Milcah Cheywa
Milcah Chemos Cheywa (fødd 24. februar 1986) er ein kenyansk tidlegare friidrettsutøvar som vart verdsmeister i 3 000 meter hinder i 2013. Ho har elles vunne tre bronsemedaljar i øvinga, to i verdsmeisterskap og ei i OL 2012.
| Milcah Cheywa | |
|
| |
| Statsborgarskap | Kenya |
| Fødd | 24. februar 1986 (38 år) Mount Elgon District |
| Idrett | friidrett |
| Tok del i |
Sommar-OL 2012, Samveldeleikane 2010, Samveldeleikane 2014 |
Cheywa tevla i fleire år på mellomdistansane. Då ho ikkje lukkast hevde seg mot dei beste i heimlandet, satsa ho frå 2009 på 3000 meter hinder. I VM i Berlin same året kom ho på tredjeplassen med personleg rekord 9.08,5, slått i spurten av spanske Marta Domínguez (som fekk gullmedaljen annullert i 2015) og russiske Julija Zaripova. I 2010 vann Cheywa hinderløpet både i afrikameisterskapen i Nairobi og i samveldeleikane i New Delhi. Meir imponerande var prestasjonane i diamantserien (DL), der ho vann fire av hinderløpa; i Oslo, Roma, Eugene, London, og vart nummer to i dei tre andre.
Året etter kom Cheywa som storfavoritt til VM 2011 i Daegu, etter som ho hadde vunne alle dei fem hinderløpa i diamantserien ho hadde delteke i. I Daegu måtte ho sjå seg slått med ti sekundar av Julija Zaripova (som fekk gullmedaljen annullert i 2016) og fem av Habiba Ghribi på sølvplass, men ho vann spurten om bronsemedaljen.
OL-sesongen 2012 var Cheywa like dominerande i diamantserien som før, med sigrar i Shanghai, Eugene og Oslo. Under Bislett-leikane i Oslo sette ho også afrikarekord med 9.07,1. Hinderløpsfinalen ved Sommar-OL London enda på sett og vis ganske likt med VM 2011; Zaripova braut målsnøret og stod øvst på sigerspallen, for så å få annullert prestasjonen i 2016, medan Ghribi fyrst fekk sølv med sine 9.08,3 og så verte tildelt gullmedaljen i Rabat i 2016. Cheywa som opphavleg vart nummer fire, fire hundredels sekund bak etiopiske Sofia Assefa, rykte då opp på bronseplass.
Under VM 2013 vann Cheywa gullmedaljen i 3 000 m hinder på årsbeste i verda, knapt sekundet framom landskvinna Lydia Chepkurui, med Sofie Assefa på tredjeplass. Sommaren 2014 tapte Cheywa spurten mot landskvinna Purity Cherotich i hinderløpet då samveldeleikane fann stad i Glasgow.
Medaljar og plasseringar i internasjonale meisterskap endre
Kjelder endre
- Denne artikkelen bygger på «Milcah Chemos Cheywa» frå Wikipedia på tysk, den 26. august 2017.