Lyttelton Harbour
43°37′S 172°44′E / 43.617°S 172.733°E
| Lyttelton Harbour | |||
| hamn | |||
 Utsikt mot innløpet til Lyttelton Harbour.
| |||
| Land |  New Zealand
| ||
|---|---|---|---|
 Lyttelton Harbour 43°36′54″S 172°43′48″E / 43.615°S 172.73°E | |||
| Wikimedia Commons: Lyttelton Harbour / Whakaraupō | |||
Lyttelton Harbour (maori Te Whaka-raupo) er ei naturleg hamn og eit av ei to store innløpa på Bankshalvøya, på kysten av regionen Canterbury på New Zealand. Det andre er Akaroa-hamna.
Hamna er om lag 15 km lang frå munningen til Teddington, og vart danna ved ein serie av tidlege vulkanutbrot som danna ein kaldera, der dei bratte sidene har forma Port Hills på den nordlege breidda i hamna.[1]
Den største busetnaden ved hamna er Lyttelton, som tener som hamneby for Christchurch, og som har samband med Christchurch gjennom den enkeltspora jarnvegstunellen Lyttelton rail tunnel (opna i 1867), ein tofelts vegtunnel (opna i 1964) og to vegar over Port Hills. Diamond Harbour ligg på sørsida av hamna, og maorilandsbyen Rāpaki i vest. Inst i hamna ligg busetnaden Governors Bay. Reservatet Quail Island ligg nær botnen av hamna, og Ripapa (Ripa)-øya ligg like utanfor sørbreidda ved innløpet til Purau Bay.
Lyttelton Harbour er innløpet til ei travel kommersiell hamn i Lyttelton. I 1877 tok Lyttelton Harbour Board (no Lyttelton Port Company) initiativ til å byggja ei indre hamn som i dag også omfattar oljetankar og ei moderne containerhamn.[2]
Øya Ripapa har utbreiddde festningsverk og vart under den første verdskrigen brukt til internering av tyske borgarar, den mest kjende av desse var grev Felix von Luckner. Quail Island vart brukt til leprakoloni av dei tidlege europeiske innvandrarane, og har seinare vorte eit naturreservat.
Hektordelfinar, ei stadeigen (endemisk) art på New Zealand finst her saman med newzealandsk pelssel (Arctocephalus forsteri).
Referansar
endre- ↑ «Geology of the Provinces of Canterbury and Westland, New Zealand». New Zealand Electronic Texts Collection. NZETC. 1879. Henta 7. februar 2012.
- ↑ Canterbury Places, Te Ara Encyclopedia of New Zealand]
- Denne artikkelen bygger på «Lyttelton Harbour» frå Wikipedia på engelsk, den 7. februar 2012.
