Kjell Ingolf Ropstad
Kjell Ingolf Ropstad (fødd 1. juni 1985) er ein norsk politikar, leiar i Kristeleg Folkeparti og barne- og familieminister i regjeringa Solberg frå 22. januar 2019.[1] Ropstad er opphavleg frå Evje og Hornnes kommune i Aust-Agder, men er busett i Oslo. Han er utdanna bachelor i jus og økonomi, har vore 2. nestleiar i KrF sidan 2017 og var leiar av Kristeleg Folkepartis Ungdom (KrFU) i perioden 2007–2010. Sidan 2009 er Ropstad valt inn som stortingsrepresentant for Aust-Agder. I 2013–2017 var han andre nestleiar i Justiskomiteen. Frå 2017 til 2019 var han finanspolitisk talsmann for KrF.
| Kjell Ingolf Ropstad | |
.JPG) | |
| Fødd | 1. juni 1985 (34 år) |
|---|---|
| Nasjonalitet |  Noreg
|
| Parti | Kristeleg Folkeparti |
| Yrke | Politikar |
| 1. verv | Barne- og familieminister |
| - periode | 2019– i dag |
| - føregangar | Linda Hofstad Helleland |
| 2. verv | leiar i KrF |
| - periode | 2019– i dag |
| - føregangar | Knut Arild Hareide |
| 3. verv | Stortingsrepresentant |
| - periode | 2009– i dag |
| - valkrins | Aust-Agder |
| 4. verv | 2. nestleiar i KrF |
| - periode | 2017–2019 |
| 5. verv | KrFU-leiar |
| - periode | 2007–2010 |
| - føregangar | Inger Lise Hansen |
| - etterfylgjar | Elisabeth Løland |
Ropstad er den yngste KrF-medlemen som har møtt på Stortinget nokon gong.[2] Det gjorde han som vararepresentant for Åse Gunhild Woie Duesund i 2006, som 20-åring. Han sat også på fylkestinget i Aust-Agder og i kommunestyret i Evje og Hornnes kommune.
Hausten 2018 var Ropstad pådrivar for at partiet skulle satse på eit regjeringssamarbeid med Høgre, Framstegspartiet og Venstre. Etter at det var fleirtal for å gå inn i regjering på det ekstraordinære landsmøtet til partiet i november 2018, leidde Ropstad forhandlingane som førte til at Kristeleg Folkeparti gjekk inn i Solberg-regjeringa i januar 2019.
Frå 2019 er Kjell Ingolf Ropstad statsråd i Barne- og likestillingsdepartementet. Han har teke over ansvaret for tru- og livssynsaker frå Kulturdepartementet, medan ansvar for likestillings- og diskrimineringsspørsmål er ført over til det same departementet.[3] På landsmøtet i april 2019 vart han vald til leiar i KrF.[4]
StortingskomitearEndra
- 2013–2017: medlem i justiskomiteen
- 2012–2013: medlem i energi- og miljøkomiteen
- 2009–2012: medlem i arbeids- og sosialkomiteen
ReferansarEndra
- ↑ «Endringar i regjeringa». Regjeringa.no. 22. januar 2019. Henta 27. januar 2019.
- ↑ «Kjell Ingolf Ropstad». Allkunne. 23. januar 2019. Henta 27. januar 2019.
- ↑ «Kjell Ingolf Ropstad». Store norske leksikon. 23. januar 2019. Henta 27. januar 2019.
- ↑ Gilbrant, Jørgen (27. april 2019), «Kjell Ingolf Ropstad ny KrF-leder», Dagbladet.no (på norsk), henta 11. mai 2019
BakgrunnsstoffEndra
| Norske barne-, familie-, likestillings- og inkluderingsministrar | |
|---|---|
| Matz Sandman (1991) · Grete Berget (1991-96) · Sylvia Brustad (1996-97) · Valgerd Svarstad Haugland (1997-2000) · Karita Bekkemellem Orheim (2000-01) · Laila Dåvøy (2001-05) · Karita Bekkemellem (2005-07) · Manuela Ramin-Osmundsen (2007-08) · Anniken Huitfeldt (2008-09) · Audun Lysbakken (2009-2012) · Inga Marte Thorkildsen (2012-2013) · Solveig Horne (2013-2018) · Linda Hofstad Helleland (2018-2019) · Kjell Ingolf Ropstad (2019-) |