Fylkesveg 5586

Fylkesveg 5586 går mellom Ytre Oppedal i Gulen kommune og Hest i Høyanger kommune i Vestland fylke. Vegen er 30,3 km lang.

Fram til 2019 hadde vegen nemninga fylkesveg 8 i Sogn og Fjordane.^[1]

Historikk

I 1930-åra hadde Høyanger kommune berre lokale grendevegar på sørsida av Sognefjorden. Etter at kommunane Kyrkjebø og Lavik var slått saman til Høyanger kommune 1963 fekk innbyggjarane i den tidlegare Lavik kommune ein mykje lengre veg til kommunesenteret enn før. Derfor blei det vedteke å byggja veg frå Ikjefjord til Svartemyr, med ferje vidare til Nordeide, saman med ein gjennomgåande veg for grendene i Høyanger sør for Sognefjorden.^[2]

Etter ein del diskusjonar om kvar vegen skulle gå blei han bygd ut i etappar. I 1970 blei 3,9 km gammal veg mellom Bjordal og Leirnes oppgradert, traséen Hest–Bjordal blei seinare del av Fv92. 1972 blei 3,5 km mellom Leirnes og Svartemyr teke i bruk saman med ferjesambandet Svartemyr-Nordeide, og same året vart vegen Vamråk–Mjølvik teken i bruk. På dette tidspunktet hadde Ikjefjord vegløysing til Oppedal ferjekai i Ytre Oppedal og ferjesambandet Lavik-Oppedal-Brekke.

Med åra etterpå vart fleire strekningar ferdigbygde: i 1976 Bjordal–Søreide, 1980 Mjølsvik–Ortnevik, og ferjesambandet Ortnevik-Nordeide opna i 1983. Det siste stykket, mellom Søreide og Vamråk blei teke i bruk 1985.^[2]

Kommunar og knutepunkt

Gulen

Sørsidevegen

Ytre Oppedal vegkryss
- → Sognevegen til Oppedal ferjekai (10 m) og vidare mot Førde og Ålesund
- → Sognevegen til 602 Instefjord og vidare mot Bergen
Oppedal gravplass
Indre Oppedal

Indre Oppedal bru over Storelva (26 m)

Høyanger

Sørsidevegen

Ikjefjorden
Fureneset vegkryss:
- Arm Ikjefjordvegen til Øystrebø (6,3 km)
  - Trædal
  - Rambergtunnelen (380 m)
  - Ikjen
  - Endepunkt Øystrebø vegkryss
Fureneset vegkryss

Ikjefjordbrua over Ikjefjorden (340 m)

Svartemyr vegkryss
- Arm til nedlagde Svartemyr ferjekai (0,2 km)
Leirnes
Osland
Føsund
Føsundbrua over Fuglsetfjorden (75 m)
Endepunkt vegkryss Fv5442 Hest
- → Fv5442 Fjordsvegen til Matre i Masfjorden
- → Fv5442 Sørsidevegen til Ortnevik ferjekai
  - → Vik-Ortnevik-Måren-Nordeide-Høyanger, sjå Skyss
  - → 55 Nordeide

Kjelder

↑ «Endringer i vegnettet 2019». Vegvesenet. 27. september 2019. Henta 4. august 2022.
↑ ^2,0 ^2,1 Kristin Ese (2005). «Sørsidevegen i Høyanger». Fylkesarkivet i Vestland. Henta 25. januar 2016.

Bakgrunnsstoff

[ev19-1] «Endringer i vegnettet 2019». Vegvesenet. 27. september 2019. Henta 4. august 2022.

[fav-2] 2,0 ^2,1 Kristin Ese (2005). «Sørsidevegen i Høyanger». Fylkesarkivet i Vestland. Henta 25. januar 2016.

[1]

[2]