelsk, den 4. oktober 2015.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Zarqa guvernement