Kroken kyrkje i Troms
Kroken kyrkje er ei arbeidskyrkje med kyrkjesal i vifteplan. Kyrkja er frå 2006 og ligg i Tromsø. Ho er oppført i mur og har 480 sitjeplassar. Tor Lindrupsen har laga den kunstneriske utsmykkinga. Kroken kyrkje deler bygg med Tromsø døvekyrkje. Døvekyrkja held til i underetasjen i bygget. Kyrkja vart innvigd av to biskopar, Per Oskar Kjølaas, biskop i Nord-Hålogaland bispedømme, og Ole Christian Kvarme, biskop i Oslo bispedømme. Dette skjedde fordi døvekyrkja ligg under biskopen i Oslo.
| Kroken kyrkje | |||
| kyrkje | |||
.jpg) | |||
| Land |  Noreg
| ||
|---|---|---|---|
| Fylke | Troms | ||
| Kommune | Tromsø | ||
| Kyrkjesamfunn | Den norske kyrkja | ||
| Bispedøme | Nord-Hålogaland / Oslo | ||
| Prosti | Tromsø domprosti / Døveprostiet | ||
| Sokn | Kroken / Døves kyrkjelyd | ||
| Fellesråd | Tromsø / Døvekyrkja sitt fellesråd | ||
| Arkitekt | Lille Frøen arkitekter v/Nikolai Alfsen[1] | ||
| Teknikk | Mur | ||
| Innvigd | 2006 | ||
| Kyrkjegard | Nei | ||
| Altartavle | Tor Lindrupsen | ||
| Sitjeplassar | 480/90[2] | ||
| Diverse | Kroken kyrkje og Tromsø døvekyrkje ligg i same bygg | ||
 Kroken kyrkje 69°41′02″N 19°04′11″E / 69.6839°N 19.0696°E | |||
| Wikimedia Commons: Kroken kirke (Tromsø) | |||
Kroken vart skilt ut som eige prestegjeld i 1979, men det vart ikkje bestemt at kyrkja skulle byggjast, før i 2003. Då hadde ein hatt teikningar liggjande frå 1997, og ein fekk bygd eit bygg på 1650 kvadratmeter for 30 millionar kroner.
Kyrkjesalen er eit lyst rom med teglsteinsveggar. Salen er prega av den store altartavla, laga av Tor Lindrupsen. Altartavla dekkjer heile veggen bak altaret, og består av relieff med motiv frå bibelhistoria. Orgelet er bygd av Ryde & Berg Orgelbyggeri og har 20 register.[3] Døypefonten er teikna av Nikolai Alfsen, som var arkitekt for heile kyrkja.[2]
Tromsø døvekyrkje
endreTromsø døvekyrkje har eigne lokale i underetasjen i kyrkjebygget. Kyrkjesalen er eit amfi, noko som saman med lyssettinga skal gjere det lettare for døve å lese teiknspråket som blir brukt. Som for resten av bygget er det Nikolai Alfsen som har vore arkitekt og Tor Lindrupsen som har stått for den kunsteneriske utforminga.
Bilete
endre-
Kyrkjesalen i Kroken kyrkje -
Altarparti og altartavle i Kroken kyrkje -
Døypefonten i Kroken kyrkje -
Eit sidealtar i Kroken kyrkje -
Tromsø døvekyrkje -
Altaret i Tromsø døvekyrkje -
Døypefonten i Tromsø døvekyrkje -
Kunst i døvekyrkja -
Kunst i døvekyrkja
.jpg)
Kjelder
endre- ↑ Biežavákki girku. Kroken kirke, hefte utgitt i samband med oppføringa av kyrkja
- ↑ 2,0 2,1 Ronny Trælvik og Arne Ivar Hansen, Kirkene i Troms, bind III, Finnsnes, 2017. s. 260–265
- ↑ Ryde & Berg om orgelet i Kroken kyrkje.
- Denne artikkelen bygger på «Kroken kirke» frå Wikipedia på bokmål, den 15. juli 2020.
Bakgrunnsstoff
endre- «Kroken kyrkje i Troms». Kirkesøk. Den norske kyrkja.
- Kroken kyrkjelyd Arkivert 2017-09-05 ved Wayback Machine.