Rugder
Rugder er ei gruppe på sju svært like nolevande artar av vadefuglar i slekta Scolopax. Berre to rugder har vid utbreiing på den nordlege halvkula, dei andre er lokale øyendemiske artar i Søraust-Asia, nord og sør for ekvator. Dei næraste slektningane deira er sniper i slekta Gallinago.[1]
| Rugder | |
 Amerikarugde, Scolopax minor Foto: Flicr brukar: guizmo_68
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Vade-, måse- og alkefuglar Charadriiformes |
| Familie: | Snipefamilien Scolopacidae |
| Slekt: | Rugder Scolopax Linnaeus, 1758 |
Rugder har tettvaksne kroppar, kryptiske brun og gråsvart fjørdrakt og lange slanke nebb. Auga deira er plassert på sidene av hovudet, noko som gjev dei synsfelt på 360 °.[2] Spesielt for rugder, og i motsetnad til dei fleste andre fuglar, er at spissen på overkjeven av nebbet er bøyeleg.[3]
Rugder er typiske skogsfuglar. Dei beitar om natta eller om kvelden etter virvellause dyr i mjuk mark med dei lange nebba sine. Denne vanen og den kamuflasjefarga fjørdrakta gjer det vanskeleg å oppdage dei når dei kviler på dagtid. Dei fleste har karakteristiske spelflukt kjent som rugdetrekk, vanlegvis gjeve ved daggry eller i skumringa.[4]
Alle rugder er populære jaktfuglar; øyendemiske artar er ofte ganske sjeldne allereie pga. høgt jaktpress. Rugdefjører er mykje verdsette som penselbustar av kunstnarar, som brukar dei til fint måleriarbeid.[5] Det er dekkfjører over hovudhandsvingfjøra på vengen som brukast.
Artslista
endreRugder i rekkjefølgje etter EBird/Clements Checklist v2018[6] med norske namn etter Norske navn på verdens fugler:[7]
- Rugde, Scolopax rusticola, Eurasian Woodcock, Linné, 1758, (LC)
- Vid eurasisk utbreiing
- Amamirugde, Scolopax mira, Amami Woodcock, Hartert, 1916, (VU)
- Endemisk til øyar i Japan
- Bukidnonrugde, Scolopax bukidnonensis, Bukidnon Woodcock, Kennedy, Fisher, TH, Harrap, Diesmos & Manamtam, 2001, (LC)
- Endemisk til øyar i Filippinene
- Jungelrugde, Scolopax saturata, Javan Woodcock, Horsfield, 1821, (NT)
- Endemisk til øyar i Indonesia og Papua Ny-Guinea
- Papuarugde, Scolopax rosenbergii, New Guinea Woodcock, Schlegel, 1871, (LC)
- Lever i indre område av øya Ny-Guinea, både i Indonesia og i Papua Ny-Guinea i aust
- Sulawesirugde, Scolopax celebensis, Sulawesi Woodcock, Riley, 1921, (NT)
- Endemisk til øya Sulawesi i Indonesia
- Molukkrugde, Scolopax rochussenii, Moluccan Woodcock, Schlegel, 1866, (EN)
- Endemisk til øyar i Indonesia
- Amerikarugde, Scolopax minor, American Woodcock, Gmelin, JF, 1789, (LC)
- Hekkar i Nord-Amerika, overvintrar ved kysten i Mexicogolfen
Kjelder
endre- Første versjon av denne artikkelen byggjer på «Woodcock» frå Wikipedia på engelsk, den 21. juni 2011', følgjande referansar var gjevne:
- Hayman, Peter; Marchant, John & Prater, Tony (1986): Shorebirds: an identification guide to the waders of the world. Houghton Mifflin, Boston. ISBN 0-395-60237-8
- Kennedy, Robert S.; Fisher, Timothy H.; Harrap, Simon C.B.; Diesmos, Arvin C: & Manamtam, Arturo S. (2001): A new species of woodcock from the Philippines and a re-evaluation of other Asian/Papuasian woodcock. Forktail 17(1): 1-12. PDF fulltext
- McKelvie, Colin Laurie (1993): Woodcock and Snipe: Conservation and Sport. Swan Hill.
- Mousley, H. (1934): The earliest (1805) unpublished drawings of the flexibility of the upper mandible of the woodcock's bill. Auk 51(3): 297-301. DjVu fulltext Arkivert 2011-06-14 ved Wayback Machine. PDF fulltext Arkivert 2011-06-14 ved Wayback Machine.
- Thomas, Gavin H.; Wills, Matthew A. & Székely, Tamás (2004): A supertree approach to shorebird phylogeny. BMC Evol. Biol. 4: 28. doi:10.1186/1471-2148-4-28 PDF fulltext Arkivert 2016-04-11 ved Wayback Machine. Supplementary Material
- ↑ Hayman et al. (1986), Thomas et al. (2004)
- ↑ http://www.britannica.com/EBchecked/topic/647536/woodcock
- ↑ Mousley (1934), Hayman et al. (1986), McKelvie (1993)
- ↑ Hayman et al. (1986), McKelvie (1993), Kennedy et al. (2001)
- ↑ Dowden, Joe Francis (2007). The Landscape Painter's Essential Handbook. Newton Abbot, UK: David & Charles. s. 7. ISBN 0715325019.[daud lenkje]
- ↑ Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2018), eBird/Clements Checklist v2018 (CSV), Cornell Lab of Ornithology, henta 24. februar 2019
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)
Bakgrunnsstoff
endre- Videoar av snipene hos the Internet Bird Collection