Elisabeth Grannemann
Inger Elisabeth Granneman (11. mai 1930–28. mars 1992) var ein norsk revyskodespelar, songar, musikar og forfattar. Ho var også populær i Sverige. I byrjinga av karrieren sin vart ho kalla «Den syngende husmor fra Lørenskog».[1]
| Elisabeth Grannemann | |||
 Elisabeth Granneman i 1963 Foto: Delphin, Rigmor Dahl/Oslo Museum | |||
| Fødd | 11. mai 1930 | ||
|---|---|---|---|
| Fødestad | Bergen | ||
| Død | 28. mars 1992 (61 år) | ||
| Fødenamn | Inger Elisabeth Fauk | ||
| Aktive år | 1947–1992 | ||
| Verka som | skribent, songar, skodespelar, sjølvbiograf, låtskrivar, barnebokforfattar | ||
| Ektefelle | Jan Granneman | ||
| Born | Jan Granneman og Geir Granneman | ||
| Prisar | Leif Justers ærespris, Leonardstatuetten | ||
Liv og virke endre
Som tenåring var Grannemann elev av Robert Riefling. I 1947 debuterte ho på scena, hos Jens Book-Jenssen på Chat Noir, men foreldra hennar kom og henta ho etter nokre få framsyningar.
Granneman var seinare med i ei rekkje radio- og TV-program. Ho medverka også på mange plateinnspelingar, blant anna på Philips (1959–1962), Triola (1962–1964) og Polydor (1965–1969). Frå 1959 var ho tilknytt Chat Noir. I 1960 hadde Granneman stor suksess med songen «Alle venter på sommer», som hadde tekst skriven av Juul Hansen. I 1962 spela ho inn på plate revynummeret «Omatt og omatt», med tekst av Bias Bernhoft og Bjørn Sand.
Ho deltok fleire gongar i Melodi Grand Prix. I 1964 vann ho og Arne Bendiksen Melodi Grand Prix med songen «Spiral».[2][3]
Grannemann gjorde seg også merka med imitasjonar, blant anna av kong Olav V og Cornelis Vreeswijk. Granneman vart tildelt Leonardstatuetten i 1986[1] og Leif Justers ærespris.
Granneman komponerte også og skreiv tekster til fleire songar og skreiv fleire barnebøker. Den fyrste var Revefamilien i Vriomskogen frå 1967.[4] I 1983 gav ho ut sjølvbiografien Kjære publikum![4]
I 1989 gav ho ut kokeboka God gammeldags mat saman med sonen Jan Granneman, som var profesjonell kokk. Elisabeth Granneman opplyste i føreordet at ho sjølv hadde drive serveringsstadane «Naustet» i Son og «Skrivargarden» på Stord.[5] Kokeboka fekk terningkast 6 i VG.
Granneman var på slutten av livet programleiar, saman med Robert Aschberg, talkshowet I kveld med Robert Aschberg på TV3. Sjukdom og dårleg helse generelt gjorde at ho frå hausten 1991 berre opptredde sporadisk i programmet.[6] Ho skulle etter planen returnere for fullt vinteren 1992, men ei hjernebløding i byrjinga av januar forhindra det. Ho leid i tillegg av diabetes, astma, nedsett nyrefunksjon og vatn i lungene.[7] Robert Aschberg laga eit hyllingsprogram om henne like etter at ho døydde i mars 1992, der sjåarane vart presenterte eit utval av klipp med Grannemann som var henta frå serien.[8]
Deltakingar i Melodi Grand Prix endre
| År | Tittel | Plassering |
|---|---|---|
| 1960 | «Et sommereventyr» | Fjerdeplass |
| 1964 | «Spiral» | Vinnar* |
| «God gammel firkantet vals» | Andreplass | |
| 1969 | «B.M. Fordomsfri» | Tredjeplass |
* Arne Bendiksen framførte «Spiral» i Eurovision Song Contest, der han kom på ein åttandeplass.
Diskografi endre
Album endre
- 1972: Elisabeth Grannemann
- 1976: Løvebakken smiler
- 1976: Omatt og omatt
- 1979: De gamle gode med Arne Bendiksen og Elisabeth Granneman
- 1980: Lykkehjulet
Utvalde songar endre
- 1959: «Tenk en mann» (Tekst: Elisabeth Granneman)
- 1959: «You All Come» (Tekst: Elisabeth Granneman)
- 1959: «Toledo» (Tekst og melodi: Elisabeth Granneman)
- 1959: «Kjære Billy» (Tekst og melodi: Elisabeth Granneman)
Filmografi endre
- 1961: Sønner av Norge
- 1962: Operasjon Løvsprett
- 1964: Operasjon Sjøsprøyt – Rita Rønneman, popsongarinne
- 1965: Hjelp – vi får leilighet! (husmorfilm) – kontordame
- 1968: Mannen som ikke kunne le
- 1973: Kofferten (TV)
- 1985: Deilig er fjorden! – Dame på diskotek 1
- 1986: Hud – Mora
- 1991: Måken – Vertinne
- 1992: Nordexpressen – Raggan
Bibliografi endre
- 1967 – Revefamilien i Vriomskogen, barnebok, illustrert av Grethe Berger
- 1983 – Kjære publikum!
- 1989 – God gammeldags mat, medforfattar: Jan Granneman
Kjelder endre
- ↑ 1,0 1,1 «Elisabeth Granneman». Store norske leksikon (på norsk). 8. mars 2023.
- ↑ Larsen, Svend Erik Løken. «Elisabeth Granneman». I Helle, Knut. Norsk biografisk leksikon (på Norwegian). Oslo: Kunnskapsforlaget. Henta 7. april 2010.
- ↑ Henriksen, Petter (red.). «Elisabeth Granneman». Store norske leksikon (på Norwegian). Oslo: Kunnskapsforlaget. Henta 7. april 2010.
- ↑ 4,0 4,1 Larsen, Svend Erik Løken (27. januar 2023). «Elisabeth Granneman». Norsk biografisk leksikon (på norsk).
- ↑ Granneman, Elisabeth; Granneman, Jan; Graff, Finn (1989). God gammeldags mat. Gyldendal. ISBN 8205183937.
- ↑ http://www.retriever-info.com/proxy/?id=055016199109111eyYN33cberQ3ZveGI0J8gCj100201010v18&x=11fef41e79240dc04121b2099b9209ed
- ↑ http://www.retriever-info.com/proxy/?id=055016199201033rt74p0EIrOU3bszUV2fGhNG100201011019&x=5f8c4b9929f3c08abc059f288a489c85
- ↑ http://www.retriever-info.com/proxy/?id=055016199203310wziOG2twlPr4n867t3n4FeS10020101171n&x=93c229b75fc2e64a200fa3550dfede5f
- Denne artikkelen bygger på «Elisabeth Grannemann» frå Wikipedia på bokmål, den 14. mars 2023.
