Marius Eriksen

Marius Eriksen
	Marius Eriksen
	;
Fødd	8. desember 1922
Fødestad	Christiania
Død	6. juli 2009
Dødsstad	Oslo
Eining	Luftforsvaret, Flyvåpnenes Felleskommando

Marius Eriksen (fødd 8. desember 1922 i Kristiania, daud 6. juli 2009 i Oslo) var ein norsk alpinist og jagarflygar.

Andre verdskrigen

Spitfire Mk.IX, same type fly som Marius Eriksen flaug under andre verdskrig. Foto frå 1943.

Foto: Official U.S. Air Force photo no. 080306-f-3927A-060

Løytnant Eriksen var jagarflygar i 332 (N) Squadron under andre verdskrigen. Han fekk flygarutdanning ved Little Norway i Canada, etter å ha flykta frå Noreg til Skottland, via Ålesund 5. november 1940 som syttenåring. Han klarte dette ved å lyga om at han var 18 år gammal.^[1] Han skaut ned ni fiendtlege fly og skadde tre. Med meir enn fem nedskotne fly kvalifiserte han seg til nemninga flygaress.

Han vart sjølv skoten ned i sitt Spitfire-fly den 2. mai 1943 av Hauptmann Dietrich Wickop frå Jagdgeschwader 1, Woensdrecht utanfor kysten av Nederland, og sat som krigsfange ved Stalag Luft III nær byen Żagań i Polen til frigjeringa i 1945. Wickop måtte sjølv nødlanda med sin Focke-Wulf Fw 190 etter duellen med Eriksen.

Idrett og film

Henki Kolstad, Jytte Ibsen og Marius Eriksen frå innspelinga av lystspelet Troll i ord på Skeikampen i Gausdal 1954. I filmen vert den populære mariusgenseren lansert.

Foto: Billedbladet NÅ/Riksarkivet

Eriksen vart noregsmeister i slalåm i 1947 og 1948. Han deltok under vinter-OL for Noreg i 1948 i St. Moritz med 20.-plass i utfor og 20.-plass i alpin kombinasjon.

I 1954 debuterte Eriksen som filmskodespelar og hadde rolla som skiinstruktør i komedien Troll i ord av Jon Lennart Mjøen og same år som journalist i Kasserer Jensen av Nils R. Müller. I filmen Slalåm under himmelen (regi Edith Carlmar, 1957) spelar han flygaren på F-84 Thunderjet.

Familie

Etter krigen dreiv Eriksen eigen sportsbutikk og opna klesbutikken «Bentestova» i Oslo.

Han var son av turnaren Marius Eriksen sr., bror av alpinisten Stein Eriksen, svigerson av Bjarte Ording og far til Beate Eriksen. Den såkalla mariusgenseren er kalla opp etter han.

Prisar og utmerkingar

Eriksen vart høgt dekorert for krigsinnsatsen. Han mottok den høgaste utmerkinga i Noreg,, Krigskrossen med sverd.^[2] Han vart òg tildelt St. Olavsmedaljen med eikegrein,^[2] Krigsmedaljen, Deltakermedaljen og Haakon VIIs 70 års medalje. Han fekk i tillegg den britiske utmerkinga Distinguished Flying Medal, og den amerikanske Silver Star.

Bibliografi

Cato Guhnfeldt. Marius: skiløper, jageress, krigsfange. Wings forlag, 2002. ISBN 82-992194-7-7

Kjelder

↑ Forsvarets forum (1. september 2009). Stordahl, Tor Eigil, red. «Forsvarets forum» (PDF). Forsvarets forum september 2009 (Forsvarets forum). Arkivert frå originalen (PDF) 24. september 2015. Henta 3. oktober 2018.
↑ ^2,0 ^2,1 Krigskorset og St. Olavsmedaljen med ekegren. Grøndahl Dreyer. 1995. ISBN 8250421906.

Denne artikkelen bygger på «Marius Eriksen» frå Wikipedia på bokmål, den 3. oktober 2018.

[1] Forsvarets forum (1. september 2009). Stordahl, Tor Eigil, red. «Forsvarets forum» (PDF). Forsvarets forum september 2009 (Forsvarets forum). Arkivert frå originalen (PDF) 24. september 2015. Henta 3. oktober 2018.

[gjems-2] 2,0 ^2,1 Krigskorset og St. Olavsmedaljen med ekegren. Grøndahl Dreyer. 1995. ISBN 8250421906.

[1]

[2]