Lissmasjön

Lissmasjön er ein innsjø i Huddinge kommun i Södermanland i Sverige. Innsjøen har eit overflateareal på 0,223 km², og ligg 24,6 meter over havet. Innsjøen har ei gjennomsnittsdjupne på 0,8 meter, og største djupne er på 1,6 meter. Lissmasjön rommar 168 000 m³ vatn.

Langs innsjøen går Lissmaleden, som er ein sti langs innsjøen med gangrbuer av tre der der det er våtområde. Det er òg eit fugletårn ved langs austsida av Lissmasjön. Innsjøen er i ferd med å gro igjen, og består for det meste av siv og grastuer, med vatn mellom. Innsjøen inngår i Tyresån-vassdraget.

Miljø

Lissmasjön er ein grunn og næringsrik fuglesjø omgjeve av beitemarker. Breiddene av innsjøen er dekt med siv. Lissmasjön vert drenert via Lissmaån til innsjøen Drevviken. Lissmadalgangen er eit variert jordbrukslandskap med strandbeitemarker, våtbeitemarker, åkerholmar, åkermarker og opne grøfter. Skogspartia rundt innsjøen har eit stort innslag av eik og hassel. Åkermarkene består hovudsakleg av slått- og gressbeitemarker.

Dyreliv

Lissmasjön har eit rikt fugleliv, med fleire sjeldne hekkefuglar, både i og rundt innsjøen, samt langs Lissmaån med dei våte engene langs elva. Førekomsten av den raudlista sørleg gulerle er ein av dei største i lenet. Der er òg ein hettemåkekoloni her. Vanlege fuglearter i og ved innsjøen er hettemåke, sothøne, vipe, heipiplerke, kanadagås, taffeland, krikkand, enkeltbekkasin, stokkand, kvinand, stillits, star, linerle, musvåk, kattugle, gråtrost, svarttrost, måltrost og raudveng. Meir sjeldne fugleartar som regelmessig blir observert i eller ved innsjøen er raudstilk, vassrikse, sivhøne, sørleg gulerle, skogsnipe, nattergal, skeiand, knekkand, brunnakke, lerkefalk, trane, songsvane, tornskate, steinskvett, buskskvett, vepsevåk, gauk og duetrost. Sjeldne fuglar som vitjar innsjøen på meir tilfeldig basis, er havørn, svartglente, blåstrupe, lappsporv, dvergfalk, myrhauk, heilo og gransongar.

Omgivnader

Sør for Lissmasjön, der väg 259 (Haningeleden) passerer, ligg Granby koloniområde, og dessutan Naturreservata til paradiset. I reservatet finn ein Torpet Paradiset, og dessutan fleire innsjøar, mellom anna Trehörningen, Ådran og Ormputten. Desse innsjøane vert drenert via små elvar til Lissmasjön. Òg Långsjön tilfører Lissmasjön vatn, men denne verten drenert òg til innsjøen Öran.

Bakgrunnsstoff

• Lissmasjön Huddinge kommun
• Paradisets naturreservat (söder om Lissmasjön)
• Lissmasjön Tyresåns vattenvårdsförbund