Philip de László

Philip Alexius de László (30. april 186922. november 1937) var ein ungarsk malar som særleg er kjend for portretta sine av kongelege og adelege kundar. Han var ein av dei leiande portrettmålarane i byrjinga av 1900-talet.

Philip de László

Pseudonym László, Fülöp, De László, Philip Alexius, Laszlo De Lombos, Philipp Alexius
Statsborgarskap Storbritannia, kongeriket Ungarn
Fødd 30. april 1869
Budapest, Pest i Ungarn
Død

22. november 1937 (68 år)
Hampstead

Yrke kunstmålar, bilethoggar
Sjanger portrett
Religion Den romersk-katolske kyrkja
Far Adolf Laub
Mor Johanna Balogh
Ektefelle Lucy Guinness
Born John de László, Stephen Philip de László, Patrick de László
Signatur
Philip de László på Commons

Karriere endre

Philip de László var fødd i Budapest som Laup Fülöp Elek, son av ein jødisk skreddar, Adolf Laup. Familien endra etternamnet sitt til László i 1891.

Då han var ung var han tilsett som lærling hos ein fotograf, medan han samtidig studerte kunst. László fekk ein plass på det Nasjonale Kunstakademiet der han studerte under Bertalan Székely og Károly Lotz. Sidan studerte han i München og Paris.

Portrettet hans av pave Leo XIII gav han ein gullmedalje ved Verdsudstillinga i Paris i 1900.

I 1903 flytta László til Wien og i 1907 til London, der han budde resten av livet.

Kundane hans gav han ei rekkje talrike medaljar og ærestilvisingar. I 1909 blei han æresmedlem av Royal Victorian Order, som han fekk av kong Edvard VII av Storbritannia.

I 1912 blei han adla av keisar Frans Josef I av Austerrike-Ungarn, under namnet László de Lombos. Familien forkorta sidan namnet til de László.

I 1914 blei László britisk statsborgar, men under fyrste verdskrigen sat han internert i 12 månader frå 1917 til 1918.

László fekk eit hjarteåtak i 1936 og igjen året etter, då han døydde. Då han døydde hadde han måla over 2700 portrett. I 1939 kom boka Portrait of a Painter. The authorised Life of Philip de László ut. Bogen var skriven i samarbeid med László.

Galleri endre

Kjelder endre

Bakgrunnsstoff endre

  Commons har multimedium som gjeld: Philip de László