Norsk institutt for vannforskning
Norsk institutt for vannforskning (NIVA) er ein norsk stiftelse som vart oppretta 1. juli 1958. Styret vert utnemnt av Miljøverndepartementet og Norges forskningsråd.
| Norsk institutt for vannforskning | |
| Selskapsform | stiftelse  |
|---|---|
| Org.nr. | 855 869 942 |
| Skipa | 1. juli 1958 |
| Eigar | Klima- og miljødepartementet |
| Land | Noreg |
| Hovudkontor | Oslo |
| Tilsette | 200 |
| Nettstad | https://www.niva.no/ |
Arbeidsområde Endra
NIVA er eit nasjonalt kompetansesenter for miljøspørsmål knytte til forvalting av vatn, og driv forsking og utgreiing innan:
- vurdering av tilhøve i elver, innsjøar, grunnvatn, fjordar og kystnære farvatn
- miljøtekniske problemstillingar innan reinsing, industriprosessar og bioteknologi
- deltaking i internasjonale prosjekt, mellom desse i EU og bistandsland (i 2005 over 25 % av aktiviteten)
Over 700 prosjekt vart gjennomførte i 2005.
Organisasjon Endra
Aktiviteten er organisert i:
- elleve seksjonar med eigne forskingsleiarar:
- -miljøinformatikk
- -vatn, avløp og miljøteknologi
- -integrert vassforvalting
- -miljøgifter og forsuring
- -fisk og akvakultur
- -biologisk mangfald (ferskvatn)
- -biologisk mangfald (maritimt)
- -miljøgifter i marint miljø
- -økotoksikologi
- -oseanografi og fjernmåling
- -kjemisk analyse.
- hovudkontor i Oslo
- fire distriktsavdelingar: Sørland (Grimstad), Vestland (Bergen), Østland (Hamar) og Midt-Norge (Trondheim).
- marin forskingsstasjon på Solbergstrand ved Drøbak, etablert 1978
I 2005 var 180 medarbeidarar knytte til NIVA, av desse var 90 forskarar.
NIVA består i tillegg av utviklingsselskapet NIVA-Tech A/S. NIVA vart i 1991 strategisk partnar med, og hovudaksjonær i dotterselskapet Akvaplan-niva som utfører forskings- og rådgjevingoppgåver innanfor akvakultur og marin- og ferskvassbiologi for NIVA i nordområda.
Samarbeid Endra
NIVA var med i Miljøalliansen frå starten i 2002. Dei samarbeider mellom andre med Havforskningsinstituttet, European Environmental Agency (EEA), NVE, Universitetet for Miljø- og Biovitenskap og Polarmiljøsenteret. I 2006 er NIVA representert i det nye forskingssenteret for miljø og samfunn (CIENS) i Oslo.
