The Green Manalishi

The Green Manalishi (With the Two Prong Crown) Singel av Fleetwood Mac
B-side	«World in Harmony»
Språk	engelsk
Utgjeve	15. mai 1970
Innspelt	Hollywood, april 1970
Sjanger	Bluesrock, psykedelisk rock, hardrock
Lengd	4:36
Selskap	Reprise Reprise RS27007
Komponist	Peter Green
Tekstforfattar	Peter Green
Låtskrivar(ar)	Peter Green
Fleetwood Mac-kronologi
«Oh Well» (1969 UK) «Rattlesnake Shake» (1969 USA)	The Green Manalishi (With the Two Prong Crown)	«Dragonfly» (1971 UK) «Jewel Eyed Judy» (1971 USA)

The Green Manalishi (With the Two Pronged Crown) Song av Judas Priest
Utgjeve	Mars 1979 (USA) Oktober 1979 (resten av verda)
Innspelt	1978 i Utopia i Basing Street og CBS Studios i London
Sjanger	Heavy metal
Lengd	3:23
Selskap	Columbia
Komponist	Peter Green
Tekstforfattar	Peter Green
Låtskrivar(ar)	Peter Green
Produsent	James Guthrie, Judas Priest

«The Green Manalishi (With the Two Prong Crown)» er ein song skriven av Peter Green og spelt inn av Fleetwood Mac. Han vart gjeven ut som singel i Storbritannia i mai 19790 og nådde tiandeplassen på den britiske singellista.

Komposisjon

Now, when the day goes to sleep and the full moon looks The night is so black that the darkness cooks Don't you come creepin' around - makin' me do things I don't want to Peter Green (1970)

Songen vart skriven dei siste månadane Green var med i bandet, ei tid då han kjempa med LSD og hadde trekt seg attende frå dei andre medlemmane i bandet. Peter Green valgte å slutte i Fleetwood Mac då bandet ikkje gjekk med på å gje vekk alle inntektene sine, men ikkje før han hadde skrive «Green Manalishi», som verkar å dokumentere kampen hans mot galskapen han var ferd med å søkke ned i. Det finst mange rykte om kva tittelen «Green Manalishi» syner til, og ein er at det er ein referanse til eit mystisk LSD-dop kalla som vart nytta i 1960- og 1970-åra, men Green har alltid hevda at det handlar om pengar, som representert av djevelen.

Green forklarte at han skreiv songen etter ein dop-draum han hadde hatt, der han vart vitja av ein grøn hund som bjeffa til han. Han forstod at hunden representerte pengar. «Det skremde meg fordi eg visste hunden hadde vore død lenge. Det var ein laushund og eg såg etter han. Men eg var død og måtte kjempe meg attende til kroppen min, noko eg til slutt klarte. Då eg vakna var rommet heilt svart og eg byrja å skrive songen.» Han har òg sagt at han skreiv teksten dagen etter, i Richmond Park. Visstnok klarte han ikkje å spele Robert Johnson sin «Hellhound on My Trail» etter hendinga, fordi han meinte helveteshunden i songen til Johnson var den same grøne hunde-demonen i draumen.

B-sida av singelen var ein instrumental skriven av Green og Danny Kirwan kalla «World In Harmony». Dei to songane vart spelte inn på same tid i Warner/Reprise Studios i Hollywood i California.

Konsertversjonar

Ein 13 minuttar lang konsertversjon av «The Green Manalishi» vart spelt inn i februar 1970, før singelen kom ut i mai, men dette vart ikkje gjeve ut før i 1998 på Live in Boston: Remastered.

Songen vart spelt live av dei neste besetningane av Fleetwood Mac med Bob Welch og sidan Lindsey Buckingham på vokal på songen.

Medverkande

• Peter Green – gitar, vokal, 6-strengsbass
• Danny Kirwan – gitar
• John McVie – bassgitar
• Mick Fleetwood – trommer, gong

Jeremy Spencer skal ikkje ha vore med på innspelinga, men var i studio då Green spelte inn dei skumle hyla mot slutten av songen, i følgje eit intervju med Spencer i Peter Green-dokumentaren «Man of the World».

Andre versjonar

Judas Priest-versjonen

Heavy metal-bandet Judas Priest spelte inn songen i 1979 for albumet Hell Bent for Leather (den amerikanske versjonen av Killing Machine) og har blitt så identifiserte med dei at mange trur det er ein original Priest-song. Første gongen songen vart gjeve ut verda over var på konsertalbumet Unleashed in the East, som kom året etter. Ei nyinnspeling av songen finst òg som bonusspor på den tyske og australske utgåva av albumet Demolition frå 2001. Bandet spelte songen på Live Aid på JFK Stadium i Pennsylvania i 1985. Denne versjonen er spelt med ein dobbel gitarsolo av Glenn Tipton og KK Downing.

Andre versjonar

Songen er blitt spelt inn av forskjellige andre artistar og band:

• Corrosion of Conformity i 1983 på albumet Eye for an Eye.
• Arthur Brown i 1997 på hyllestalbumet Rattlesnake Guitar: The Music of Peter Green.
• Steel i 1998 på Heavy Metal Machine EP.
• The Melvins i 1999 på albumet The Maggot
• The Electric Hellfire Club i 2001 på samleplata An Industrial Rock Tribute to Judas Priest.
• The Need i 2001 på samleplata The Structure of Scientific Misconceptions/The System of Scientific Misconstructions
• Therion spelte inn Judas Priest-versjonen av songen i 2002 på hyllestalbumet A Tribute to the Priest.
• Ian Parker i 2005 på konsertalbumet ...Whilst the Wind.
• Sonny Moorman i 2008 på albumet Live as Hell
• The Entrance Band i 2012 på samlealbumet Just Tell Me That You Want Me - A Tribute to Fleetwood Mac.

Kjelder

• Denne artikkelen bygger på «The Green Manalishi» frå Wikipedia på engelsk, den 14. mai 2015.
  • Wikipedia på engelsk oppgav desse kjeldene: