Wikipedia

Stefania av Kalush Orchestra

«Stefania»
Song av Kalush Orchestra

Land Ukraina
Språk Ukrainsk
Utgjeve 7. februar 2022
Sjanger Folk, hiphop
Lengd 03:03
Selskap Sony Music Entertainment, ENKO
Låtskrivar(ar) Oleh Psiuk, Ihor Didentsjuk, Ivan Klimenko, Tymofij Muzytsjuk, Vitalij Duzjyk

«Stefania» (ukrainsk skrift «Стефанія», norsk transkripsjon Stefanija) er ein folkhiphop-låt frå 2022 med det ukrainske bandet Kalush Orchestra. Songen representerte Ukraina og vann Eurovision Song Contest 2022 i Torino i Italia.

Om songen endre

«Stefania» er ein hiphop-song med sterke element av elektronisk pop og ukrainsk folkemusikk. Han er skriven av det ukrainske folk-hiphopbandet Kalush Orchestra og vart gjeven ut 7. februar 2022. Også teksta kombinerer ulike stilretningar; refrenga er bygde opp i typisk austeuropeisk folk-tradisjon, med korte setningar og lange vokalar. Versa har mykje lengre setningar og vert framført langt raskare enn refrenga, nærast rapping.[1]

Songen er ein ode til mødre, der eg-personen i songen fortel om gode minne om mor si, Stefanija.[2] Eg-personen legg merke til kor mykje eldre mora har vorte, og mimrar nostalgisk tilbake til barndomen: «Enga blomstrar, men ho vert grå. Syng ein voggesong for meg, mamma. Eg vil høyre dine ord».[1]

Eurovision Song Contest endre

 
Kalush Orchestra under ein pressekonferanse i Torino i mai 2022.

«Stefania» var blant bidraga i den ukrainske songtevlinga Vidbir laurdag 12. februar 2022, der vinnaren fekk representere Ukraina i Eurovision Song Contest.[3] I finalen vann «Stefania» telefonavrøystinga med stor margin, men enda samanlagd på andreplass, bak vinnaren Alina Pasj og songen «Shadows of Forgotten Ancestors».[4] Nokre dagar etter finalen valde Pasj å trekkje seg frå oppdraget med å representere Ukraina, på grunn av strid rundt ei reise ho hadde til Krim i 2015.[5][6] I Ukraina er det strenge reglar for innreise til den russisk-okkuperte halvøya.[5] Den ukrainske kringkastaren Suspilne vedtok difor å tilby oppdraget til andreplassen Kalush Orchestra, som etter litt områdingstid takka ja. Deltakinga vart offisielt stadfesta 22. februar 2022.[7]

Favorittstempel etter invasjonen endre

Berre to dagar etter kunngjeringa gjekk Russland til militært åtak på Ukraina.[8] Invasjonen gjorde at songen og den ukrainske deltakinga i Eurovision Song Contest fekk ekstra stor merksemd, og «Stefania» gjekk rett til topps hos bookmakarane.[9][10][11][12]

Den europeiske kringkastingsunionen utestengde samstundes Russland frå Eurovision Song Contest, som del av dei omfattande sanksjonane mot russiske myndigheiter.[13] Trass invasjonen og krigen bestemte Ukraina seg for å delta i Eurovision Song Contest 2022.[14]

Sigeren i Eurovision Song Contest endre

I vekene fram mot Eurovision Song Contest var «Stefania» soleklår favoritt til å vinne,[15] og han innfridde favorittstempelet. I finalen vann songen ein solid siger etter å ha fått rekordmange poeng frå tv-sjåarane, heile 439 poeng.[16] Dette var den tredje sigeren til Ukraina i Eurovision Song Contest.

Listeplasseringar endre

Liste (2022) Høgaste
plassering
  Austerrike (Ö3 Austria Top 40)[17] 26
  Australia (ARIA Digital Tracks)[18] 27
  Belgia (Ultratop Flandern)[19] 24
  Finland (Suomen virallinen lista)[20] 2
Global 200 (Billboard) 85
  Hellas (IFPI Greece)[21] 9
  Irland (IRMA)[22] 30
  Island (Tónlistinn)[23] 7
  Italia (FIMI)[24] 53
  Kroatia (Billboard)[25] 6
  Litauen (AGATA)[26] 1
  Nederland (Nederlandse Top 40)[27] 38
  Nederland (Single Top 100)[28] 36
  Noreg (Topplista)[29] 19
  Portugal (AFP)[30] 92
  Slovakia (Singles Digitál Top 100)[31] 27
  Storbritannia (UK Singles)[32] 38
  Sveits (Schweizer Hitparade)[33] 11
  Sverige (Sverigetopplistan)[34] 7
  Tsjekkia (Singles Digitál Top 100)[35] 22
  Tyskland (Deutsche offizielle Charts)[36] 22
  Ukraina (Tophit Radio & YouTube)[37] 2
  Ukraina (Tophit Airplay)[38] 1
  Ungarn (Single Top 40)[39] 5
  USA (Billboard World Digital Song Sales)[40] 2

