Graham Nash David Crosby

Graham Nash David Crosby Studioalbum av Crosby & Nash
Utgjeve	5. april 1972
Innspelt	1972
Studio	Wally Heider Studio III, Los Angeles, CA
Sjanger	Rock
Lengd	35:26
Selskap	Atlantic
Produsent	David Crosby, Graham Nash, Bill Halverson
Crosby & Nash-kronologi
	Graham Nash David Crosby	«Wind on the Water» (1975)

Graham Nash David Crosby er det første albumet til duoen David Crosby og Graham Nash, gjeve ut på Atlantic Records i 1972. Albumet nådde 44. plassen på Billboard Top Pop Albums-lista og ein singel frå albumet, «Immigration Man», nådde 36. plassen på Billboard Hot 100 den 17. og 24. juni 1972. Det selde til gullplate i USA og var dedisert til Joni Mitchell, som «to Miss Mitchell.»

Meldingar
Karakter
Kjelde	Karakter
Allmusic

Historie

Etter Crosby, Stills, Nash & Young var oppløyst sommaren 1970, gav alle dei fire medlemmane kvar sine soloalbum det neste året. Neil Young og Stephen Stills fokuserte begge på sine eigne prosjekt dei neste åra, Young med Crazy Horse og Stray Gators, medan Stills skipa Manassas. Både If I Could Only Remember My Name av Crosby og Songs for Beginners av Nash selde godt, og hausten 1971 heldt dei to ei rekkje konsertar i lag. Under turneen skreiv Crosby og Nash nye songar som dei så tok med seg til studio.

Innhald

Fleire kjende musikarar var med på innspelinga av albumet, som Dave Mason og medlemmar av The Grateful Dead — Jerry Garcia, Phil Lesh og Bill Kreutzmann. Nash og Crosby vart hovudsakleg akkompagnert av The Section, ein kvartett av etterspurte studiomusikarar på den amerikanske Vestkysten i 1970-åra. Bandet bestod av Craig Doerge, Danny Kortchmar, Leland Sklar og Russell Kunkel, og dei spelte på dusinvis av album, mellom andre av James Taylor, Carole King og Jackson Browne. Dei fortsette òg å spele med Crosby & Nash resten av tiåret, både i studio og på turné.

Songane fortsette i same stil som duoen hadde spelt med CSNY, der Nash skreiv stramme popsongar, inkludert tittelsporet, og Crosby utforska stemningar og sjølvgransking innimellom dei vanlege vokalharmoniane til duoen. Albumet selde minst like godt som dei to soloalbuma dei hadde gjeve ut året før. Etter dette albumet turnerte duoen i 1973 med eit band som mellom anna bestod av David Lindley og den framtidige Eagles-gitaristen Don Felder.

Innhald

Side ein

Nr.	Tittel	Låtskrivar(ar)	Lengd
1.	«Southbound Train»	Graham Nash	3:54
2.	«Whole Cloth»	David Crosby	4:35
3.	«Blacknotes»	Graham Nash	0:58
4.	«Stranger's Room»	Graham Nash	2:28
5.	«Where Will I Be?»	David Crosby	3:23
6.	«Page 43»	David Crosby	2:56

Side to

Nr.	Tittel	Låtskrivar(ar)	Lengd
1.	«Frozen Smiles»	Graham Nash	2:17
2.	«Games»	David Crosby	4:02
3.	«Girl to Be on My Mind»	Graham Nash	3:27
4.	«The Wall Song»	David Crosby	4:37
5.	«Immigration Man»	Graham Nash	3:02

Medverkande

• David Crosby – vokal alle spor utanom «Blacknotes»; elektrisk gitar på «Whole Cloth», «Page 43», «Frozen Smiles», «Girl to Be on My Mind», «The Wall Song» og «Immigration Man»; gitar på «Southbound Train», «Where Will I Be?» og «Games»
• Graham Nash – vokal; piano på «Whole Cloth», «Blacknotes», «Stranger's Room», «Frozen Smiles», «The Wall Song» og «Immigration Man»; orgel på «Girl to Be on My Mind» og «The Wall Song»; munnspel på «Southbound Train», «Stranger's Room» og «Frozen Smiles»; gitar på «Southbound Train»

Andre medverkande

• Danny Kortchmar – elektrisk gitar på «Whole Cloth», «Stranger's Room», «Page 43», «Frozen Smiles», «Games» og «Girl to Be on My Mind»
• Jerry Garcia – pedalsteelgitar på «Southbound Train»; elektrisk gitar på «The Wall Song»
• Dave Mason – elektrisk gitar på «Immigration Man»
• Craig Doerge – elektrisk piano på «Whole Cloth», «Where Will I Be?» og «Frozen Smiles»; piano på «Page 43», «Games» og «Girl to Be on My Mind»; orgel på «Stranger's Room»
• Leland Sklar – bass på «Whole Cloth», «Stranger's Room», «Where Will I Be?», «Page 43», «Frozen Smiles», «Games» og «Girl to Be on My Mind»
• Chris Ethridge – bass på «Southbound Train»
• Phil Lesh – bass på «The Wall Song»
• Greg Reeves – bass på «Immigration Man»
• Russ Kunkel – trommer på «Whole Cloth», «Stranger's Room», «Page 43», «Frozen Smiles», «Games» og «Girl to Be on My Mind»
• Johnny Barbata – trommer på «Southbound Train» og «Immigration Man»
• Bill Kreutzmann – trommer på «The Wall Song»
• David Duke, Arthur Maebe, George Price – blåsarar på «Stranger's Room»
• Dana Africa – fløyte på «Where Will I Be?»

Produksjon

• Crosby & Nash, Bill Halverson – produsentar
• Bill Halverson, Doc Storch – lydteknikarar
• Jean Ristori – digital mastering
• Robert Hammer – fotografi
• David Geffen, Elliot Roberts – leiing

Kjelder

• Denne artikkelen bygger på «Graham Nash David Crosby» frå Wikipedia på engelsk, den 16. januar 2019.
  • Wikipedia på engelsk oppgav desse kjeldene:

Bakgrunnsstoff

• Crosby & Nash Arkivert 2015-04-19 ved Wayback Machine.