Kamphandlinga 2. mai 1707

Kamphandlinga 2. mai 1707, òg kjend som Beachy Head, var eit sjøslag i den spanske arvefølgjekrigen der ein fransk skvadron under Claude de Forbin hindra ein stor britisk konvoi eskortert av tre linjeskip under kommandør Baron Wylde. Kamphandlinga starta då tre franske skip, «Grifon», «Blackoal» og «Dauphine», forankra seg til HMS «Hampton Court», tok livet av kapteinen hennar, George Clements, og kapra skipet. «Mars» med 60 kanonar, styrt av Claude Forbin, gjekk så til åtak på HMS «Grafton» og då dei franske skipa «Blackoal» og «Fidèle» kom til, tok dei livet av kapteinen Edward Acton, og tok dette skipet òg. Konvoien vart spreidd og det siste britiske eskorteskipet, HMS «Royal Oak», vart hardt råka og med 12 fot vatn innanbords klarte det å kome seg unna ved å gå på land nær Dungeness. Dagen etter vart «Royal Oak» slept frå staden det stranda, ned til The Downs.

Kamphandlinga 2. mai 1707
Del av den spanske arvefølgjekrigen
Kamphandlinga 2. mai 1707. National Maritime Museum.
Dato 2. og 3. mai 1707 Stad utanfor Beachy Head Resultat Fransk siger
Partar
Frankrike	Storbritannia
Kommandantar
Claude de Forbin	kommandør Baron Wylde
Styrkar
7 linjeskip 6 kaperskip	3 linjeskip 52 handelsskip
Tap
Små	To linjeskip kapra 21 handelsskip kapra

Den spanske arvefølgjekrigen

Flamske og rhinske felttog Friedlingen – Kehl – Ekeren – Höchstädt – Speyerbach – Schellenberg – Blenheim – Elixheim – Ramillies – Stollhofen – Oudenarde – Beachy Head – Lizard Point – Wijnendale – Lille – Malplaquet – Bouchain – Denain Italienske felttog Carpi – Chiari – Cremona – Luzzara – Cassano – Nice – Calcinato – Torino – Castiglione – Toulon – Gaeta – Cesana – Campo Maior – Siracusa Spanske og portugisiske felttog Cádiz – Vigobukta – Cap de la Roque – Gibraltar – Ceuta – Málaga – Cabritaneset – Montjuïc – 1. Barcelona – Badajoz – 2. Barcelona – Santa Cruz de Tenerife – Almansa – Xàtiva – Ciudad Rodrigo – Tortosa – Menorca – La Gudina – Almenar – Saragossa – Brihuega – Villaviciosa – 3. Barcelona

Franskmennene tok 21 handelsskip, i tillegg til to 70-kanonars linjeskip, og førte dei alle til Dunkerque.

Slaget

Den 1. mai sette ein stor konvoi av stad mot Vestindia, verna av tre linjeskip. Dei segla ut frå the Downs og var kring 18 n.m. vest for Beachy Head, då dei møtte den franske skvadronen frå Dunkerque, kommandert av Claude de Forbin. Skvadronen bestod av sju linjeskip og seks kaperskip. Slaget byrja då tre franske skip, «Grifon», «Blackoal» og «Dauphine», forankra seg til HMS «Hampton Court», tok livet av kapteinen hennar, George Clements, og kapra skipet. Kommandør Wyld tok fem av dei største handelsskipa inn i linja si og møtte med stort mot åtaket til dei franske skipa. I to og ein halv time kom det tung eld frå begge sider. «Hampton Court» kjempa desperat, men måtte overgje seg. Claude Forbin sitt 60-kanonars «Mars» gjekk så til åtak på HMS «Grafton» og fekk med seg dei franske skipa «Blackoal» og «Fidèle», og skipet vart kapra etter ein halvtime med kanoneld. Wyld sitt HMS «Royal Oak», som hadde 11-12 fot vatn i lasterommet, klarte å komme seg unna med store tap ved å grunnstøyte. Skipet vart sidan slept til The Downs.

Slagordenen

Frankrike

• «Mars» 60 - Chevalier de Forbin, Chef de Division.
• «Dauphine» 56 - Comte de Roquefeuil
• «Fidèle» 56 - Baron d'Arey.
• «Blackoal» 54 - de Tourouvre
• «Salisbury» 50 - Chevalier de Vezins.
• «Griffon» 50 - Chevalier de Nangis
• «Protée» 50 - Comte d'Illiers.

6 kaperskip

Storbritannia

• HMS «Royal Oak» 76 - Kommandør Baron Wylde, unnslapp forlis ved stranding.
• HMS «Hampton Court» 70 - Kaptein George Clements †, kapra.
• HMS «Grafton» 70 - Kaptein Edward Acton  †, kapra.

55 handelsskip

Kjelder

• Denne artikkelen bygger på «Action of 2 May 1707» frå Wikipedia på engelsk, den 19. desember 2011.
  • Wikipedia på engelsk oppgav desse kjeldene:
• Haws, Duncan; Hurst, Alexander Anthony (1985). The Maritime History of the World: A Chronological Survey of Maritime Events from 5 000 B.C. Until the Present Day. Vol I. ISBN 978-0-903662-10-9.
• Allen, Joseph. Battles of the British Navy: from A.D. 1000 to 1840 Bell & Daldy publishing, ASIN B00087UD9S
• Troude, O. Batailles navales de la Frankrike, Vol. I.