Hardangervidda nasjonalpark
Hardangervidda er den største nasjonalparken i Noreg og det største fjellplåtaet i Nord-Europa. Nasjonalparken vart stifta i 1981. Hardangervidda ligg i Hordaland, Buskerud, og Telemark høvesvis i dei tre fylka Vestland, Buskerud, og Telemark fylke.
| Hardangervidda nasjonalpark | |||
| nasjonalpark | |||
 | |||
| Land |  Noreg
| ||
|---|---|---|---|
| Fylke | Vestland, Buskerud, Telemark | ||
| Kommunar | Hol, Nore og Uvdal, Tinn, Vinje, Ullensvang, Eidfjord | ||
| Høgaste punkt | Sandfloeggi | ||
| - høgd | 1 721 moh. | ||
| Areal | 3 422 km² | ||
| Oppretta | 1. juni 1981 | ||
 Hardangervidda nasjonalpark 60°08′00″N 7°30′00″E / 60.133333333333°N 7.5°E | |||
| Wikimedia Commons: Hardangervidda | |||
Dette er den største nasjonalparken i Noreg, og parken har eit særleg verdifullt høgfjellsområde. Den norske turistforening har i alt 26 hytter på og i nærleiken av nasjonalparken. Området er tilhaldsstad for dei største villreinflokkane i Europa, og den sørlegaste utposten for fjellrev, snøugle og mange andre arktiske artar. Hardengerviddas høgste punkt er Sandfloeggi som er 1721 moh.
Plassering endre
Nasjonalparken ligg i Odda,Ullensvang og Eidfjord kommunar i Hordaland, Vinje og Tinn kommunar i Telemark, Hol, Nore og Uvdal kommunar i Buskerud. Det samla arealet i nasjonalparken er om lag 3422 km² . Av dette ligg ca. 1813 km² i Hordaland fylke, 767 km² i Telemark fylke og 842 km² i Buskerud fylke.
Verneformål endre
Føremålet med Hardangervidda nasjonalpark er å verne ein del av eit særleg verdfullt høgfjellsområde på ein slik måte at landskapet med planter, dyreliv, natur- og kulturminne og kulturmiljøet elles vert bevart, samstundes som området skal kunne nyttast for landbruk, naturvenleg friluftsliv og naturoppleving, jakt og fiske og undervisning og forsking.
Bruk av nasjonalparken endre
Grunneigarar og andre rettshavarar har eigedomsrett og bruksrett i nasjonalparken, og kan nytte rettane i den grad det ikkje kjem i strid med verneformålet. Det same gjeld bruk av allmenningsrettar etter fjellova.
Hardangervidda er populær til både turgåing, jakt og fiske. Motorferdsle er strengt regulert, men forvaltningen kan gje løyve til motorferdsle til turisthytter i området og til landbruk, garnfiske og storviltjakt.
Bakgrunnsstoff endre
- Direktoratet for naturforvalting, informasjon om Hardangervidda nasjonalpark. Arkivert 2007-09-30 ved Wayback Machine.
- PDF-kart Arkivert 2007-09-30 ved Wayback Machine.
- DNT-turplanleggar Arkivert 2007-02-06 ved Wayback Machine.