Kjelder endre

  1. ↑ 1,0 1,1 «"She rocked me; gave me rhythm" – Kalush Orchestra bring an ode to mothers in "Stefania" lyrics». wiwibloggs (på engelsk). 10. februar 2022. Henta 5. mars 2022. 
  2. ↑ «Kalush Orchestra: “’Stefania’ track is about the dearest person, Mom”». ESCBubble (på engelsk). Henta 5. mars 2022. 
  3. ↑ «Ukraine: 'Vidbir' acts announced 🇺🇦». Eurovision.tv (på engelsk). 25. januar 2022. Henta 5. mars 2022. 
  4. ↑ «Ukraine: Vidbir 2022 split results reveal Kalush Orchestra earned 44.66% of the televote». wiwibloggs (på engelsk). 23. februar 2022. Henta 5. mars 2022. 
  5. ↑ 5,0 5,1 «Alina Pash: Singer won't represent Ukraine at Eurovision». BBC News (på engelsk). 16. februar 2022. Henta 22. februar 2022. 
  6. ↑ «Ukraine offers Kalush Orchestra Eurovision 2022 spot "to maintain the trust of the audience"». wiwibloggs (på engelsk). 17. februar 2022. Henta 22. februar 2022. 
  7. ↑ «Ukraine: Kalush Orchestra will go to Turin with 'Stefania' 🇺🇦». Eurovision.tv (på engelsk). 22. februar 2022. Henta 5. mars 2022. 
  8. ↑ NTB (24. februar 2022). «Internasjonal fordømmelse av Russlands angrep mot Ukraina». www.abcnyheter.no (på norsk). Henta 5. mars 2022. 
  9. ↑ «Eurovision 2022 Odds: Ukraine see plenty of Betting Momentum». BettingOdds.com (på engelsk). 3. mars 2022. Henta 5. mars 2022. 
  10. ↑ «Eurovision 2022 odds: Ukraine passes Italy to become the new favourite to win». wiwibloggs (på engelsk). 28. februar 2022. Henta 5. mars 2022. 
  11. ↑ Catherine Gonsholt Ighanian (28. februar 2022). «Ukraina til topps på Eurovision-bettingen: – Vi skal ikke skuffe». www.vg.no (på norsk bokmål). VG Nett. Henta 5. mars 2022. 
  12. ↑ Leif Tore Lindø (28. februar 2022). «Reservene fra Ukraina er MGP-favoritter». www.aftenbladet.no (på norsk bokmål). Stavanger Aftenblad. Henta 5. mars 2022. 
  13. ↑ «EBU statement regarding the participation of Russia in the Eurovision Song Contest 2022». Eurovision.tv (på engelsk). 25. februar 2022. Henta 5. mars 2022. 
  14. ↑ «Kalush Orchestra - Ukraine - Turin 2022». Eurovision.tv (på engelsk). Arkivert frå originalen 23. februar 2022. Henta 5. mars 2022. 
  15. ↑ «Ukraine: Eurovision 2022 betting odds have Kalush Orchestra as favourites to win following final national selection weekend». wiwibloggs (på engelsk). 16. mars 2022. Henta 16. mars 2022. 
  16. ↑ Bronson, Fred; Bronson, Fred (15. mai 2022). «In Record-Setting Fashion, Ukraine Rides Popular Sentiment to 2022 Eurovision Win». Billboard (på engelsk). Henta 16. mai 2022. 
  17. ↑ Hung, Steffen. «Kalush Orchestra - Stefanią». austriancharts.at. Henta 27. mai 2022. 
  18. ↑ «The ARIA Report: Week Commencing 23 May 2022». The ARIA Report (Australian Recording Industry Association) (1681): side 9. 23. mai 2022. 
  19. ↑ «Kalush Orchestra - Stefania - ultratop.be». www.ultratop.be. Henta 22. mai 2022. 
  20. ↑ «Suomen virallinen lista – Artistit Kalush Stefania (Kalush Orchestra)». Musiikkituottajat (på finsk). Suomen Virallinen Lista. Henta 22. mai 2022. 
  21. ↑ «Official IFPI Charts Digital Singles Chart (International) Week: 20/2022». www.ifpi.gr. IFPI Greece. Arkivert frå originalen 31. mai 2022. Henta 10. juni 2022. 
  22. ↑ «Official Irish Singles Chart Top 50 | Official Charts Company». www.officialcharts.com (på engelsk). Henta 22. mai 2022. 
  23. ↑ «TÓNLISTINN – LÖG vika 20–2022» (på islandsk). Tónlistinn Plötutíðindi. Arkivert frå originalen 21. mai 2022. Henta 22. mai 2022. 
  24. ↑ «Classifiche – FIMI». www.fimi.it (på italiensk). Henta 22. mai 2022. 
  25. ↑ Cusson, Michael (15. februar 2022). «Croatia Songs». Billboard (på engelsk). Henta 27. mai 2022. 
  26. ↑ «2022 20-os savaitės klausomiausi (TOP 100)». Agata (på litauisk). Henta 22. mai 2022. 
  27. ↑ Top 40, Stichting Nederlandse. «Top 40-lijst van week 21, 2022». Top40.nl (på nederlandsk). Henta 22. mai 2022. 
  28. ↑ Hung, Steffen. «Kalush Orchestra - Stefania». hitparade.ch. Henta 22. mai 2022. 
  29. ↑ «Singel 2022 uke 20». topplista.no. Henta 22. mai 2022. 
  30. ↑ «Kalush Orchestra – Stefania». portuguesecharts.com. Portuguesecharts.com. Henta 10. juni 2022. 
  31. ↑ SK - SINGLES DIGITAL - TOP 100. «KALUSH Stefania (Kalush Orchestra) SONY MUSIC». hitparada.ifpicr.cz. ČNS IFPI. Henta 27. mai 2022. 
  32. ↑ «stefania | full Official Chart History | Official Charts Company». www.officialcharts.com (på engelsk). Henta 22. mai 2022. 
  33. ↑ «Kalush Orchestra - Stefania». Henta 22. mai 2022. 
  34. ↑ «Veckolista Singlar, vecka 20». Sverigetopplistan (på svensk). Henta 22. mai 2022. 
  35. ↑ «KALUSH Stefania (Kalush Orchestra) SONY MUSIC». hitparada.ifpicr.cz. ČNS IFPI. Henta 27. mai 2022. 
  36. ↑ «KALUSH ORCHESTRA STEFANIA SINGLE – Offizielle Deutsche Charts». www.offiziellecharts.de. Offizielle Deutsche Charts. Henta 22. mai 2022. 
  37. ↑ «All Media Hits – Top Weekly Hits – Tophit Music Charts». TopHit. Henta 5. mars 2022. 
  38. ↑ «Radio Hits – Top Weekly Hits – Tophit Music Charts». TopHit. Henta 16. mars 2022. 
  39. ↑ «Single Top 40 slágerlista - Hivatalos magyar slágerlisták». slagerlistak.hu. Henta 27. mai 2022. 
  40. ↑ devops (2. januar 2013). «World Digital Song Sales». Billboard (på engelsk). Henta 10. juni 2022. 
Henta frå «https://nn.wikipedia.org/w/index.php?title=Stefania_av_Kalush_Orchestra&oldid=3487535»