Mawson-stasjonen

	Mawson-stasjonen
	stasjon
	Mawson-stasjonen mot David Range.
Land	Antarktis
Stad	Mac. Robertson Land
- koordinatar	67°36′S 62°52′E / 67.600°S 62.867°E
Administrert under	Antarktistraktaten
	; Mawson-stasjonen; 67°36′09″S 62°52′25″E / 67.60258°S 62.8736°E
	Mawson-stasjonen (Antarktis)
	Wikimedia Commons: Mawson Station

Mawson-stasjonen er ein av tre permanente australske basar i Australsk Antarktis i Aust-Antarktis. Han er kalla opp etter polfarararen sir Douglas Mawson og vert driven av Australian Antarctic Division (AAD). Han vart opna i 1954 og er den eldste australske stasjonen i Antarktis og den eldste permanent busette staden i Antarktis stasjon sør for Den antarktiske polarsirkelen.

Føremål

Mawson-stasjonen er ein base for forskingsprosjekt som omfattar underjordiske detektorar for kosmisk stråling, forskjellige langvarige studiar innan meteorologi, aeronomi og jordmagnetisme, i tillegg til pågåande studiar i bevaringsbiologi, særleg på dei nærliggande hekkestadane for keisarpingvinar og adeliepingvinar.

Mawson-stasjonen husar kring 20 personar om vinteren og opp til 60 om sommaren. Han er den einaste stasjonen i Antarktis som nytta vindturbinar til over 70 % av energibehovet, og sparar slik over 600 000 liter diesel i året. Området er tilgjengeleg til sjøs i ein kort periode om sommaren, mellom februar og mars.

Historie

I 1946 gav utanriksminister H.V. Evatt støtte til Douglas Mawson om å opprette ein permanent australsk base i Antarktis.^[1] Det gjekk sju år før eit høvande skip, «Kista Dan», kunne leigast inn til å setje opp anlegget sør på kontinentet.

Staden vart vald ut i 1953 av Phillip Law, den første direktøren i AAD, som baserte seg på flyfoto tekne under den amerikanske Operasjon Highjump (OpHjp) i 1946-1947. Han valde ei stor naturleg hamn (Horseshoe Harbour) og dei isfrie klippene for å bygje bygningane.^[1] Stasjonen vart bygd i løpet av 1954. Somme små prefabrikkerte hyttar vart nytta dei første åra, men desse vart etter kvart erstatta av modulbaserte bygg med stålramer under ei stor ombygging i 1970-åra.

Geografi

Mawson-stasjonen ligg i Holmevika i Mac. Robertson Land i Aust-Antarktis. Han ligg eit område som Mawson gjorde krav på som britisk territorium og som seinare vart Australsk Antarktis.

I nærleiken ligg Framnesfjella, som dannar eit dramatisk bakteppe ved Mawson-stasjonen. Framnesfjella vart namngjeven i 1930-åra av den norske skipsreiaren Lars Christensen.

Lenger i nordvest ligg Napier Mountains, som først vart vitja av eit landmålingslag frå ANARE frå Mawson-stasjonen i 1960.

Klima

Mawson-stasjonen har eit arktisk klima:

Vêrdata for Mawson-stasjonen
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	2,6	−1,3	−7,2	−11,8	−13,6	−13,6	−15	−15,6	−14,4	−10	−2,7	2,1	−8,4
Gjennomsnittleg min °C	−2,6	−7,3	−13,2	−17,3	−19,3	−19,5	−20,8	−21,7	−20,6	−16,4	−8,2	−3,2	−14,3
Kjelde: Bureau of Meteorology

Kjelder

Denne artikkelen bygger på «Mawson Station» frå Wikipedia på engelsk, den 16. mars 2014.
- Wikipedia på engelsk oppgav desse kjeldene:

↑ ^1,0 ^1,1 Scott, Keith (1993). australian Geographic book of Antarctica. Terrey Hills, New South Wales: Australian Geographic. s. 29—31. ISBN 1-86276-010-1.

Bakgrunnsstoff

[aga-1] 1,0 ^1,1 Scott, Keith (1993). australian Geographic book of Antarctica. Terrey Hills, New South Wales: Australian Geographic. s. 29—31. ISBN 1-86276-010-1.

[1]