Crazy Little Thing Called Love

Crazy Little Thing Called Love Singel av Queen frå albumet The Game
B-side	We Will Rock You (Fast Version - Live) Spread Your Wings (Live) (USA, Japan, Canada, Australia og New Zealand)
Språk	engelsk
Utgjeve	5. oktober 1979
Innspelt	Juni-juli 1979
Sjanger	Rockabilly
Lengd	2:42
Selskap	EMI, Elektra (US)
Komponist	Freddie Mercury
Tekstforfattar	Freddie Mercury
Låtskrivar(ar)	Freddie Mercury
Produsent	Queen og Reinhold Mack
Queen-kronologi
«Love of My Life» (Live at Festhalle Frankfurt) (1979)	Crazy Little Thing Called Love	«Save Me» (1980)

«Crazy Little Thing Called Love» er ein song av rockebandet Queen. Han vart skriven av Freddie Mercury i 1979 og kom ut i 1980 på albumet The Game, og sidan på samlealbumet Greatest Hits. Singelen nådde andreplassen på UK Singles Chart i 1979 og gjekk heilt til topps på Billboard Hot 100 i USA i 1980, der han låg i fire veker. Han toppa singellista i Australia i sju veker.

Mercury skreiv «Crazy Little Thing Called Love» på gitar, og spelte rytmegitar då songen vart spelt på konsertane. Dette var første gongen Mercury spelte gitar på scenen med Queen. Queen spelte songen på konsertar mellom 1979 og 1986, og konsertopptak av songen finst på albuma Queen Rock Montreal og Queen at Wembley. Songen har sidan blitt spelt inn av mange andre artistar. Songen vart framført live 20. april 1992 under The Freddie Mercury Tribute Concert, av Robert Plant med Queen. Musikkstilen i songen vart av Karl Coryat skildra som rockabilly i boka The Bass Player Book.

Komposisjon

Freddie Mercury fortalte i Melody Maker, 2. mai 1981, at han skreiv «Crazy Little Thing Called Love» på gitar i løpet av fem til ti minutt.

Songen vart skriven av Mercury som ei hyllest til Elvis Presley. Mercury tok med seg songen til studio kort tid etter og presenterte han for Taylor og John Deacon. Dei tre og den nye produsenten deira Reinhold Mack, spelte inn songen i Musicland Studios i München. Heile songen vart visstnok spelt inn på mindre enn ein halvtime (sjølv om Mack seier det var seks timar).

Musikkvideo

Musikkvideoen for songen vart filma i Trillion Studios i september 1979 og var regissert av Dennis De Vallance med fire dansarar og eit golv av hender. Ein alternativ versjon med klipp frå andre vinklar vart gjeven ut på DVDen Days Of Our Lives.

Medverkande

• Freddie Mercury – solo- og korvokal, akustisk rytmegitar, handklapp
• Brian May – electric lead gitar, korvokal, handklapp
• Roger Taylor – trommer, korvokal, handklapp
• John Deacon – bassgitar, handklapp

Singelversjon

«Crazy Little Thing Called Love» nådde andreplassen på UK Singles Chart i 1979, og vart den første singelen deira som nådde toppen av lista i USA. Han vart slått ned frå førsteplassen av Pink Floyd-songen «Another Brick in the Wall, Part II.

Lister Land Plassering Australia 1 Canada 1 Mexico 1 Nederland 1 New Zealand 2 USA 1 Irland 2 Storbritannia 2 Sveits 5 Noreg 8 Austerrike 9 Tyskland 13

Årslister Liste (1980) Plassering US Billboard Hot 100 6 Salstrofé Region Salstrofé Salstal Australia (ARIA) Platina 70 000^ Storbritannia (BPI) Gull 500 000^ USA (RIAA) Gull 1 000 000^ *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Dwight Yoakam-versjonen

Crazy Little Thing Called Love Singel av Dwight Yoakam frå albumet Last Chance for a Thousand Years: Dwight Yoakam's Greatest Hits from the 90's
B-side	«Let's Work Tegether»/«Doin' What I Did»
Språk	engelsk
Utgjeve	19. mai 1999
Sjanger	Country
Lengd	2:22
Selskap	Reprise
Komponist	Freddie Mercury
Tekstforfattar	Freddie Mercury
Låtskrivar(ar)	Freddie Mercury
Produsent	Pete Anderson
Dwight Yoakam-kronologi
«These Arms" (1998)	Crazy Little Thing Called Love	«Thinking About Leaving" (1999)

Countryartisten Dwight Yoakam spelte inn ein versjon av songen i 1999 for albumet Last Chance for a Thousand Years: Dwight Yoakam's Greatest Hits from the 90's. Versjonen vart gjeven ut på singel og nådde 12. plassen på countrylista i USA i 1999. Han vart òg nytta i ein reklamefilm for klesmerket Gap. Musikkvideoen vart regissert av Yoakam. Versjonen hans finst i filmen The Break-Up (2006), med Vince Vaughn og Jennifer Aniston.

Lister

Liste (1999)	Plassering
Canada Adult Contemporary Tracks (RPM)	19
Canada Country Tracks (RPM)	1
UK Singles Chart	43
US Billboard Hot 100	64
US Country Songs (Billboard)	12

Årslister

Liste (1999)	Position
Canada Country Tracks (RPM)	22
US Country Songs (Billboard)	64

Andre versjonar

• I 1980 av The Chipmunks på albumet Chipmunk Punk.
• I 1980 av songaren Jimmy «Orion» Ellis i ein Elvis Presley-aktig versjon på albumet Rockabilly.
• Ein spansk versjon kalla «Casi Loco Por Tu Amor», av den venezuelanske songaren Pablo Dagnino på albumet Tributo a Queen: Los Grandes del Rock en Español (1997).
• I oktober 1999 av den amerikanske countryrocksongaren Juice Newton på albumet American Girl.
• Michael Bublé på debutalbumet frå 2003.
• The Brian Setzer Orchestra spelte inn ein kjapp, neo-swing-versjon av songen i 2003 på albumet Jump, Jive an' Wail.
• McFly spelte songen for singelen «Room on the 3rd Floor». (2004)
• Josh Kelley spelte inn songen i 2005 på albumet Killer Queen: A Tribute to Queen.
• Diana Ross spelte inn songen i 2007 på albumet I Love You. Brian May spelar gitar på denne versjonen.
• Maroon 5 spelte songen og gav han ut som bonusspor på somme versjonar av albumet Hands All Over i 2010.
• Drake Bell spelte inn songen i 2014 på albumet Ready, Steady, Go!.

Kjelder

• Denne artikkelen bygger på «Crazy Little Thing Called Love» frå Wikipedia på engelsk, den 5. juli 2016.
  • Wikipedia på engelsk oppgav desse kjeldene:

Bakgrunnsstoff

• Offisielle YouTube-videoar: landal musikkvideo (VEVO) på YouTube, Live at the Bowl, Queen + Paul Rodgers, at Freddie Mercury Tribute Concert (with Robert Plant)
• Tekst på den offisielle nettsida til Queen
• Song analysis (www.queensongs.info)
• Heile songteksten på MetroLyrics