Leningrad oblast

	Leningrad oblast
	Ленинградская область
	oblast
Flagg	Symbol
Land	Russland
Region	Severo-zapadnyj (Nordvestlege)
Del av	Den nordvestlige føderasjonskrets
Hovudstad	Gattsjina
Areal	83 908 km²
Folketal	2 035 762 (2024)
Språk	russisk
Tidssone	UTC +3 (MSK)
Bilnummer	47
	; Leningrad oblast; 60°03′N 31°45′E / 60.05°N 31.75°E
	Wikimedia Commons: Leningrad Oblast

Leningrad oblast^[a] er eit oblast vest i Russland. Leningrad oblast er ei føderal eining i den russiske føderasjonen. Oblastet omfattar omlandet til byen St. Petersburg, som tidlegare heitte Leningrad, men byen sjølv er ikkje del av oblastet. Namnet Leningrad kjem av Vladimir Lenin. Sjølv om byen skifta namn frå Leningrad til St. Petersburg etter kommunismens fall vart det i ei folkerøysting i Leningrad oblast fleirtal for å behalda namnet Leningrad. Provinsen grensar til Finland og Estland, og har kyst til Austersjøen.

Delar av Leningrad oblast, på Det karelske neset, var del av Finland fram til Vinterkrigen i 1940. Eit lite grenseområde var del av Estland fram til den andre verdskrigen.

Sidan 1987 har Leningrad oblast hatt eit omfattande samarbeid med Nordland fylkeskommune. Sju kommunar i Nordland har inngått samarbeidsavtalar med kommunar i Leningrad oblast. Dette er: Bodø og Viborg, Narvik og Kingisepp, Vefsn og Volkhov, Steigen og Podporozje, Gildeskål og Lodejnoje Pole, Tysfjord og Kirisji, Ballangen og Tosno.

Folkesetnad

Dei største byane i Leningrad oblast er Gattsjina (92 940 ibuarar), Viborg (79 960) og Sosnovyj Bor (65 790).^[1]

Størsteparten av folket er etniske russarar. Ved folketeljinga i 2010 var den etniske samansetjinga:^[1]

Russarar: 86,5 %
Ukrainarar: 1,9 %

6,7 % oppgav ikkje etnisitet ved folketeljinga. Eit stort tal finnar vart fordrive frå områda som vart overtatt frå Finland etter Vinterkrigen, og finsk-ugriske folkeslag utgjer no berre små minoritetar: