Torbjørn

Torbjørn eller Thorbjørn er eit gammalt nordisk mannsnamn, samansett av gudenamnet Tor og 'bjørn'.

Den norrøne forma av namnet var Þorbiǫrn, medan Thorbiorn var den gammaldanske og gammalsvenske forma. Torben er ei dansk/tysk form, Thorben hovudsakleg tysk, medan ein i engelsk namnetradisjon hovudsakleg finn namnet i etternamn som Thurburn, Thorbern, Thorebern, Thorber og Thurber.

Torbjørn har norsk namnedag den 5. juni og Torbjörn har svensk namnedag den 9. mars.

Bruk

Þórbiǫrn er blant dei ti vanlegaste mannsnamna funne i norrøne runeinnskrifter, og namnet var derfor truleg utbreidd i vikingtida. Dei vanlegaste skrivemåtane for namnet var Þurbiurn og Þorbiarn.

Både Torbjørn og Thorbjørn var mykje gjevne til gutebarn på byrjinga av 1900-talet. Thorbjørn var vanlegast først i hundreåret, men bruken tok til å gå ned på 1930-talet. Bruken av Torbjørn har vakse sidan namnestatistikk tok til å førast rundt 1880, og hadde ein topp frå like før 1930 til like etter 1940, då over 0,5 % av nyfødde gutar fekk namnet.

I 2009 var det 7 458 norske menne som heitte Torbjørn og 1649 som heitte Thorbjørn.

Namneberarar

• Torbjørn Gunnarsson Sandvik (1755–1822), norsk stortingsmann
• Thorbjørn Lie-Jørgensen (1900–1961), norsk kunstnar
• Thorbjørn Egner (1912–1990), norsk forfattar, kunstnar og artist
• Thorbjørn Svenssen (1924–2011), norsk fotballspelar
• Torbjørn Falkanger (f. 1927), norsk skihoppar
• Torbjørn Mork (1928-1992), norsk lækjar og politikar
• Thorbjørn Berntsen (f. 1935), norsk politikar, miljøvernminister 1990–97
• Torbjørn Yggeseth (f. 1935), tidlegare leiar av hoppkomitéen i FIS
• Torbjørn Digernes (f. 1947), rektor ved NTNU
• Torbjørn Færøvik (f. 1948), norsk forfattar og historikar
• Torbjørn Rødstøl (f. 1949), ordførar i Rauma
• Thorbjørn Jagland (f. 1950), norsk politikar, statsminister 1996–97
• Torbjørn Tandberg (f. 1956), norsk fotograf
• Thorbjørn Fylling (f. 1957), ordførar i Ørskog
• Torbjørn Andersen (f. 1957), norsk politikar (FrP)
• Torbjørn Løkken (f. 1963), norsk kombinertløpar
• Torbjørn Lien (f. 1968), norsk teikneserieskapar (Kollektivet)
• Torbjørn Giæver Eriksen (f. 1970), norsk statssekretær
• Torbjørn Rødland (f. 1970), norsk fotograf
• Torbjørn Hansen (f. 1972), norsk politikar (H)
• Thorbjørn Harr (f. 1975), norsk skodespelar
• Torbjørn Brundtland (f. 1975), norsk musikar frå Röyksopp
• Torbjørn Anderssen (f. 1976), norsk formgjevar
• Torbjørn Røe Isaksen (f. 1978), norsk politikar (H)
• Torbjørn Ringdal Hansen (f. 1979), norsk sjakkspelar

Kjelder

• Søk etter norsk namnestatistikk for Torbjørn hjå Statistisk Sentralbyrå

• Denne artikkelen bygger på «Torbjørn» frå Wikipedia på bokmål, og «Torbjörn» frå Wikipedia på engelsk den 9. mars 2009.