Alexander Dale Oen

Alexander Dale Oen (21. mai 1985–30. april 2012) var ein norsk symjar. Han representerte klubben Vestkantsvømmerne, ein symjeklubb for Bergensområdet, og Bærumsvømmerne, ein symjeklubb i Bærum.

Alexander Dale Oen
Statsborgarskap	Noreg
Fødd	21. mai 1985 Øygarden kommune
Død	30. april 2012 (26 år) Flagstaff
Idrett	svømming
Tok del i	Sommar-OL 2004, Svømming under Sommer-OL 2008 – 100 meter brystsvømming herrer
Utmerkingar	Aftenpostens Gullmedalje, Sportsjournalistenes statuett

Karriere

Alexander fekk det internasjonale gjennombrotet sitt i 2005, med sjuandeplass på 100 meter bryst i langbane-VM.

Under kortbane-EM i desember 2005 sette Oen nordisk rekord på 100 meter bryst med tida 59,05. Dermed blei han første nordmannen som sumde distansen på under eitt minutt. Tida gav han fjerdeplass på distansen. Oen tok gull på 100 meter bryst i EM 2008. Det var den første gullmedaljen i EM for ein norsk herresymjar. 11. august 2008 tok Oen sølv på same distanse under OL i Beijing. I semifinalen sette Oen ny norsk og olympisk rekord med tida 59,16, då berre 3 hundredelar bak verdsrekorden. Under finalen sette derimot Kosuke Kitajima både ny verdsrekord og olympisk rekord med tida 58,91.

I 2011 vart Alexander Dale Oen tildelt Aftenpostens gullmedalje. 3. juni 2014 fekk ein ny symjehall på Nygårdstangen i Bergen namnet Alexander Dale Oen Arena, oppkalla etter Dale Oen.

Byrjinga

Oen sumde sine første tak i kulturhuset på øya Rong i Øygarden. Han trena i den lokale symjeklubben der til den blei lagt ned i 1995. Han begynte å symje for Øygarden Symjeklubb då han var fire år gammel. Frå 1995 representerte han Vestkantsvømmerne, med klubben sin grunnleggjar Tore Arne Hestholm som trenar. Det var lang reisetid til trening, og han flytta som 16-åring til Laksevåg for å kunne kombinere trening og vidaregåande skule. Han melde overgang til Bærumssvømmerne i 2011.

Merittar

Internasjonale merittar

PLASSERING	GREIN	MEISTARSKAP	BASSENG
2. plass	100 bryst	Sommar-OL 2008	Beijing, Kina
2. plass	50 bryst	EM langbane 2008	Eindhoven, Nederland
1. plass	100 bryst	EM langbane 2008	Eindhoven, Nederland
2. plass	200 bryst	EM langbane 2008	Eindhoven, Nederland
2. plass	100 bryst	EM langbane 2006	Budapest, Ungarn
3. plass	100 bryst	VM kortbane 2006	Shanghai, Kina
3. plass	100 bryst	EM kortbane 2006	Helsingfors, Finland
7. plass	100 bryst	VM langbane 2005	Montreal, Canada
4. plass	100 bryst	EM kortbane 2005	Trieste, Italia
6. plass	50 bryst	EM kortbane 2005	Trieste, Italia
2. plass	50 bryst	EMjr langbane 2003	Glasgow, Storbritannia
8. plass	100 bryst	VM langbane 2007	Melbourne, Australia

Rekordar

Kortbane

REKORD	GREIN	TID	DATO	BASSENG
Norsk rekord	100 bryst	59.05	09. desember 2005	Trieste, Italia
Nordisk rekord	100 bryst	58.14	10. april 2008	Manchester, Storbritannia
Norsk rekord	50 bryst	27.22	10. desember 2005	Trieste, Italia
Norsk rekord	200 bryst	2:08.28	16. desember 2007	Debrecen, Ungarn
Norsk juniorrekord	50 bryst	28.50	13. desember 2003	Dublin, Irland
Norsk juniorrekord	100 bryst	1:03.31	11. desember 2003	Dublin, Irland
Norsk juniorrekord	200 bryst	2:15.54	14. desember 2003	Dublin, Irland

Langbane

REKORD	GREIN	TID	DATO	BASSENG
Olympisk rekord	100 bryst	59.16	10. august 2008	Beijing i Kina
Nordisk rekord	50 bryst	27.53	23. mars 2008	Eindhoven i Nederland
Europeisk rekord	100 bryst	59.16	10. august 2008	Beijing i Kina
Nordisk rekord	200 bryst	2:09.74	21. mars 2008	Eindhoven i Nederland
Norsk juniorrekord	50 bryst	29.17	2. august 2003	Glasgow i Storbritannia
Norsk juniorrekord	100 bryst	1:02.53	1. august 2003	Glasgow i Storbritannia

Kjelder

• Denne artikkelen bygger på «Alexander Dale Oen» frå Wikipedia på bokmål, den 23. mars 2008.

Sjå òg

• Norske rekordar i symjing
• Nordiske rekordar i symjing
• Europeiske rekordar i symjing