Aswan
Aswan (tidlegare Assouan) er ein by som ligg sør i Egypt, på austbreidda av Nilen og like ved Aswandammen. Han er hovudbyen i Aswan guvernement.
| Aswan (ar. أسوان) | |
|---|---|
 Foto: Jordan Busson, 2008 Foto: Jordan Busson, 2008
| |
| Styresmakter | |
| Land | Egypt |
| Guvernør | Samir Youssef |
| Geografi | |
| Innbyggjarar - By (2008) |
275 000 |
| Koordinatar | 24°05′N 32°56′E / 24.083°N 32.933°E |
| Tidssone - Ved sommartid |
EET (UTC+2) EEST (UTC+3) |
Aswan ligg like nedanfor første katarakten i Nilen og ovanfor den historiske øya Elefantine (tidlegare Jabu, no Jazirat Aswan). Byen har eit varmt og tørt klima, og er rekna som den tørraste busette staden på jorda. Gjennomsnittleg årleg nedbør er 1 mm, men det kan gå år mellom kvar regnbyge.[1]
Historie endre
| ||||
| swn.t med hieroglyfar |
I det gamle Egypt hadde var staden kalla Souan, Swen eller Swenet og var ein sørleg grenseby. Seinare blei han kjend under namna Sunt og gresk Syene. Namnet tyder 'marknadsplass' på koptisk.[2] Bygudinna var Satis, den personleggjorde nilfløminga, og mor til personleggjeringa av Nilen Anuket, som også blei dyrka i området. I åsane sør for byen tok ein ut granitt til fleire store egyptiske monument. Steinsøyler, tempeldelar og ein uferdig obelisk på 42 meter er minne om faraotida, men også i våre dagar blir det henta ut granitt i steinbrota.[3]
Under ulike seinare styre i Egypt var Aswan ein garnisonsby for romarar, tyrkarar og britar. Ptolemearane brukte han som utgangspunkt for å gå inn i Nubia. Britane bygde den eldste Aswandemninga, som stod ferdig i 1902, 5 km sør for byen. Den andre demninga 11 km sør for Aswan, bygd i frie Egypt under Nasser, var ferdig i 1970.
Nyare tid endre
I dag er Aswan eit lokalt senter for administrasjon, handel og industri. Han tek imot handel frå Sudan og produserer granitt, marmor, kopar, stål, sukker og gjødsel. Mange av industriane bruker elektrisiteten laga av vasskraft frå Aswandemningane. Aswan har fleire fakultet frå South Valley University (Universitetet i Sørdalen) med mellom anna eit institutt for energi.
Aswan er endestasjonen på jernbanelinja frå Kairo. Han har ferjesamband med Wadi Halfa i Sudan, og båtsamband til andre byar langs Nilen, som Luxor, Hurghada, Alexandria og Kairo. Aswan lufthamn har flyavgangar til andre delar av Egypt og Europa.
Byen er også ein vinterferiestad, og har mange hotell. Turistar og andre kan vitja det nubiske museet og Aswan-museet og det gamle nilometeret på Elefantine. Ein finn også mausoleet til den religiøse og politiske leiaren Aga Khan her.
Bilete endre
-
Den koptiske domkyrkja i Aswan.Foto: Michel Benoist, 2003 -
Den store el-Tabia-moskeen.Foto: Ian and Wendy Sewell -
Gate i AswanFoto: Przemyslaw Idzkiewicz, 2004 -
Nattmarknad i Aswan.Foto: Ian and Wendy Sewell
Kjelder endre
- «Aswan» i Encyclopædia Britannica. Encyclopædia Britannica Online, vitja 17. mai 2009.
- Geographical Locations: Ancient Aswan City Arkivert 2011-07-07 ved Wayback Machine. ved aldokan.com
- ↑ «So Why Does It Rain?» ved infoplease
- Aswan Weather Arkivert 2010-01-30 ved Wayback Machine. ved asiarooms.com
- Cherine Badawi, Anne McLachlan. «Climate» i Footprint Egypt, s. 523.
- Average Conditions - Aswan, Egypt ved BBC
- ↑ «Aswan», Concise Dictionary of World Place-Names. John Everett-Heath. Oxford University Press 2005. Oxford Reference Online.
- ↑ Swenet[daud lenkje] i The Free dictionary.