Speedway av Elvis Presley

Speedway Filmmusikkalbum av Elvis Presley
Språk	engelsk
Utgjeve	1. mai 1968
Innspelt	Mai 1963, juni-september 1967, januar 1968
Sjanger	Filmmusikk, rock, pop
Lengd	28:26
Selskap	RCA Victor
Produsent	Jeff Alexander
Elvis Presley-kronologi
Elvis' Gold Records Volume 4 (1968)	Speedway	Elvis Sings Flaming Star (1968)
Singlar frå Speedway
«Your Time Hasn't Come Yet Baby» Utgjeve: 25. juni 1968

Speedway er det 32. albumet til Elvis Presley. Det vart gjeve ut i mai 1968 av RCA Victor i mono og stereo, LPM/LSP 3989. Albumet inneheld musikk frå filmen Speedway frå 1968, der Presley sjølv spelte. Innspelinga fann stad i MGM Studios i Hollywood, den 20. og 21. juni 1967. Albumet nådde 82. plassen på Billboard 200.

Meldingar
Karakter
Kjelde	Karakter
Allmusic

Innhald

I juni 1967, medan Presley arbeidde med filmmusikk, gav The Beatles ut Sgt. Pepper's Lonely Hearts Club Band og endra musikkindustrien. The Velvet Underground & Nico skulle få stadig meir innverknadsrik over tid og Surrealistic Pillow av Jefferson Airplane, debutalbumet til The Doors og I Never Loved A Man the Way I Love You av Aretha Franklin var alle bestseljarar. Monterey Pop Festival hadde nettopp funne stad lenger nord i California frå der Presley arbeidde. Han var klar over somme av endringane som skjedde i popmusikken kring seg, men vart i stadig aukande grad isolert då det var meir filmmusikk som måtte spelast inn.

Det vart spelt inn åtte songar under innspelinga der «Suppose», som var den einaste songen som hadde interesse for Presley, ikkje vart nytta i filmen. To songar vart gjevne ut på ein singel, «Your Time Hasn't Come Yet Baby» med «Let Yourself Go» på B-sida, og begge sider nådde dei lågare delane av Billboard Hot 100 (høvesvis 72. og 71. plass), men selde dårleg. «There Ain't Nothing Like A Song» som vart avvist frå filmmusikken til Spinout, var ein av to songar med vokal av Nancy Sinatra, her i ein duett med Presley. All vokalen hennar, og songen hennar «Your Groovy Self,» den einaste gongen ein song utan Elvis vart gjeven ut på eit av albuma hans, vart spelte inn i ei anna innspeling den 26. juni der Lee Hazlewood var produsent. Tre songar som var til overs frå tidlegare innspelingar, inkludert ei frå innspelinga i mai 1963, vart henta fram til å fylle opp albumet med songar.

Speedway tok over rekorden for lågast listeplassering og salstal for Presley, mindre enn 100 000 selde eksemplar, og den framtidige platekarrieren hans stod i fare. Det kom noko bra ut av det, sidan plateselskapet fann ut at ein ikkje kunne halde fram med denne filmmusikkformelen som ikkje lenger fungerte. Dette var den siste dramafilmen med Presley som fekk eit fullt filmmusikkalbum. Dei siste fem filmane hans dette tiåret — Stay Away, Joe, Live A Little, Love A Little, Charro!, The Trouble with Girls og Change of Habit — konsentrere seg om skodespelaren Presley, og ikkje songaren, og hadde få songar av Presley med. Det var òg det siste Presley-albumet som vart gjeven ut i både stereo og mono, sidan mono var på veg ut av industrien. Den sjeldne mono-utgåva Speedway (LPM-3989) er i dag etterspurt blant samlarar. Tre songar frå albumet finst på Command Performances: The Essential 60s Masters II (1995): dei to sidene frå singelen og tittelsporet.

Medverkande

Elvis Presley − vokal The Jordanaires − korvokal Charlie McCoy − trompet Boots Randolph − saksofon Pete Drake − pedalsteelgitar Tiny Timbrell − akustisk gitar (den 20. juni) Chip Young − elektrisk gitar Tommy Tedesco − elektrisk gitar (den 21. juni) Larry Muhoberac − piano Charlie Hodge − piano (den «Suppose») Bob Moore − kontrabass D.J. Fontana, Buddy Harman − trommer

26. juni-innspelinga: Nancy Sinatra − vokal Roy Caton, Virgil Evans, Oliver Mitchell − trompet Dick Hyde − trombone Billy Strange, Donald Owens, Donnie Lanier, Al Casey − elektrisk gitar Larry Knechtel, Don Randi − piano Chuck Berghofer − bass Hal Blaine − trommer

Innhald

Side ein

Nr.	Tittel	Låtskrivar(ar)	Innspelt	Lengd
1.	«Speedway»	Mel Glazer og Stephen Schlaks	20. juni 1967	2:10
2.	«There Ain't Nothing Like A Song» (duet with Nancy Sinatra)	Joy Byers og Bob Johnston	20. juni 1967	2:06
3.	«Your Time Hasn't Come Yet, Baby»	Joel Hirschhorn, Al Kasha	20. juni 1967	1:49
4.	«Who Are You (Who Am I?)»	Ben Weisman og Sid Wayne	20. juni 1967	2:32
5.	«He's Your Uncle, Not Your Dad»	Ben Weisman og Sid Wayne	21. juni 1967	2:25
6.	«Let Yourself Go»	Joy Byers	21. juni 1967	2:56

Side to

Nr.	Tittel	Låtskrivar(ar)	Innspelt	Lengd
1.	«Your Groovy Self» (sungen av Nancy Sinatra)	Lee Hazlewood	26. juni 1967	2:54
2.	«Five Sleepy Heads» (bonusspor)	Roy C. Bennett og Sid Tepper	20. juni 1967	1:29
3.	«Western Union» (bonusspor)	Roy C. Bennett og Sid Tepper	27. mai, 1963	2:10
4.	«Mine» (bonusspor)	Roy C. Bennett og Sid Tepper	10. september 1967	2:36
5.	«Goin' Home» (bonusspor)	Joy Byers	15. januar 1968	2:23
6.	«Suppose» (bonusspor)	Sylvia Dee og George Goehring	20. juni 1967	2:01

Lister

Album År Lister Plassering 1968 Billboard Pop Albums 82 Kjelder Denne artikkelen bygger på «Speedway (album)» frå Wikipedia på engelsk, den 15. desember 2016. Bakgrunnsstoff LPM-3989 Speedway ¨på The Elvis Presley Record Research Database