Run Devil Run av Paul McCartney

Run Devil Run Studioalbum av Paul McCartney
Utgjeve	4. oktober 1999 (Storbritannia) 5. oktober 1999 (USA)
Innspelt	1. mars – 5. mai 1999
Studio	Abbey Road Studios, London
Sjanger	Rock and roll, rockabilly
Lengd	40:46
Selskap	Parlophone
Tekstforfattar	Paul McCartney
Produsent	Chris Thomas, Paul McCartney
Paul McCartney-kronologi
Rushes (1998)	Run Devil Run	Working Classical (1999)
Singlar frå Run Devil Run
«No Other Baby» Utgjeve: 24. oktober 1999 (Storbritannia)

Run Devil Run er det 11. studioalbumet til Paul McCartney, gjeve ut i 1999. Det inneheld hovudsakleg coverversjonar av både kjende og ukjende rock and roll-songar frå 1950-åra, i tillegg til tre originale McCartney-songar skrivne i same stil. Tittelsporet er ein av desse songane som McCartney skreiv. Det var det første prosjektet hans etter den første kona hans, Linda, døydde i 1998. McCartney følte han måtte gå attende til røtene sine og spele musikken han elska som tenåring. Den 14. desember 1999 kom McCartney attende til Cavern Club for å spele songar frå det nye albumet.

Meldingar
Karakter
Kjelde	Karakter
AllMusic
Encyclopedia of Popular Music
Entertainment Weekly	A–
The Essential Rock Diskografi	7/10
Q
Robert Christgau	(A−)
Rolling Stone

Etter kona Linda McCartney døydde i april 1998, tok Paul McCartney eit år fri for å sørgje.

Musikk og tekst

Albumet består av tolv coverlåtar og tre originale songar av McCartney. Av coverlåtane vart «Blue Jean Bop» skriven og spelt inn av Gene Vincent i 1956. «She Said Yeah» vart blitt spelt av Larry Williams. «All Shook Up», «I Got Stung» og «Party» var blitt spelt av Elvis Presley. «No Other Baby» var skriven av Dickie Bishop og Bob Watson, og vart opphavleg spelt inn i 1958 av skifflegruppa The Vipers og gjeve ut som singel. Trass i at McCartney aldri hadde eigd songen gjorde han nok inntrykk til at McCartney spelte inn songen 30 år seinare. «Lonesome Town» vart blitt spelt av Ricky Nelson. «Movie Magg» vart blitt spelt inn av Carl Perkins. Chuck Berry-songen «Brown Eyed Handsome Man» vart spelt inn av både han og Buddy Holly. «Shake a Hand» vart skriven av Joe Morris og spelt inn av Little Richard i 1958. «Coquette» var blitt spelt inn av Fats Domino. «Honey Hush» vart først spelt inn av Joe Turner, men McCartney nemnde i omslaget den meir kjende versjonen til Johnny Burnette.

Av dei originale songane er «Run Devil Run» ein song i Chuck Berry-stil.

Innspeling og struktur

McCartney ønskte å arbeide med dugande og empatiske musikarar, og ringde Pink Floyd-gitaristen David Gilmour. Andre gitaristar var Mick Green, klaverspelaren Pete Wingfield og Geraint Watkins, og på trommer Deep Purple-medlemmet Ian Paice og Dave Mattacks. McCartney spelte bass og stundom elektrisk gitar. McCartney ønskte at innspelingane skulle vere avslappa utan post-produksjon.. McCartney tok med ei liste over songane han ønskte å spele. Den første innspelinga var ei veke tidleg i mars, og nokre fleire innspelingar vart gjort i april og mai.

Utgjeving

Albumet kom ut 4. oktober 1999 i Storbritannia, og dagen etter i USA. Albumet nådde 12. plassen på albumlista i Storbritannia og 27. plassen i USA.. Tittelen Run Devil Run var inspirert av Miller's Rexall Drugs, ein hoodoo og urtemedisinbutikk i South Downtown i Atlanta.

Det vart gjeve ut ei rekkje bonussplater og singlar i lag med albumet. To spesialutgåver av Run Devil Run med avgrensa bonusdiskar var tilgjengelege i enkelte butikkar. Ei spesialutgåve som berre var i sal hos Best Buy inneheld ei bonusplate med intervju. Ei liknande spesialutgåve vart berre seld på Musicland og Sam Goody, med ein EP på fire spor med originalversjonar av songar frå albumet: «Blue Jean Bop» av Gene Vincent & His Blue Caps, «Lonesome Town» av Ricky Nelson, «Coquette» av Fats Domino og «Let's Have a Party» av Wanda Jackson.

«No Other Baby» kom ut på 7" vinylsingel i Storbritannia med to songar på B-sida, «Brown Eyed Handsome Man» og songen «Fabulous», som ikkje var med på albumet. I Amerika vart «No Other Baby» gjeven ut på ein spesial jukeboks-singel, med «Try Not to Cry» på B-sida. «No Other Baby», «Brown Eyed Handsome Man» og «Fabulous» vrt gjevne ut på to forskjellige CD-singlar, ein med stereoversjonar av dei tre songanr og den andre med monoversjonar. Det vart filma ein musikkvideo for «No Other Baby», i svart-kvitt.

