Religiøse nasjonalsymbol

Religiøse nasjonalsymbol er utbreidde over heile verda, og finst på mange flagg og riksvåpen. Dei religiøse nasjonalsymbola kan vera gamle symbol som blir gjevne nasjonal tyding, eller vera valde for å symbolisera ein fleirtals- eller statsreligion. Kristne krossar og muslimsk stjerne og halvmåne er vanlege slike symbol, men det finst mange andre variantar. Nokre kristne land bruker symbol særskilt knytte til ein nasjonal vernehelgen, som den heilage Jørgen, som òg vert kalla sankt Georg.

Andre land kan velja å ha nasjonalsymbol utan ei klar religiøs tilknyting, til dømes for å framheva sekularisme eller for å fremja samhald mellom ulike religiøse samfunn. Trikolorar er utbreidde flagg utan nasjonalsymbol, sjølv om fargane kan ha religiøs symbolikk. Sosialistiske land har ofte teke i bruk sosialistiske symbol som hammar og sigd, den raude stjerna og det raude flagget i flagg og riksvåpen og heilt unngått religiøse nasjonalsymbol.

Noverande religiøse nasjonalsymbol

Lista er ufullstendig

Land	Symbol og brukt	Døme	Religion
Afghanistan	Den muslimske truvedkjenninga og ein moské i flagg og riksvåpen		Islam
Brunei	Halvmåne i flagg og riksvåpen		Islam
Danmark	Den nordiske krossen i flagget		Kristendommen
England	Georgskross i flagget		Kristendommen
Finland	Den nordiske krossen i flagget		Kristendommen
Georgia	Georgskross i flagget		Kristendommen
Irak	«Allahu akbar» ('Gud er stor') på flagget		Islam
Island	Den nordiske krossen i flagget		Kristendommen
Israel	Davidstjerne i flagget, menora i riksvåpenet		Jødedommen
Jamaica	Georgskross i riksvåpenet		Kristendommen
Noreg	Den nordiske krossen i flagget		Kristendommen
Pakistan	Stjerne og halvmåne i flagg og riksvåpen		Islam
Saudi-Arabia	Den muslimske truvedkjenninga i flagget		Islam
Serbia	Serbisk kross i flagg og riksvåpen		Kristendommen
Slovakia	Patriarkkross i flagg og riksvåpen		Kristendommen
Skottland	Andreaskross i flagget		Kristendommen
Sri Lanka	Bo-blad i flagget og dharmatjakra i riksvåpenet		Buddhismen
Sverige	Den nordiske krossen i flagget		Kristendommen
Sør-Korea	Yin-yang i flagget og riksvåpenet		Taoismen
Tyrkia	Halvmåne i flagget og riksvåpenet		Islam

Tidlegare og uoffisielle religiøse nasjonalsymbol

Irland

St. Patrickskross i eit tidlegare flagg, St Patrickflagget

Kristendommen