Blokkvevar
Blokkvevar (Philetairus socius) er ein fugl i vevarfamilien. Han er monotypisk i slekta Philetairus. Blokkvevar er endemisk for det sørlege Afrika, habitatet ligg i og ved Kalahari i Namibia, i nordlege Sør-Afrika, og dessutan i sørvestlege Botswana. Fuglen har brun overside, med lysbrune fjørkantar, unntatt hovudet, svart på hake og strupe, og bleikbrun underside. Venger og hale er mørkebrune, med lysbrune fjørkantar. Lengda er 13 cm.
| Blokkvevar | |
 Blokkvevarar, Philetairus socius Foto: Thomas Schoch
| |
| Utbreiing og status | |
Status i verda:  Livskraftig Utbreiinga av Blokkvevar | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Vevarar Ploceidae |
| Slekt: | Philetairus |
| Art: | Blokkvevar P. socius |
| Vitskapleg namn | |
| Philetairus socius | |
Blokkvevaren er insektetar. Som ein tilpassing til å leve i den tørre Kalahariørkenen, kor det er få vasskjelder, er blokkvevaren i stand til å tilfredsstille all trong til vatn frå dietten av insekt.
Blokkvevaren konstruerer permanente reir i tre og andre høge gjenstandar. Reira er store nok til å huse mange familiar av fleire generasjonar samstundes. Bygningane er særs strukturerte, og gjev fuglane betra temperaturtilhøve i forhold til utsida. Dei sentrale romma held på varmen og nyttast for nattekvilen. Dei ytre romma blir brukt som skyggeplass på dagtid. Fleire andre fuglearter, vanlegvis afrikapygméfalk, kan nytte byggverket kommensialt med blokkvevarar.
I det sørlege området av habitatet til blokkvevaren, blir hekkesesongen utløyst av nedbørsperiode. Under vanlege omstende kan arten oppnå opptil fire kull per hekkesyklus. Blokkvevaren er kjent for å ta del i omsorg for yngre søsken og ungar utanfor slekta. Det har vore observert at eit par produserer ni kull i ein sesong som eit svar på gjentatte tap av ungar.
Kjelder
endre- Denne artikkelen bygger på «Philetairus socius» frå Wikipedia på svensk, og «Sociable Weaver» frå Wikipedia på engelsk den 2. juli 2009.
- Wikipedia på svensk oppgav desse kjeldene:
Bakgrunnsstoff
endre- (no) Blokkvevar hos Artsdatabanken
- (en) Blokkvevar i Global Biodiversity Information Facility
- (en) Blokkvevar hos ITIS
- (en) Blokkvevar hos NCBI
- (en) Kategori:Philetairus socius – bilete, video eller lyd på Wikimedia Commons
- (en) Philetairus socius – galleri av bilete, video eller lyd på Wikimedia Commons
- Philetairus socius – detaljert informasjon på Wikispecies
