Nicoleta Grasu

Nicoleta Grasu, fødd Grădinaru (fødd 11. september 1971), er ein rumensk tidlegare diskoskastar. Ho vann VM-sølv i øvinga i 2001 og EM-sølv i 2010, dessutan tok ho tre VM-bronsar og to EM-bronsar i tida 1998-2009.

Nicoleta Grasu
Nicoleta Grasu under Bislett Games 2010
Statsborgarskap	Romania
Fødd	11. september 1971 (53 år) Secuieni
Idrett	friidrett
Tok del i	Sommar-OL 2012, Sommar-OL 2008, Sommar-OL 2004, Sommar-OL 2000, Sommar-OL 1996, Sommar-OL 1992

Aktiv

Grasu vart nummer fire i diskostevlinga under EM 1994 i Helsinki, 70 cm bakom den norske bronsevinnaren Mette Bergmann. I den neste europameisterskapen, i Budapest i 1998, kneip Grasu sjølv bronsemedaljen, 2 små centimeter føre Ellina Zvereva frå Kviterussland. Også ved VM 1999 i Sevilla lukkast Grasu vinne bronsen. I 2001 tok Grasu sølvmedaljen i VM i Edmonton, einast Ellina Zvereva kasta lengre.

Etter femteplass i både Sommar-OL 2004 og Friidretts-VM 2005, heldt Grasu fram å sanke medaljar i sesongane frå 2006 til 2010. Han sikra seg såleis bronsen i diskosøvinga både i EM 2006, VM 2007 og VM 2009. Siste internasjonale medaljen, ein sølvmedalje, tok ho i Barcelona-EM 2010. I den katalanske storbyen møtte ho si overkvinne i slovenske Sandra Perković, utøvaren som dominerte øvinga på 2010-talet.

Nicoleta Grasu sitt personbeste på 68,80 meter oppnådde ho i Poiana Brasov 7. august 1999. Også ektemannen Costel Grasu hevda seg i verdstoppen i diskoskasting, med fjerdeplass i Sommar-OL 1992 og VM i friidrett 1993 som sine fremste prestasjonar.

Medaljar og plasseringar i internasjonale meisterskap

• OL 1992 i Barcelona: Utslått i kvalifiseringa (60,62 m=nr 13)
• VM 1993 i Stuttgart: Nr 7 – 62,10 m
• EM 1994 i Helsinki: Nr 4 – 63,64 m
• OL 1996 i Atlanta: Nr 7 – 63,28 m
• VM 1997 i Aten: Nr 10 – 60,14 m
• EM 1998 i Budapest: Bronsemedalje – 65,94 m
• VM 1999 i Sevilla: Bronsemedalje – 65,35 m
• OL 2000 i Sydney: Utslått i kvalifiseringa (58,87 m=nr 19)
• VM 2001 i Edmonton: Sølvmedalje – 66,24 m, bakom Ellina Zvereva (67,10 m)
• OL 2004 i Aten: Nr 5 – 64,92 m

Diskos-finalistane under VM 2007. Grasu nummer to frå venstre (frårekna fotografen)

• VM 2005 i Helsinki: Nr 5 – 62,05 m
• EM 2006 i Göteborg: Bronsemedalje – 63,58 m
• VM 2007 i Osaka: Bronsemedalje – 63,40 m
• OL 2008 i Beijing: Nr 12 – 58,63 m
• VM 2009 i Berlin: Bronsemedalje – 65,20 m
• EM 2010 i Barcelona: Sølvmedalje – 63,48 m, bakom Sandra Perković (64,67m)
• VM 2011 i Daegu: Nr 8 – 62,08 m
• OL 2012 i London: Utslått i kvalifiseringa (61,86 m=nr 14)
• VM 2013 i Moskva: Utslått i kvalifiseringa (56,31 m=nr 22)

Kjelder

• Denne artikkelen bygger på «Nicoleta Grasu» frå Wikipedia på engelsk, den 26. juli 2019.

• «Nicoleta Grădinaru-Grasu» (på engelsk). Olympedia. Henta 8. mars 2023.