Lofamilien

Lofamilien er ein biologisk familie av loer, boltitar og viper i ordenen vade-, måse- og alkefuglar, Charadriiformes. Totalt er det klassifisert ca. 66 artar.

Lofamilien
Kvitbrystlo, Charadrius alexandrinus
Utbreiing
Utbreiinga av lofamilien
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Underklasse:	Neognathae
Overorden:	Neoaves
Orden:	Vade-, måse- og alkefuglar Charadriiformes
Familie:	Lofamilien Charadriidae Vigors, 1825

Dette er små til mellomstore vadefuglar med kompakt kropp, kort, tjukk hals og lange, vanlegvis spisse venger. Dei varierer i storleik frå svartkronelo på 26 gram og 14 cm til maskevipe på opptil 370 gram og 38 cm.

Dei er distribuert på opent land over heile verda, hovudsakleg i habitat nær vatn, sjølv om det er nokre unntak, ørkenboltit, til dømes, føretrekkjer steingrunn i ørkenen i Sentral- og Vest-Australia.

Desse fuglane finn føde med hjelp av synet, heller enn ved å søkje med lange nebb som nokre sniper gjer. Dietten femnar om insekt, makk eller andre virvellause dyr avhengig av type habitat dei lever i. Jaktteknikken er vanlegvis ein springe-og-pause teknikk, snarare enn stadige undersøkingar slik nokre av dei andre gruppene av vadefuglar gjer. I hekketida vernar dei territoria sine med hjelp av sterkt synlege oppvisingar.

Taksonomi

Generelt har større artar i familien ofte blitt kalla viper, mindre artar loer eller boltitar. Loer, boltitar og viper i rekkjefølgje etter Clementslista versjon 6.8 frå august 2013 med norske namn etter Norske navn på verdens fugler:

Slekt Pluvialis

• Tundralo, Pluvialis squatarola, Black-bellied Plover, LC, Linné, 1758
• Heilo, Pluvialis apricaria, European Golden-Plover, LC, Linné, 1758
• Kanadalo, Pluvialis dominica, American Golden-Plover, LC, Müller, 1776
• Sibirlo, Pluvialis fulva, Pacific Golden-Plover, LC, Gmelin, 1789

Slekt Oreopholus

• Rusthalslo, Oreopholus ruficollis, Tawny-throated Dotterel, LC, Wagler, 1829

Slekt Vanellus

Samlar dei 24 vipeartane som er klassifiserte, inkluderer den palearktiske arten vipe som òg finst i Noreg

Slekt Charadrius

Dette er 31 artar av dei typiske loer, dei fleste er karakteriserte av brystband og krageteikning i fjørdrakta. Boltit høyrer òg inn her.

Slekt Erythrogonys

• Brunsidelo, Erythrogonys cinctus, Red-kneed Dotterel, LC, Gould, 1838

Slekt Thinornis

• Svarthovudlo, Thinornis cucullatus, Hooded Plover, VU, Gmelin, 1789
• Fjærelo, Thinornis novaeseelandiae, Shore Plover, EN, Gmelin, 1789

Slekt Elseyornis

• Brunskulderlo, Elseyornis melanops, Black-fronted Dotterel, LC, Vieillot, 1818

Slekt Peltohyas

• Ørkenboltit, Peltohyas australis, Inland Dotterel, LC, Gould, 1841

Slekt Anarhynchus

• Skeivnebblo, Anarhynchus frontalis, Wrybill, VU, Quoy & Gaimard, 1830

Slekt Phegornis

• Diademlo, Phegornis mitchellii, Diademed Sandpiper-Plover, NT, Fraser, 1845

Kjelder

• Denne artikkelen bygger på «Charadriidae» frå Wikipedia på engelsk, den 21. november 2009

Bakgrunnsstoff

• Charadriidae videoar hos Internet Bird Collection
• Charadriidae lydopptak hos xeno-canto.org
• (no) lofamilien hos Artsdatabanken
• (en) lofamilien – oversikt og omtale av artane i WORMS-databasen
• (en) lofamilien i Encyclopedia of Life
• (en) lofamilien i Global Biodiversity Information Facility
• (sv) lofamilien hos Dyntaxa
• (en) lofamilien hos Fauna Europaea
• (en) lofamilien hos Fossilworks
• (en) lofamilien hos ITIS
• (en) lofamilien hos NCBI
• (en) Kategori:Charadriidae – bilete, video eller lyd på Wikimedia Commons
• (en) Charadriidae – galleri av bilete, video eller lyd på Wikimedia Commons