Knoppsildre

Knoppsildre (Saxifraga cernua) er ein fleirårig urteplante i sildrefamilien.

Knoppsildre
Knoppsildre
Utbreiing
Utbreiinga av Knoppsildre
Systematikk
Rike:	Planteriket Plantae
Overrekkje:	Landplantar Embryophytes
Rekkje:	Karplantar Tracheophytes
Underrekkje:	Frøplantar Spermatophytes
Orden:	Sildreordenen Saxifragales
Familie:	Sildrefamilien Saxifragaceae
Slekt:	Sildreslekta Saxifraga
Art:	Knoppsildre S. cernua
Vitskapleg namn
Saxifraga cernua L., 1753

Planten er låg med ein opprett, spinkel stengel. Dei nedre blada er nyreforma med 5–7 fliker og lang stilk. Stengelblada har få eller ingen flikar og har raude yngleknopper i bladhjørna. Blomane er kvite, 12–18 mm store og sit einskildvis. Knoppsilde veks på kalkgrunn der marka er våt, ofte i skugge. Han formeirar seg hovudsakleg med yngleknoppar, og set sjeldan frø.

Planten har sirkumpolar utbreiing i Arktis og i fjellstrøk lenger sør. Han er polyploid og kromosomtalet varierer, 2n = 24–72. Arten har truleg oppstått som ein hybrid mellom bekkesildre (S. rivularis) på den eine sida, og Saxifraga sibirica og Saxifraga radiata på den andre.

I Europa finst knoppsildre på Island, Jan Mayen, Svalbard, Frans Josefs land, Novaja Semlja, langs den skandinaviske fjellkjeda i Noreg, Sverige og Finland og dessutan i Skottland, Nord-Russland og nokre få stader i Alpane og Karpatane. I Noreg er knoppsildre ganske vanleg i fjellet i heile landet og finst opp til 2200 moh. i Jotunheimen.

Kjelder

• Denne artikkelen bygger på «Knoppsildre» frå Wikipedia på bokmål, den 17. juni 2023.

Litteratur

• C. Grey-Wilson og M. Blamey; norsk utgave T. Faarlund og P. Sunding. Teknologisk Forlags store illustrerte flora for Norge og Nord-Europa. Teknologisk Forlag. s. 172–173. ISBN 82-512-0355-4. 
• «Knoppbräcka». Den virtuella floran. Arkivert frå originalen 13. juli 2022. Henta 4. november 2015. 

Bakgrunnsstoff

• R. Elven m.fl. (red.) Saxifraga cernua i Annotated Checklist of the Panarctic Flora (PAF): Vascular plants. Besøkt 4. november 2015.
• (no) Knoppsildre hos Artsdatabanken
• (en) Knoppsildre i Encyclopedia of Life
• (en) Knoppsildre i Global Biodiversity Information Facility
• (sv) Knoppsildre hos Dyntaxa
• (en) Knoppsildre hos ITIS
• (en) Knoppsildre hos NCBI
• (en) Knoppsildre hos Panarctic Flora
• (en) Knoppsildre hos The International Plant Names Index
• (en) Knoppsildre hos Tropicos
• (en) Kategori:Saxifraga cernua – bilete, video eller lyd på Wikimedia Commons
• (en) Saxifraga cernua – galleri av bilete, video eller lyd på Wikimedia Commons