Pål

Pål og Paul er mannsnamn av latin Paulus, som tyder liten. Andre namneformer er Paal, Poul, Povel, Palle, Páll færøysk, Pablo spansk og Pal ungarsk.

Paul og Pål har namnedag i Noreg den 25. januar.

Bruken av namnet i Noreg

Namnet har vore brukt i Noreg heilt sidan 1100-talet. I gamle kjelder er namnet gjerne skrive Povel eller Paul, men vi må likevel gå ut frå namnet i hovudsak har vore uttalt om lag som vi uttaler Pål. Namnet var svært populært på 1900-talet, men bruken av dette namnet har seinar gått noko attende. Nordmenn som oppgav Paul, Poul, Povel, Paal eller Pål som fornamn i folketeljingane:

• 1801: Ca. 3 600
• 1900: Ca. 5 900

I dag vert Paul og Pål til vanleg oppfatta som ulike namn.

• 2007: Ca. 5 100 hadde Paul til første fornamn. Ca. 9 400 hadde Pål til første fornamn

Paulus som bibelsk namn

Apostelen Paulus av Tarsus, måla av Rembrandt i 1635

• Apostelen Paulus (Apostelgjerningane 13.9 mfl), forfattar av fleire brev i Bibelen.
• Fylkeshovding Sergius Paulus, ein vitug mann (Apostelgjerningane 13.7)

Kjende namneberarar

Pål

• Pål Torsson Harildstad (1764-1843), Eidsvollsmann
• Pål Sundvor (1920-1992), norsk forfattar
• Pål Kraby (1932-2009), norsk jurist
• Pål Bang-Hansen (1937-2010), norsk filmregissør
• Pål Tyldum (f. 1942), norsk langrennar
• Pål Steigan (f. 1949), tidlegare AKP-politikar
• Pål Hermansen (f. 1955), norsk kunstnar
• Pål Gunnar Mikkelsplass (f. 1961), norsk langrennar
• Pål Trulsen (f. 1962), norsk curlingspelar
• Pål Anders Ullevålseter (f. 1968), norsk motorsportutøvar
• Pål Arne Fagernes (1974-2003), norsk spydkastar
• Pål Hellesnes (f. 1975), norsk journalist
• Pål Strand (f. 1976), norsk fotballspelar
• Pål Grotnes (f. 1977), norsk ishockeyspelar
• Pål Moddi Knutsen (f. 1987), norsk musikar
• Pål Varhaug (f. 1991), norsk motorsportutøvar

Paul

• Paul I av Russland (1754-1801), russisk tsar
• Paul Cézanne (1839-1906), fransk målar
• Paul von Hindenburg (1847-1934), tysk statsmann
• Paul Gauguin (1848-1903), fransk kunstnar
• Paul Abraham (1892-1960), ungarsk-jødisk komponist
• Pave Paul VI (1897-1978)
• Paul Okkenhaug (1908-1975), norsk komponist
• Paul Keres (1916-1975), estisk sjakkspelar
• Paul Celan (1920-1970), tyskspråkleg jødisk lyrikar, forfattar og omsetjar.
• Paul Newman (1925-2008), amerikansk skodespelar
• Paul Martin (f. 1938), kanadisk statsminister
• Paul Anka (f. 1941), musikar og skodespelar
• Paul Kantner (f. 1941), amerikansk musikar
• Paul Simon (f. 1941), amerikansk musikar
• Paul McCartney (f. 1942), britisk musikar frå The Beatles
• Paul Carrack (f. 1951), engelsk musikar
• Paul Thompson (f. 1951), engelsk trommeslagar
• Paul Waaktaar-Savoy (f. 1961), norsk gitarist frå A-ha og Savoy

Kjelder

• Folketeljingar i Digitalarkivet

• Søk etter norsk namnestatistikk for Pål hjå Statistisk Sentralbyrå