Dolores O’Riordan
Dolores Mary Eileen O’Riordan (fødd 6. september 1971 i Ballybricken i Irland, død 15. januar 2018 i London i Storbritannia)[1][2][3] var ein irsk musikar. Ho var frontfigur i The Cranberries og hadde i tillegg ein solokarriere frå 2003.[4]
| Dolores O’Riordan | |||
 | |||
| Fødd | 6. september 1971 | ||
|---|---|---|---|
| Fødestad | Ballybricken North | ||
| Død | 15. januar 2018 (46 år) | ||
| Dødsstad | London | ||
| Fødenamn | Dolores Mary Eileen O'Riordan | ||
| Opphav | Irland | ||
| Aktiv | 1989–2018 | ||
| Sjanger | alternativ rock, poprock, keltisk rock, folkrock, jangle pop, dream pop, indierock, post-grunge | ||
| Instrument | tangentinstrument, vokal, gitar, Blikkfløyte, fløyte, mandolin | ||
| Stemmetype | mezzosopran | ||
| Plateselskap | Interscope Records, Sanctuary Records, Cooking Vinyl, Rounder Records | ||
| Verka som | songar-låtskrivar, gitarist, songar | ||
| Gift med | Don Burton | ||
Liv og virke
endreBakgrunn
endreDolores O’Riordan vaks opp som ei av seks sysken på fødestaden sin Ballybricken, og der var ho med i kyrkjekoret til den lokale kyrkjelyden.[5] Seinare flytta ho til den nærliggande byen Limerick.[6]
O’Riordan vart oppdregen katolsk. Mora hennar valde namnet hennar til minne om Jomfru Marias sorger.[7]
Musikkarriere
endreI 1990 vart O’Riordan vokalist i bandet The Cranberries og den viktigaste tekstforfattaren til gruppa. I 1994 gifta ho seg med Don Burton, som tidlegare hadde vore tourmanager for Duran Duran.[1] Dei største hitlåtane til O’Riordan og The Cranberries var «Linger» (1994) og «Zombie» (1995). Bandet vart verdskjent med «Zombie», som hadde ein bodskap var retta mot den blodige konflikten i Nord-Irland.
I 2003 byrja O’Riordan ein solokarriere. I 2001, 2002 og 2005 opptredde ho på julekonsertar i Vatikanet og i 2006 på ein julekonsert i Monte Carlo. Hennar fyrste soloalbum Are You Listening? vart gjeve ut i 2007. Det selde i 300 000 eksemplar verda over. I 2004 song ho tittelmelodien «Ave Maria» til filmen The Passion of the Christ. I 2008 var ho ein av ti prisvinnarar av European Border Breakers Awards (EBBA), som i høve Midem i Cannes vart tildelt for henner innsats.
Frå 2009 arbeidde O’Riordan igjen saman med The Cranberries. Ho samarbeidde også tidvis med andre kunstnarar, som for eksempel Zucchero, Luciano Pavarotti og Jam & Spoon.
O’Riordan uttala seg blant anna om trua si og nemnde blant anna at ho fleire gongar var vorten invitert til Vatikanet for å syngje der og at ho i 2001 og 2002, saman med mor si, møtte pave Johannes Paul II, som ho beundra.[8][9]
I 2011 døydde faren til O’Riordan.[1] I september 2014 skilde ho og Burton seg. Dei hadde tre barn saman. I november 2014 vart ho kortvarig arrestert på Shannon lufthamn på grunn av eit aggressivt opptrinn under ei flyreise. I desember 2015 erklærte ho seg skuldig i retten i Ennis. Advokaten til O’Riordan erklærte at ho hadde hatt alvorlege psykiske problem.[10]
I mai 2017 fortalte O’Riordan opent at ho hadde eo bipolar liding som var vorten fastslegen to år tidlegare.
Frå 2015 arbeidde O’Riordan med Andy Rourke og Olé Koretsky under namnet D.A.R.K.[11] I 2017 vart det siste albumet til The Cranberries, med O’Riordan som vokalist, gjeve ut.
O’Riordan døydde uventa den 15. januar 2018, i ein alder av 46 år, i London, der ho heldt på med studioinnspelingar.[12] Scotland Yard erklærte at det ikkje låg mistenkelege omstende bak det plutselege dødsfallet,[13] og det vart seinare klårt at ho døydde av drukning i badekaret som følgje av alkoholforgifting.[14]
Diskografi
endreSjå The Cranberries for utgjevingar med bandet.