McCartney filma ein konsert i The Cavern Club som ein del av marknadsføringa av albumet, den 14. desember 1999.

I Storbritannia vart òg alle femten songane på albumet, i lag med «Fabulous», gjevne ut 25. desember 1999, som ei samling på åtte 7"-singlar selde i lag i ei Run Devil Run Limited Edition Collector's Box som var utforma som ein platekasse frå 1950-åra.

Innhald

Nr.	Tittel	Låtskrivar(ar)	Lengd
1.	«Blue Jean Bop»	Gene Vincent, Hal Levy	1:57
2.	«She Said Yeah»	Roddy Jackson, Sonny Bono [som 'Don Christy']	2:07
3.	«All Shook Up»	Otis Blackwell, Elvis Presley	2:06
4.	«Run Devil Run»	Paul McCartney	2:36
5.	«No Other Baby»	Dickie Bishop, Bob Watson	4:18
6.	«Lonesome Town»	Baker Knight	3:30
7.	«Try Not to Cry»	McCartney	2:41
8.	«Movie Magg»	Carl Perkins	2:12
9.	«Brown Eyed Handsome Man»	Chuck Berry	2:27
10.	«What It Is»	McCartney	2:23
11.	«Coquette»	Johnny Green, Carmen Lombardo, Gus Kahn	2:43
12.	«I Got Stung»	David Hill, Aaron Schroeder	2:40
13.	«Honey Hush»	Joe Turner	2:36
14.	«Shake a Hand»	Joe Morris	3:52
15.	«Party»	Jessie Mae Robinson	2:38
16.	«Fabulous»	Bernie Lowe, Kal Mann	2:16

Medverkande

Medverkande per CD-heftet.

Musikarar

• Paul McCartney – vokal, bassgitar, elektrisk gitar, perkusjon, akustisk gitar
• David Gilmour – elektrisk gitar, korvokal, lap steel gitar
• Mick Green – elektrisk gitar
• Ian Paice – trommer, perkusjon
• Pete Wingfield – klaverinstrument, piano, Hammondorgel, Wurlitzer
• Dave Mattacks – trommer, perkusjon
• Geraint Watkins – Wurlitzer, piano
• Chris Hall – trekkspel

Produksjon

• Chris Thomas, Paul McCartney – produsent
• Geoff Emerick, Paul Hicks – lydteknikar
• Steve Rooke – mastering
• Dave Fine – fotografi på omslaget
• Richard Haughton – foto av McCartney
• Mike McCartney – foto av den unge McCartney
• John Hammel – foto frå inspelingar
• Mike Owen – produktfoto
• Philip Gallard – instrumentfoto
• Klaus Voormann, Aleen Toroyan – teikningar
• Norman Hathaway – design

Salslister

Vekeslister Liste (1999) Plassering Norske VG-lista 12 UK Albums Chart 12 Den austerrikske albumlista 18 Den tyske Media Control-lista 21 Den svenske albumlista 23 USA Billboard 200 27 Den japanske albumlista 30 Den sveitsiske albumlista 36 Den belgiske albumlista (Flandern) 44 Den nederlandske albumlista 53 Den franske SNEP-lista 55

Årslister Liste (1999) Plassering UK Albums Chart 117 Salstrofé og salstal Region Salstrofé Salstal Japan (Oricon Charts) 14,870 Storbritannia (BPI) Gull 105,332 *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Kjelder

• Denne artikkelen bygger på «Run Devil Run (album)» frå Wikipedia på engelsk, den 25. mai 2018.
  • Wikipedia på engelsk oppgav desse kjeldene:
• Benitez, Vincent P. (2010). The Words and Music of Paul McCartney: The Solo Years. Santa Barbara, Calif.: Praeger. ISBN 978-0-313-34969-0. 
• Carlin, Peter Ames (2010). Paul McCartney: A Life. New York: Simon & Schuster. ISBN 978-1-4165-6223-8. 
• Ingham, Chris (2009). The Rough Guide to the Beatles (3rd utg.). Rough Guides UK. ISBN 978-1-84836-752-4. 
• Jackson, Andrew Grant (2012). Still the Greatest: The Essential Songs of the Beatles' Solo Careers (illustrated utg.). Lanham, Md.: Scarecrow Press. ISBN 978-0-8108-8223-2. 
• Rodriguez, Robert (2010). Fab Four FAQ 2.0: The Beatles' Solo Years, 1970–1980. New York: Backbeat Books. ISBN 978-0-87930-968-8. 
• Sounes, Howard (2010). Fab: An Intimate Life of Paul McCartney. [S.l.]: HarperCollins. ISBN 978-0-00-723706-7.