Tala er sist oppdaterte før O'Riordan døydde. Sidan har både salet av soloutgjevingar og innspelingar med bandet tatt seg betydeleg opp.[15]
Soloalbum
endre| Tittel | Album-detaljer | Høgaste listeplassering | |||||||
|---|---|---|---|---|---|---|---|---|---|
 [16] |
 [17] |
 [17] |
 [17] |
 [18] |
 [17] |
.svg){kind=small} [19] |
 [20] | ||
| Are You Listening? | 15 | 38 | 11 | 39 | 2 | 10 | 28 | 77 | |
| No Baggage |
|
80 | 75 | 30 | 77 | 6 | 25 | — | — |
| "—" ikkje oppnådd listeplassering i området. | |||||||||
Kjelder
endre- ↑ 1,0 1,1 1,2 Aine Fitzgerald, Alan Owens: Shock and sadness greet sudden death of Limerick's Dolores O'Riordan. I: limerickleader.ie, 15. januar 2018, henta 16. januar 2018.
- ↑ Beaumont-Thomas, Ben (15. januar 2018). «Cranberries singer Dolores O'Riordan dies aged 46». The Guardian. Henta 15. januar 2018.
- ↑ Hosford, Paul (15. januar 2018). «Cranberries singer Dolores O'Riordan dies aged 46». The Journal. Henta 15. januar 2018.
- ↑ Bray, Allison (23. februar 2012). «Why it's all smelling of 'Roses' for the Cranberries». Irish Independent.
- ↑ Johanna Bruckner: Es bleibt ein Lied, zum Weinen schön. I: sueddeutsche.de, 15. januar 2018, besøkt 16. januar 2018.
- ↑ David Raleigh: Dolores O’Riordan death: Book of condolence opens in Limerick. I: irishtimes.com, 15. januar 2018, besøkt 16. januar 2018.
- ↑ Kelly, Michael (17. januar 2018). «Irish bishop recalls Cranberries’ musician for her faith, inspiration». Crux. Catholic News Service. Arkivert frå originalen 18. januar 2018. Henta 17. januar 2018.
- ↑ «Experience counts as Cranberries' Dolores O'Riordan goes solo». The Independent (London, UK). 4. mai 2007. Arkivert frå originalen 22. april 2009. Arkivert 22. april 2009 på Wayback Machine.
- ↑ Kehoe, Michael (9. desember 2013). «Cranberries star sings for the Pope at the Vatican». Irish Music Daily. Henta 15. januar 2018.
- ↑ Gordon Deegan: Dolores O’Riordan pleads guilty to air rage offences. I: Irish Times, 16. desember 2015, besøkt 15. januar 2018.
- ↑ Biography. D.A.R.K.s nettsted, besøkt 15. januar 2018.
- ↑ Paul Hosford: Cranberries singer Dolores O’Riordan dies aged 46. I: thejournal.ie, 15. januar 2018, besøkt 15. januar 2018 (englisch).
- ↑ Welt: Das sagt Scotland Yard zum Tod der Cranberries-Sängerin
- ↑ «Dolores O'Riordans dødsårsak er klar». Dagbladet.no (på norsk). 6. september 2018. Henta 6. september 2018.
- ↑ Luke Morgan Britton (16. januar 2018). «The Cranberries sales surge following death of singer Dolores O’Riordan» (på engelsk). New Musical Express. Henta 20. januar 2018.
- ↑ «Discography Dolores O'Riordan». irish-charts.com. Henta 15. januar 2018.
- ↑ 17,0 17,1 17,2 17,3 * «Are You Listening? (Album)». charts.org.nz. Arkivert frå originalen 16. januar 2018. Henta 15. januar 2018.
- «No Baggage (Album)». charts.org.nz. Arkivert frå originalen 16. januar 2018. Henta 15. januar 2018.
- ↑ «Dolores O'Riordan». italiancharts.com. Henta 15. januar 2018.
- ↑ «Dolores O'Riordan». Official Charts Company. Henta 15. januar 2018.
- ↑ «Dolores O'Riordan». Billboard. Henta 15. januar 2018.
- Denne artikkelen bygger på «Dolores O’Riordan» frå Wikipedia på bokmål, den 15. mars 2023.
